Jeremiya 12:11 - Bhibhiliya Nya Guage

¹¹ Va li ghohetede, la gu lila avbo gwangu khu kotani nya olu li khadego giwula; litigo latshavbo li pfhungumudwe, aholu mwalo a khathalago khu isoso.

Jeremiya 12:11 Iomraidhean Croise

Muhevbudzi 7:2

I tshukwana gu tutumela nyumbani nya gililo, guvbindra nyumbani nya buzo. Kholu avbovbo khavbo a gu mahegiso nya muthu; ni vale va vbanyago va fanede gu pimisa.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 57:1

Muthu nya gululame a ngu fa, gambe mwalo a pimisago khu isoso monyoni gwaye, ni muthu nya gutumbege a ngu duswa, vathu va si dziti gukhavo va nya gululama, va gu vbiredzela gu duswa li si gu vbohi libango.

Jeremiya 10:22

Yingisani! Gupwala ligwaha nya likhongolo litago khu Wuronga, gasi guta sasela madhoropa ya Judha ma khala giwula, ma vbindrugedza ma khala mavbala nya migehe.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 14:2

Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 19:8

Lidhoropa leli li khala gisamadziso ni gihegiso; watshavbo a na vbindrago khavbo a na samala a womba ndrodzi, khu kotani nya dzimhango dzaye nya dzikhongolo.

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 25:11

Tigoni momu gwatshavbo gu na vbindrugedza gu khala giwula ni gisamadziso; mayigwana yaya, ma na thumela mufumeli wa Bhabhiloni gipimo nya livbandre na mavili magumi myaga.

Jeremiya 4:20

Gupwala gusasedwa vbatshani nya gusasedwe, litigo langu latshavbo li pfhungumudwe; khu githugedza gu di khungumudwa mitshatsha ni wuthavelo wangu.

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 4:28

Khu guralo, mafuni gu na lidwa, ni ndzadzini gu na sivbala; kholu khiso nyi fungidego, kha nyi dzi layi ambari gu bwelela hwane.

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Jeremiya 9:9

Pfhumu Nungungulu a ngu ganela, khuye: “Ina kha nyi na va tsayisa khu kotani nya sihoso sesi, gani? Ina kha nyi na dzi phodzela ga litigo nya gufanane ni eli, gani?

Joyele 1:10

Va sasede lithembwe, litigo lomo gililoni, kholu va ghohetede tirigu, wadwa nya dosi nya dziuvha, mafura kha ma manegi gambe.

Levhi 26:32

Nyi na ghohetela litigo leli, valala vanu va nata khalago umo, va na liwuga ni gu samala.

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Malakiya 2:2

Mwa gumba nyi yingisani khu githawo, ni gumba khathala khu gu rungudza lina langu, nyi na resa givalo avbo gwanu, sikategiso sanu nyi na si vbindrugedza si khala givalo; givalo gegi gi tadzisegide, kholu, enu kha mu khathali khu silo sesi. A ngu ganela Pfhumu Nungungulu nya Tshivba Yatshavbo.

Varoma 8:22

Hi ngu dziti nya gukhethu kala matshiguni ya muhuno, sivangwa satshavbo sa gu dilela ni gusaniseka gukhwatshi khu nyamayi a lumwago.