Jeremiya 10:16 - Bhibhiliya Nya Guage

¹⁶ Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 10:16 Iomraidhean Croise

Dzindzimo 119:57

Pfhumu Nungungulu khuye thomba yangu; nyi tumbiside gu landrisa magana yago.

Dzindzimo 135:4

Uye hathide Jakobe gu khala waye, ni va na Israyeli gu khala thomba yaye.

Dzindzimo 142:5

Nyi di rana uwe Pfhumu Nungungulu, kheni: “Uwe khuwe wuthavelo wangu; khuwe thomba yangu tigoni nya vathu va vbanyago.

Dzindzimo 33:6

Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Dzindzimo 73:26

Ambari mili ni hefemulo wangu sa gu vbela tshivba, Nungungulu likhokhola nya monyo wangu khuye thomba yangu nyamba vbela.

Dzindzimo 74:2

Dundruga vathu vago, avo u va hathidego khu gale, u va tshudzisidego gasi va khala lihundzu nya thomba yago; alakanya gigomo gya Siyoni, u khalago avbo.

Ekisodha 19:5

Olu mwa gu yingisani lito langu, mu vegisa gidzumeledzwano gyangu, mu na khala thomba yangu vbakari nya mayigo yatshavbo, kholu litigo latshavbo la gu lumba Eni.

Ekisodha 34:9

a ganela, khuye: “Olu, nya gu bani nyi mane makategwa mbeli gwago, Pfhumu, gira wuhindzi U gimbila vbakari gwathu; kholu khu lisine, ava vathu nya gubange mihungo. Aholu, hi tsetselele guvivba gwathu ni sighoho sathu, U hi hakhe hi khala thomba yago.”

Mavingu 16:4

Satshavbo silo a giridego Pfhumu Nungungulu a si vegede thumo waye, ambari avo nya guvivbedwe khu myonyo, va vegedwe litshigu nya mhango.

Isaya 19:25

Kholu Pfhumu Nungungulu nya Tshivba Yatshavbo, a na va kategisa, a ganela, khuye: “Kategide Egipito, litigo langu, ni Asiriya, thumo nya mandza yangu, ni Israyeli, thomba yangu.”

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Isaya 47:4

Lina la Mudzegisi wathu khu Pfhumu Nungungulu nya Tshivba Yatshavbo, Nyaguage wa Israyeli.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 51:15

Kholu eni kheni Pfhumu Nungungulu wago, nyi kutsungago linene ma khusega mavimbi. Lina langu, kheni Pfhumu Nungungulu nya Tshivba Yatshavbo.

Isaya 54:5

Kholu Muvangi wago, khuye a gu mwama wago; lina laye a gu uye Pfhumu Nungungulu nya Tshivba Yatshavbo; Mudzegisi wago, khoyu a Agidego wa Israyeli; a ranwago gupwani Nungungulu nya litigo latshavbo.

Jeremiya 10:12

Pfhumu Nungungulu khu tshivba yaye, khuye a giridego mafu, a tiyisa litigo khu guti gwaye, khu wugengeli waye a ladza damboni.

Jeremiya 10:6

Mwalo a fananago nago uwe Pfhumu Nungungulu; u khongolo, lina lago likhongolo li na ni tshivba.

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Jeremiya 32:18

Uwe u ngu pwela wuhindzi mazanazana nya situgulwana, gambe u ngu tsayisa sanana khu kotani nya sighoho sa vavelegi; uwe Nungungulu u khongolo nuri ni tshivba, lina lago khuwe Pfhumu Nungungulu nya Tshivba Yatshavbo!

Jeremiya 33:2

Pfhumu Nungungulu a girago silo sesi, Pfhumu Nungungulu a wumbago esi gasi gu si tiyisa, lina laye a gu uye Pfhumu Nungungulu, a ngu ganela kharati, khuye:

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Jeremiya 50:34

Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Jeremiya 51:19

Aholu Nungungulu wa Jakobe, kha fanani ni vanungungulu vovo, kholu uye khuye Muvangi nya silo satshavbo, Israyeli lihundzu nya thomba yaye, lina laye khuye Pfhumu Nungungulu nya Tshivba Yatshavbo.

Gililo 3:24

Hefemulo wangu, wu di khuwo: “Thomba yangu khu Pfhumu Nungungulu, khu guralo, nyi ngu vega iyo gwaye gutumba gwangu.” Tet

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Zakariya 2:12

Pfhumu Nungungulu a na fumela Judha kha nga thomba yaye tigoni nya gukatege, gambe a na dzi hathela nyaluphye lidhoropa la Jerusalema.

Dhewuteronome 32:9

Gipandre gya Pfhumu Nungungulu, khu vathu vaye, Jakobe khuye gipandre nya thomba yaye.