Jeremiya 11:16 - Bhibhiliya Nya Guage

¹⁶ Pfhumu Nungungulu a gu riyide lina nya gukhuye khuwe Olivha nya gunyuge, nya gumbure khu kotani nya mihandro yaye nya gutsakise; aholu, olu khu kotani nya ligwaha nya likhongolo, a na khondrisa nilo khu dzibambe gwaye, wu vbisa matamo yaye.

Jeremiya 11:16 Iomraidhean Croise

Joba 8:16

Uye simbo wu gu ni mahagane ma nyugago nyamba thava lihani, matamo yaye ma gu thaphela ma enedza lithembwe latshavbo;

Dzindzimo 52:8

Gasi eni, nyi na gira kha nga ngure nya gunyuge, Nyumbani ga Nungungulu; nyi ngu tumba wuhindzi wa Nungungulu matshigu yatshavbo kala gupindruga.

Dzindzimo 80:16

Valala vathu va li kokide va li vbisa. Wona vathu vava, u va mbembisa khu likhulo lago.

Dzindzimo 80:17

Vhikela muthu wago u mu hathidego khu libogo lago la nyamudye, mwamana wa muthu u nga mu dandrisago.

Dzindzimo 83:2

Wona, valala vago, va ngu gira pfilupfilu, ni avo va gu vengago va ngu dzi khusa va Gu wugela.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Jeremiya 2:21

Eni kamwe nyi gu hathide kha nga simbo nya wadi nya vhinya nyi gu yala kha nga mbewu nya wuzundzo; khu ginani olu u nga dzi vbindrugedza u khala simbo nya limbe lifumbu nyamba phasa gilo?

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Hoseya 14:6

Matamo yaye ma na nava, wumburi waye wu fanana ni simbo nya olivha, wu nungela gu fanana ni simbo wa Libhanoni.

Matewu 3:10

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Johane 15:6

Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.

Dhewuteronome 28:40

Mitshafura yi na manega mivbinganoni gwago gwatshavbo; aholu uwe khu na tola mafura yakone, kholu dzitshafura dzaye dzi na thegelela.

Gutuledwa 11:4

Dzifakazi dzedzi nya dzimbili khu misimbo mivili nya miolivha, gumogo ni dzikandriya dzimbili dzi guromo mbeli ga Pfhumu nya litigo.