Jeremiya 10:13 - Bhibhiliya Nya Guage

¹³ A gu khusa lito laye, mati ma gu dzumadzuma, ma khugega mapfhi khu mahegiso nya litigo; ma veta mabara, yiwa ndzadzi, gu duga phuvbo khu wulangani yi khalago.

Jeremiya 10:13 Iomraidhean Croise

Genesi 2:5

Gu di ngari mwalo misimbo mafuni, ni mwasi wu di si gu bugi, kholu Pfhumu Nungungulu a di si gu wisi ndzadzi mafuni, gambe gu diri mwalo muthu nya gulime mafu.

1 Dzipfhumu 18:41

Khavbo avbo, Eliya a di embela Akabi, khuye: “Khuga u gwele u ya hodza u sele, kholu gu ngu pwala gudzuma nya ndzadzi nya yingi.”

Joba 38:22

Ina u di nga bela umo yi dugelago umo thondrwane mwendro gu wona madhamu nya maralala,

Dzindzimo 104:13

Khu nyumbani gwago, u ngu rumela dzindzadzi dzi naganisa sigomo, u khurisa litigo khu mihandro nya makategwa yago.

Dzindzimo 135:17

Va na ni dzindzeve, aholu kha vapwi; kholu va mwalo hefemulo maganani gwawe.

Dzindzimo 135:7

Khuye a wusago mapfhi gukhugela mahegiso nya mafu; khuye a girago gulasa ni mabara, guwa ndzadzi; a tulela phuvbo yi duga khu gukhothedwani gwaye.

Dzindzimo 147:8

Khuye a fenengedzago ndzadzini khu mapfhi, a wisago ndzadzi mafuni ni gu bugisa mwasi sigomoni;

Dzindzimo 18:13

Pfhumu Nungungulu a di pandra mabara ndzadzini, oyu a guromo vbatshani ngudzu a di pwadza lito laye.

Dzindzimo 68:33

Uye a guromo khu gale vbatshani ndzadzini; yingisani, uye a ngu pwadza lito laye, a gu lito nya tshivba.

Ekisodha 9:23

Mosi a di khusa ndronga yaye a gu nonedza damboni, khavbo avbo, Pfhumu Nungungulu a di dzumisa mabara ni gu wisa maralala gu dzura nilo mafuni. Pfhumu Nungungulu a di wisa ndzadzi nya maralala tigoni ga Egipito.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 19:12

Pfhumu Nungungulu a ngu ganela kharati, khuye: Nyi na si gira ga wulanga wowu gumogo ni vavbanyi vakone; nyi na gira lidhoropa leli li fanana ni lidhoropa la Tofeti.

Jeremiya 5:24

Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Jeremiya 51:16

Khu libara nya lito laye, mati ma gu dzuma ndzadzini, gu khusega mapfhi khu mahegiso nya litigo, gwa gu lasa, ya guwa ndzadzi, gu khuga dziphuvbo khu malangani gwaye.

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Zakariya 10:1

Lombani ndzadzi ga Pfhumu Nungungulu gikhatini nya gilimo, kholu Uye khuye a girago mabara ni gulasa ni gu wisa dzindzadzi nya dzikhongolo, yi nonisa wulime, a ninga ga moyo ni moyo mihandro ya thembweni gwaye.