Jeremiya 12:13 - Bhibhiliya Nya Guage

¹³ Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 12:13 Iomraidhean Croise

Dzindzimo 78:62

A di girela likhulo vathu vaye, a va diga va songwa khu valala vawe.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 4:26

Nyi di wona litigo nya gunone li vbindrugedza li khala giwula, madhoropa yaye yatshavbo ma di pfhungumudwe mbeli ga Pfhumu Nungungulu, khu kotani nya likhulo laye.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Levhi 26:20

Mu na luza tshivba khu guthuma mahala; mafu yanu kha ma na dusa dzimbewu, ni misimbo ya tigoni gwanu kha yi na dusa mihandro yaye.

Mikeya 6:15

U na yala, aholu khu na nga vbwera; u na gamela dziolivha, aholu khu na tola mafura yakone; u na gamela dziuvha, aholu khu na sela vbinyu yakone.

Habhakuka 2:13

Ina kha guti khu ga Pfhumu Nungungulu nya Tshivba Yatshavbo, gukhuye vathu va gu thumela esi si na guvbyago khu nilo, va dzi garadza khu iso si si phasigo gilo, gani?

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

Dhewuteronome 28:38

Mahangeni gwago u na yala dzimbewu nya dzingi; aholu uwe u na vbwera dzidugwana, kholu dzi na bani dzi hodzidwe khu dzimbera.