Jeremiya 10:4 - Bhibhiliya Nya Guage

⁴ Va wu mburisela khu parata ni ndralama, va wu tiyisa khu gu wu khokhotha khu dzikhogo, gasi wu si kutsungegi.

Jeremiya 10:4 Iomraidhean Croise

Dzindzimo 115:4

Sifananiso sawe khu ndralama ni parata, thumo nya mandza nya vathu.

Dzindzimo 135:15

Vanungungulu va mambe mayigo va gu wumbwa khu parata ni ndralama, sigiro nya mandza nya vathu.

Isaya 44:12

Mupfhuli nya dzisimbi a gu gira libhewula, a gu li thuma vbamagalatunu nya nilo, a wumba gifananiso, a li betha khu gikhokhotho nya dzisimbi, a li lodza khu tshivba nya mawogo yaye; uye a ngupwa ndzala, aholu kha seli mati a gu garala, a vbela tshivba.

Isaya 46:6

Vathu va gu dusa ndralama borisani ni gu pima ndrengo nya parata musikaloni; va gu thola mupfhuli nya ndralama gukhavo a va girele nungungulu gasi va mu khidzimela va kuha mafu khu khovbe, va mu khozela.

Isaya 46:7

Va mu vbagara magatani gwawe, va gu gimbilagimbila naye, ni avbo va mu vegago a gu khala avbo nyamba dzi khuta; ambari va mu girela nombelo, uye kha phindruli gilo; gambe kha vbulugisi ni moyo musigaradzoni gwaye.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.