Jeremiya 12:12 - Bhibhiliya Nya Guage

¹² Vapfhungumuli va dita khu malangani yatshavbo nya sigomo ni ya giwulani; kholu litshari la Pfhumu Nungungulu li na vbiyela litigo leli gukhugela mahegiso kala mambe mahegiso nya litigo; mwalo ni moyo a na manago gurula.

Jeremiya 12:12 Iomraidhean Croise

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Isaya 57:21

Ga va nya guvivbedwa khu myonyo gu mwalo gurula; a ngu ganela Nungungulu wangu.”

Jeremiya 15:2

Va gu gu wudzisa, khavo: Hi naya hayi? U na va embela, khuwe: Pfhumu Nungungulu a ngu ganela kharati, khuye: Avo va lumbwago khu gufa, va naya gufani; avo va lumbwago gu songwa khu matshari, va na songwa khu matshari; avo va lumbwago gufa khu ndzala, va nafa khu ndzala; ni vale va lumbago gu yiswa wugumbitunu, va na yiswa iyoyo.

Jeremiya 16:5

Kholu, Pfhumu Nungungulu a ngu ganela kharati, khuye: U nga beli nyumbani nya gililo, ambari guya lila, gambe u nga va pweli gisiro; kholu Pfhumu Nungungulu wari khuye vathu vava kha nyi nga gu khathala gambe khavo, kha nyi va goli ambari gu va pwela wusiwana.

Jeremiya 25:11

Tigoni momu gwatshavbo gu na vbindrugedza gu khala giwula ni gisamadziso; mayigwana yaya, ma na thumela mufumeli wa Bhabhiloni gipimo nya livbandre na mavili magumi myaga.

Jeremiya 3:2

Nga khusa maho yago u khedza sigomoni, mwendro womo uye u ngamba bhaya naye! U di va khedzisela khu dzindzilani kha nga idzo a girago Muarabhi giwulani. U nyenyeziside litigo khu wuphuphulu wago nya wungi.

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Jeremiya 30:5

Pfhumu Nungungulu a ngu ganela kharati, khuye: Hi dipwa huwa nya guthurugise, vathu va dindrendremela gu si manegi gurula.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Jeremiya 47:6

Yowe! U na degula lini Uwe Litshari la Pfhumu Nungungulu? Bwelela u ya dzi tshomega gikhwesoni gwago, u hegisa gu songa.

Jeremiya 48:2

Wudhumo wa Mowabhi wu vbede; khu Hesibhoni, valala va di luga gikungo nya gu mu dwanise, khavo: Hongoleni hi fuvise vathu vava, litigo lawe li si vegwi gambe tengoni nya mayigo. Uwe nuwe Madimeni, kha wu na ganela gilo; kholu nyimbi yi ngu landra khu hwane gwago.

Jeremiya 8:15

Hi di gu lirela gukhethu hi na mana gurula, aholu kha ha mana gilo nya gutsakise; hi di khethu hi na mana gikhati nya gu vbodzisedwe, aholu hi di wona wughevenga.

Gililo 3:17

U ndreyiside gurula hefemuloni gwangu, gutsaka kha nyi nga gu guti gambe.

Ezekiyeli 14:17

Mwendro, nya gu rumela nyimbi ga litigo lile nyi ganela, kheni: Nyimbi yi na vbindre khu tigoni mule gwatshavbo, yi songetela umo vathu ni sifuyo;

Ezekiyeli 21:28

Uwe mwamana wa muthu, profeta u ganela, khuwe: Pfhumu Nungungulu a ngu ganela kharati khu sanana sa Amoni ni gutsorodzela gwawe, khuye: Litshari, litshari li homodwe khu giwununi, li pharwa khu mandza, li lodzidwe gasi gu sasela, li lodzidwe li khedziga gasi gu mbembisa, ni gu khedziga kha nga gulasa;

Ezekiyeli 21:4

Kha nga olu nyi na gu mbembisa vbakari gwago uye nya gululame ni va nya guvivbedwa khu monyo, litshari langu nyi na li dusa khu giwununi li bayisa watshavbo a vbanyago, gukhugela Marandzi kala Wuronga.

Ezekiyeli 21:8

Pfhumu Nungungulu a di nyi embela, khuye:

Ezekiyeli 21:9

“Mwamana wa muthu, profeta u ganela, khuwe: Pfhumu a ngu ganela kharati, khuye: Litshari, litshari li lodzidwe li bwelo li khedziga;

Ezekiyeli 5:2

Gikhati ma vbelago matshigu nya gurandredwe lidhoropa, u na vbisa niloni gipandre nya wuraru nya ndzudzu ndrani nya lidhoropa. Dzega gimbe gipandre nya wuraru u gi pilela khu litshari maphuvbo yatshavbo ya dhoropani. U mwaladzela gimbe gipandre nya wuraru gi vbuvbiswa khu phuvbo; kholu eni nyi na va lundra khu hwane khu litshari.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.

Amosi 9:4

Ambari va gu yiswa wugumbitunu khu valala vawe, nyi na va rumela litshari li ya va songa. Nyi na va khedza khu maho nya guvivbe, nasiri khu wuwadi.

Sofoniya 2:12

Enu nenu vathu Vaetiyopiya, mu na songwani khu litshari langu.

Dhewuteronome 32:42

Sighalala sangu nyi na si lovega novbani, (makoke wangu wu na hodza nyama), khu novba nya avo va fudego ni sibotshwa ni mihungo ya vathangeli ya valala.

Gutuledwa 6:4

Khavbo avbo, yi di duga yimbe kavalu, nya gufuvile, na yi khiledwe khu muthu a nga ningwago tshivba nya guvbedze gurula tigoni, gasi vathu va songane khu gyawe. A di ningwa gambe litshari nya likhongolo.