Jeremiya 12:1 - Bhibhiliya Nya Guage

¹ Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 12:1 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Nehemiya 9:33

Ga satshavbo si hi dugelelago, Uwe U thumide khu gululama, ethu hi gira guvivba.

Joba 12:6

Mitshatsha nya dzimbafa ya gu khadzisega, ni vale va valago Nungungulu, va gu khala na va tiyide; Nungungulu a gu va ninga satshavbo mandzani gwawe.

Joba 13:3

Aholu nyi na ganela ni mune nya Tshivba Yatshavbo; nyi dzi vhikela mbeli ga Nungungulu.

Joba 24:12

Dzihuwa dzawe dza gu pwala madhoropani, ni mihefemulo ya avo va bayisidwego, ya gu keta; aholu Nungungulu kha si woni isoso.

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Joba 8:17

Mikhamba yaye ya gu nava talani nya siwindri, yi thaphela kala musiwindrini.

Dzindzimo 116:5

Pfhumu Nungungulu a na ni gisiro ni gululama; Nungungulu wathu a na ni wuhindzi.

Dzindzimo 119:137

Pfhumu Nungungulu uwe u lulamide, ni gulamula gwago khwa lisine.

Dzindzimo 119:75

Pfhumu Nungungulu, nyi ngu dziti gwadi gukheni gulamula gwago gu lulamide, khwa hosisa olu U nga nyi tsayisa.

Dzindzimo 145:17

Pfhumu Nungungulu lulamide ga dzatshavbo dzindzila dzaye, a na ni wuhindzi mithumoni yaye yatshavbo.

Dzindzimo 37:1

U nga garadzegi khu kotani nya vathu nya guvivbedwe khu myonyo, gambe u nga gireli lidiwo vale va girago guvivba.

Dzindzimo 37:35

Nyi wonide muthu nya guvivbe na tade khu gu dzi gugumugisa, a nava gu fanana ni simbo nya gunyuge wa Libhanoni.

Dzindzimo 51:4

Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

Dzindzimo 51:6

Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

Dzindzimo 92:7

Vathu nya guvivbe ambari va dandra kha nga mwasi, vatshavbo va thumago guvivba va andra, mahegiso yawe va na mbembiswa kala gupindruga,

Mavingu 1:32

Kholu sipumbu si nafa khu gumba yingisa gwawe, ni va nyambana mapimo, va na dzi kembela liphala khu gumba dzi garadza khu gilo.

Muhevbudzi 8:14

Gyomo gambe gimbe gilo gi gumba phasa gilo tigoni momu, a gu egi: Vomo va lulamidego va manago tshatshazelo nya sighohi, ni sighohi si manago tshatshazelo wa va nya gululama. Nyi ngu ganela gukheni esi niso gu dzi pfhadza.

Isaya 41:21

Pfhumu Nungungulu, Mufumeli wa Jakobe, wari, khuye: Bikelani sigaradzo sanu ni gu resa dzifanelo dzanu.

Isaya 48:8

Gima u di si gu sipwi, ambari gu si pima, gukhugela gale dzindzeve dzago dzi di bani dzi si gu tulegi; kholu nyi di gu si pima gukheni kha wa tumbega ngudzu, gukhugela rumbuni ga mayi wago, wa gu tidwa pwani u gindragamilayo.

Jeremiya 11:20

Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Jeremiya 12:6

Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Jeremiya 3:20

Pfhumu Nungungulu a ngu ganela, khuye: “Libango lanu enu va na Israyeli, kholu mwa gu fanana ni nyamayi a gumba tumbega ga mwama waye, enu nenu kha mwa tumbegani gwangu.

Jeremiya 3:7

Nyi di alakanya gukheni hwane nya gu bani giride sighoho satshavbo sesi, mwendro saye a na wuya eno gwangu, aholu uye kha wuya ndriyaye nya mukanganyisi, Judha a si wone satshavbo sesi.

Jeremiya 32:16

Hwane nya gubani nyi rengide nyi ningela mikhwepha, Bharuki, mwamana wa Neriya, nyi di lombelela ga Pfhumu Nungungulu, kheni:

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Gililo 1:18

Uye Pfhumu Nungungulu lulamide, aholu eni nyi di bomba sileletelo saye. Yingisani mwatshavbo enu mayigo, mu wona gutshaniseka gwangu. Dzimbiri ni madzaha yangu, va vbagedwe va yiswa wugumbitunu. Qof

Ezekiyeli 18:25

Khu guralo, enu mwa gu ganela, khenu: “Ndzila ya Pfhumu kha ya lulama.” Yingisa, uwe ndranga ya Israyeli. Ina ndzila yangu kha ya lulama, gani? Khandri dzindzila dzanu dzi ngamba lulama, gani?

Dhaniyeli 9:14

Khu guralo, Pfhumu Nungungulu kha kanakana gu hi resela libango leli avbo gwathu, kholu Pfhumu Nungungulu wathu lulamide ga satshavbo a girago; ambari khu guralo, ethu kha hi mu yingisi.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Hoseya 6:7

Avo va pide gidzumeledzwano kha nga Adhamu, va si tumbegi avbo gwangu.

Habhakuka 1:4

Khu guralo, gumwalo gambe nayo, kha gu nga gu lamudwa khu lisine, kholu va nya guvivbedwa khu monyo, va gu khingeledzela muthu nya gululame, khu guralo, mahungu ma gu wegedzwa, ma si gimbidziswi khu lisine.

Sofoniya 3:5

Pfhumu Nungungulu a gu romo vbakari nya lidhoropa leli, lulamide, kha giri gilo nya guvivbe. Gugya ni gugya uye a gu thuma gulamula gwaye guwonegelani; kha phazami, aholu va nya guvivbedwa khu monyo kha vapwi dzitshoni.

Malakiya 2:17

Enu mu reride Pfhumu Nungungulu khu magana yanu; gambe mu nga guganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

Malakiya 3:15

Olu hi na khethu va kategide va nya matshandza, kholu ambari va gu gira guvivba, silo sawe sa gu va dugela gwadi; va gu linga Nungungulu, va gu khala nyamba hakha tsayiso.”

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.