Jeremiya 10:9 - Bhibhiliya Nya Guage

⁹ Va namegedwe parata ya Tarisisi ni ndralama nya gute khu Ufazi, thumo wa muvati ni mupfhuli nya ndralama; si ambagisidwe mwendra nya livala la damboni ni giwunguwungu; Satshavbo sesi i thumo wa vathu nya gugengele.

Jeremiya 10:9 Iomraidhean Croise

1 Dzipfhumu 10:22

Mufumeli a diri ni mataro phwani ga Tarisisi, ma nga bani ma gu longoloka ni mataro ya mufumeli Hiramo. Khu guvbela nya myaga miraru, mataro ya Tarisisi, ma di gu resa ndralama, parata, magwaha nya dzindzofu, dzifene ni dzipavhawu.

2 Dzikoronika 9:21

Mufumeli a diri ni mataro ma nga bani ma hongola tigoni ga Tarisisi, ni sithumi sa Hiramo, nyondro mweyo ndrani nya myaga miraru, ma di wuya khu Tarisisi na ma vbagede ndralama, parata, magwaha nya ndzofu, dzifene ni dzipavhawu.

Dzindzimo 115:4

Sifananiso sawe khu ndralama ni parata, thumo nya mandza nya vathu.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Isaya 23:6

Tshatugani mu wuya Tarisisi, wombani huwa, enu vavbanyi va bambe nya linene.

Isaya 40:19

Meseri a gu pfhula gifananiso, munyiviligisi nya ndralama a gi londra khu sugu, ndralama ni mikarara nya parata.

Ezekiyeli 27:12

“Tarisisi giride wugwewo nago, khu gu wona gutala nya dzithomba dzago; va di renga silo sago khu parata, gikete, thovhu ni tsumbu.”

Ezekiyeli 27:7

Matanga yago ma di girwa khu seda nya mavalavala nya gumbure, nya gute khu tigoni ga Egipito, gasi gu gu thumela kha nga ngavbya; tshatsha wago, a diri mwendra nya giwunguwungu ni livala nya nga la damboni, si dugelago sidwani sa Elisani.

Dhaniyeli 10:5

Nyi di khusa maho nyi khedza vbatshani, nyi di wona mwama nari vbafuvbi gwangu nya guambale dzingandzu nya seda, mugiwununi gwaye na hungide libhandri nya ndralama nya guhutwe ya Ufazi.

Hoseya 8:6

Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Jona 1:3

Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.