Jeremiya 11:2 - Bhibhiliya Nya Guage

² “Yingisa magana nya gidzumeledzwano gegi, u ma tshamusela ga va na Judha ni ga vatshavbo va vbahidego Jerusalema;”

Jeremiya 11:2 Iomraidhean Croise

2 Dzipfhumu 11:17

Joyadha a di gira gidzumeledzwano ni Pfhumu Nungungulu, mufumeli gumogo ni vathu gasi va khala vathu va Pfhumu Nungungulu, a di gira gambe gidzumeledzwano ni mufumeli ni vathu.

2 Dzikoronika 23:16

Joyadha a di gira gidzumeledzwano ni vathu, gumogo ni mufumeli, gu, avo va khale vathu va Pfhumu Nungungulu.

2 Dzikoronika 29:10

Khidzo kharato, monyo wangu olu wu pimisago gu gira gidzumeledzwano ni Pfhumu Nungungulu wa Israyeli, gasi a ndreyise vbakari gwathu likhulo laye.

2 Dzikoronika 34:31

Mufumeli a di ya ema wulanga waye, a gira gidzumeledzwano mbeli ga Pfhumu Nungungulu, a sambanya gu gimbila khu dzindzila dza Pfhumu, a landrisa Milayo yaye, sirumo ni sileletelo saye, khu monyo waye watshavbo ni hefemulo waye watshavbo, a landrisa magana yatshavbo nya gidzumeledzwano ma lovidwego libhukuni momu.

Ekisodha 19:5

Olu mwa gu yingisani lito langu, mu vegisa gidzumeledzwano gyangu, mu na khala thomba yangu vbakari nya mayigo yatshavbo, kholu litigo latshavbo la gu lumba Eni.

Jeremiya 11:1

Lito la Pfhumu Nungungulu, li dita ga Jeremiya lita mu embela, khilo:

Jeremiya 11:6

Pfhumu Nungungulu a engedza a nyi embela, khuye: Tivisa madhoropani gwatshavbo ga Judha ni mudzindzilani dza Jerusalema magana yaya, khuwe: Yingisani magana yaya nya gidzumeledzwano, mu bwelo khavbo mu ma landrisa.