Jeremiya 11:11 - Bhibhiliya Nya Guage

¹¹ Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 11:11 Iomraidhean Croise

2 Dzipfhumu 22:16

Pfhumu Nungungulu a ngu ganela kharati, khuye: Nyi na resa libango ga wulanga wowu, ni ga vathu vaye vatshavbo a gu magana yatshavbo nya libhuku leli ma hevbudwego khu mufumeli wa Judha.

2 Dzikoronika 34:24

Pfhumu Nungungulu a ngu ganela, khuye: Wonani, nyi na rumela libango nya likhongolo wulanga wowu ni ga vathu va vbanyago avbo, malito yatshavbo nya givalo ma lovidwego Libhukuni momu hi hevbudego mbeli ga mufumeli wa Judha.

Joba 35:13

Lisine kheli, Nungungulu kha yingisi milombelo yi si phasigu gilo, Nyadzitshivbe gima kha na yi khathalela.

Dzindzimo 18:41

Avo va gu lila, aholu mwalo nya gute va vbanyisa; va gu lila ga Pfhumu Nungungulu, aholu uye kha va hakhi.

Dzindzimo 66:18

Naripwani nyi di alakanya guvivba monyoni gwangu, Pfhumu gima na sa nyi yingisa.

Mavingu 1:28

Khu guralo, mu na nyi rana, aholu kha nyi na mi hakha, mu na nyi vbweta, aholu kha mu na nyi mana.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 24:17

Kholu, enu vavbanyi va mafuni, mu liredwe khu hwanga nya guthavise, liphala ni lizinga.

Jeremiya 11:14

Khu guralo, uwe Jeremiya u nga lombeleli khu vathu vava, ambari gu khusa lito u lila khu avo ni gu va girela nombelo; kholu gikhati va na gu lilago avbo gwangu gima kha nyi na va yingisa, khu kotani nya sighoho sawe.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 14:2

Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 15:2

Va gu gu wudzisa, khavo: Hi naya hayi? U na va embela, khuwe: Pfhumu Nungungulu a ngu ganela kharati, khuye: Avo va lumbwago khu gufa, va naya gufani; avo va lumbwago gu songwa khu matshari, va na songwa khu matshari; avo va lumbwago gufa khu ndzala, va nafa khu ndzala; ni vale va lumbago gu yiswa wugumbitunu, va na yiswa iyoyo.

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 19:3

u naya va embela, khuwe: Yingisani magana ya Pfhumu Nungungulu, enu vafumeli va Judha ni enu vavbanyi va Jerusalema. Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wonani, nyi na mi rumelani wulanga wowu, libango nya likhongolo nya gu uye a na lipwago a na gulumedwa khilo dzindzeveni gwaye.

Jeremiya 23:12

Khu guralo, dzindzila dzawe dzi na fanana ni wulanga nya gukwirige; va na redwa va thegela gidemani; kholu nyi na resa gwawe dzitshanisa khu mwaga nya tsayiso wawe; a ngu ganela Pfhumu Nungungulu.

Jeremiya 25:35

Vahavisi va na hamuga ni ndzila nya gupfowole khiyo, ni vamune mitshambi kha va na vbuluga.

Jeremiya 35:17

Khu guralo, Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na resa ga va na Judha ni ga vatshavbo vavbanyi va Jerusalema libango nyi va tivisidego; kholu nyi va embede, aholu kha va nyi yingisa; nyi va ranide, kha va nyi hakha.”

Jeremiya 36:31

Nyi na tsayisa uye gumogo ni livelego laye, ni sithumi saye; nyi na thesa vbatshani gwawe, ga vathu va Jerusalema, ni vathu va Judha, dzimhango dzatshavbo nyi va tivisidego gu dzi resa, va si khathali khu gu nyi yingisa.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Gililo 2:22

U nyi rambede sighevenga khu maphuvbo yatshavbo, kha nga litshigu nya buzo; litshigu nya likhulo la Pfhumu Nungungulu, mwalo a nga tutumago mwendro gu vbuluga. Ngamo yangu nyi nga yi dandrisa ni gu yi sayisa, nala wangu a yi mbembiside.

Ezekiyeli 14:3

“Mwamana wa muthu, vathu vovo, myonyo yawe va yi vegide umo nya sifananiso, va vegide gikhunguvanyiso nya gunyenyeze mbeli gwawe. Ina eni nyi na va dzumela gu va nyi wudzisa, gani?”

Ezekiyeli 7:5

Mune Pfhumu Nungungulu a di ganela kharati, khuye: “ Wona nya gukhuwe libango li nguta nya likhongolo.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Amosi 5:19

Li na gira kha nga muthu a thavago mbeli nya nghala, bwelo khavbo a manana ni gikankanka, mwendro gu muthu a gu bela nyumbani gwaye, mandza yaye a gu phara vbandzaritunu a hodzwa khu nyoga.

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.