Jeremiya 11:20 - Bhibhiliya Nya Guage

²⁰ Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Jeremiya 11:20 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

2 Dzipfhumu 19:14

Avbo Ezekhiya a nga hakhago lidangalila khu mandzani ga sirumwa sile, a li hevbula, a di gwela aya bela Nyumbani ga Nungungulu, aya li tula mbeli ga Pfhumu Nungungulu.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 5:8

Aholu eni, nyi na vbweta Nungungulu, nyi bikela gwaye sigaradzo sangu.

Dzindzimo 139:23

Nyi khedzise gwadi, uwe Nungungulu; nyi linge uti mapimo yangu;

Dzindzimo 35:2

Dzega gitshangu u ambala givhikelo, u khuga u ta nyi phasa.

Dzindzimo 43:1

Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

Dzindzimo 57:1

Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Dzindzimo 58:10

Muthu nya gululame a na nengela a gu wona na va gu phodzedwa va nya guvivba; a na hamba migondro novbani gwawe.

Dzindzimo 7:10

Nungungulu khuye gitshangu gyangu; a ngu vbanyisa va nya myonyo nya gululame.

Dzindzimo 7:8

Pfhumu Nungungulu a na lamula mayigo; nyi lamule Pfhumu Nungungulu, gukhedza khu fanelo yangu, kholu eni nyi muthu nya gululame, nyi mwalo nandru.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Dzindzimo 98:9

mbeli ga Pfhumu Nungungulu, kholu uye a nguta ata lamula litigo, a na lamula litigo khu nayo, ni mahundzu khu gululama gwaye

Jeremiya 12:1

Uwe Pfhumu Nungungulu u lulamide, kha nyi dzi kodzi gu ganedzisana nago; ambari ulo, nyi na ni mahungu nyi vbwetago gu gu wudzisa, kheni: Khu ginani va nya guvivbedwa khu monyo va andrago mithumoni gwawe? Khu ginani vatshavbo va girago guvivba, gikhati gyatshavbo va vbanyago na va tangade?

Jeremiya 12:3

Aholu uwe, Pfhumu Nungungulu U ngu nyiti, U ngu nyi wona, gambe U ngu khedzisisa monyo wangu idzo wu gu golago khidzo; va nya guvivba va ndrindrele phuvbo gufanane ni nvuta yi yiswago gusongwatunu! Va dongisele litshigu nya gusongetedwe.

Jeremiya 15:15

Uwe Pfhumu Nungungulu u ngu siti; nyi alakanye ni gu nyi phasa, nyi phodzele ga valala vangu, u nga va digi va nyi songa, khu kotani nya litimiselo lago navo; wona gukhuwe nya gu tshaniswa khu kotani nya lihaladzo nyi gu nalo nago.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 17:18

Va na tale khu dzitshoni vale va nyi tshanisago, aholu eni nyi nga thegi dzitshonini; va na ndrendremele avo, nasiri eni; va na thegedwe khu libango nya wuvi, u va sasela khu dzimhango nya guwuyelele.

Jeremiya 20:12

Gasi olu, uwe Pfhumu Nungungulu nya Tshivba Yatshavbo, uwe u khedzago monyo nya muthu a lulamidego, ni guti mapimo nya monyo waye, nyi phodzele ga valala vangu na nyi gu va wona khu maho yangu, kholu nyi gu tiviside mahungu yangu.

Gililo 3:58

Pfhumu, u nyi vhikede mahunguni gwangu, u vbanyisa hefemulo wangu.

Gililo 3:59

Pfhumu Nungungulu u wonide wuvivbi va nyi giredego, lamula mahungu yangu.

Gililo 3:64

Pfhumu Nungungulu va tsayise mayelano khu mithumo yawe va thumidego khu mandza yawe.

Ezekiyeli 11:5

Khavbo avbo, Liphuvbo la Pfhumu Nungungulu li dita gwangu li ta nyi embela, khilo: Pfhumu Nungungulu a ngu ganela kharati, khuye: Khiso mu ganelago, enu va na Israyeli, aholu eni nyi ngu siti iso mu si pimisago khu myonyoni gwanu.

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

2 Thimoti 4:14

Alesandre, mupfhuli nya dzisimbi a nyi hosede ngudzu; Pfhumu a na mu bweledzela mayelano ni mithumo yaye.

1 Pedro 2:23

Gikhati a nga vadwago kha hakha khu guvala, gikhati a nga saniswa kha wugela muthu, aholu a di vega gutumba gwaye gwatshavbo ga Mulamuli wule nya lisine.

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.

1 Samuweli 24:15

Pfhumu Nungungulu a na khale mulamuli vbakari gwangu ni uwe, a na nyi khedze, a wona mahungu yangu, a nyi lamula ni gu nyi vbulugisa mandzani gwago.”