Jeremiya 10:12 - Bhibhiliya Nya Guage

¹² Pfhumu Nungungulu khu tshivba yaye, khuye a giridego mafu, a tiyisa litigo khu guti gwaye, khu wugengeli waye a ladza damboni.

Jeremiya 10:12 Iomraidhean Croise

Genesi 1:1

Guhegulani Nungungulu a di vanga ndzadzi ni mafu.

Genesi 2:5

Gu di ngari mwalo misimbo mafuni, ni mwasi wu di si gu bugi, kholu Pfhumu Nungungulu a di si gu wisi ndzadzi mafuni, gambe gu diri mwalo muthu nya gulime mafu.

1 Dzikoronika 16:26

Kholu vanungungulu vatshavbo va vanya mayigo sifananiso basi, aholu Pfhumu Nungungulu, giride ndzadzini.

Joba 26:7

Nungungulu a ngu ghwimba Marandzi ga damboni umo gu gu mwalo gilo, a emisa mafu ndrengelengeni.

Joba 37:18

Ina uwe nuwe u ngu kodza gu gira nga Uye, u ghwimba damboni u gu tiyisa gu khala kha nga libona nya sugu wu nyiviligisidwego, gani?

Joba 9:8

Khuye ekha a ghwimbidego damboni, a gimbila khu vbatshani nya linene.

Dzindzimo 104:2

U ambade wenengedzo kha nga gifenengelo, u gu ladza ndzadzini gu fanana ni lilwambi.

Dzindzimo 104:24

Uwe Pfhumu Nungungulu sigiro sago si tade! U si giride satshavbo khu guti ni mapimo, litigo li tade khu sigiro sago.

Dzindzimo 119:90

Gutumbega gwago gu ngu thaphela ga mimela ni mimelana; u wumbide litigo u li tiyisa wulanga waye.

Dzindzimo 24:2

Uye mune a li vbahide vbatshani nya yiphwa a li tiyisa vbatshani nya mitsongo.

Dzindzimo 33:6

Pfhumu Nungungulu giride ndzadzini khu lito laye, khu liphuvbo la kanani gwaye, si wumbidwe sivangwa satshavbo.

Dzindzimo 65:7

Uwe u ngu degudza ligwaha nya linene, ni mavimbi yaye, u vbedza ligwaha la vathu va tigoni.

Dzindzimo 78:69

Uye vbahide Nyumba yaye nya Guage yi lapha kha nga ndzadzini, yi tiya kha nga mafu a ma tiyisidego kala gupindruga.

Dzindzimo 93:1

Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

Mavingu 3:19

Khu guti, Pfhumu Nungungulu a di vanga siseketelo nya litigo, a emisa damboni khu gupimisa.

Mavingu 30:4

Khu mani a gwedego ndzadzini bwelo khavbo a wuya? Khu mani a kodzago gufumbaredza phuvbo khu mandza yaye? Khu mani a fumbelago mati mwendrani gwaye? Khu mani a emisidego dzikhona nya mahegiso nya litigo? Khuye mani lina laye, ni lina la mwanaye, mwendro sago u ngu liti?

Isaya 37:16

Uwe Pfhumu Nungungulu nya Tshivba Yatshavbo, Nungungulu wa Israyeli, u khalago vbakari nya dzikerubhimi, khuwe basi u gu Nungungulu nya mifumo yatshavbo ya mafuni; khuwe u giridego ndzadzi ni mafu.

Isaya 40:22

Khuye a khadego khu vbatshani nya litigo, vavbanyi vakone a gu va wona kha nga mbasa, uye a gu ladza damboni kha nga mwendra, a gu ghwimba kha nga tshatsha nya gukhale umo;

Isaya 42:5

Khiso a ganelago Nungungulu, Pfhumu Nungungulu a giridego ndzadzini a gu ladza, a wumbidego litigo, ni mihandro yatshavbo yi dugago khumo; uye a ningago guvbanya vathu va guromo umo, ni hefemulo ga vathu va khalago umomo.

Isaya 44:24

Pfhumu Nungungulu, Mudzegisi wago, Oyu a gu wumbidego rumbuni ga mayi wago, a ngu ganela kharati, khuye: Eni kheni Pfhumu Nungungulu, nyi girago silo satshavbo, nyi giride ndzadzini, nyiri nyonga nyi ladza mafu, nyiri nyonga.

Isaya 45:12

Kheni nyi vangidego mafu nyi bwelo khavbo nyi vanga muthu, a vbanya umo; nyi thawuludzide ndzadzini khu mandza yangu, nyi ninga nayo mabutho yaye yatshavbo.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 48:13

Giseketelo nya litigo gi tsitsidwe khu mandza yangu, khu libogo langu la nyamudye nyi ladzide damboni; me ni gu si rana, sa guta khu gumogo satshavbo.

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Jeremiya 10:13

A gu khusa lito laye, mati ma gu dzumadzuma, ma khugega mapfhi khu mahegiso nya litigo; ma veta mabara, yiwa ndzadzi, gu duga phuvbo khu wulangani yi khalago.

Jeremiya 10:16

Nungungulu wa Jakobe kha fanani navo, kholu uye khuye a vangidego satshavbo hi si wonago; uye a gu lumba va na Israyeli, lina laye khuye Pfhumu Nungungulu nya Tshivba Yatshavbo.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 27:5

Eni nyi giride khu tshivba nya libogo langu, nyi vanga litigo, vathu ni sirengo si wonegago tigoni, nyi ngu si ningela ga wule nyi mu golago.

Jeremiya 32:17

Oh! Uwe Pfhumu Nungungulu wangu, khuwe u giridego ndzadzini ni mafuni khu tshivba yago nya yikhongolo ni libogo lago nya guthawuluge; avbo gwago gimwalo gi si kodzegigo.

Zakariya 12:1

Mahungu ya Pfhumu Nungungulu khu mahungu ya vathu va na Israyeli; Pfhumu Nungungulu a ladzago Ndzadzini, a wuya a emisa siseketelo nya mafu, a wumba hefemulo ndrani nya muthu, a ngu ganela kharati, khuye:

Johane 1:3

Satshavbo silo si vangidwe khu tshivba yaye, gimwalo gi nga vangwa nyambana ilo.

Vakolosi 1:16

Nungungulu vangide khu uye silo satshavbo sa Ndzadzini ni mafuni, esi si wonegago ni esi si si wonegigo, dzitshivba nya maphuvbo, sikhalo nya wufumu, mufumo, vafumeli ni dzitshivba. Nungungulu vangide silo satshavbo khu Kristo, a gu si vangela Kristo.