Jeremiya 10:10 - Bhibhiliya Nya Guage

¹⁰ Aholu Pfhumu Nungungulu khuye nya lisine; uye Nungungulu a vbanyago; ni Mufumeli nya gupindruge. A gu goroga, litigo la gu ndrendremela, ni mayigo kha ma tiyi gu ema mbeli nya likhulo laye.

Jeremiya 10:10 Iomraidhean Croise

Genesi 21:33

Abrahama a di yala ngindru Bherisebha, a rana avbo Pfhumu Nungungulu nya Gupindruge.

1 Dzipfhumu 18:39

Avbo vathu vatshavbo, va si wonego esi, va di thega va tsitsa khu dzikhovbe, va ganela, khavo: “Pfhumu basi khuye a gu Nungungulu! Pfhumu basi khuye a gu Nungungulu!”

1 Dzipfhumu 8:60

Gasi mayigo yatshavbo ya mafuni ma fela gu dziti gukhayo Pfhumu, khuye basi a gu Nungungulu, mwalo mumbe vbavbandze ga Uye basi.

1 Dzikoronika 29:11

Wugulu, tshivba, wuzundzo, gupala ni wufumu, sa gu lumba Uwe, kholu satshavbo si guromo ndzadzini ni mafuni, sa gu lumba Uwe; wufumu khwago Uwe Pfhumu Nungungulu, U khusegidego ngudzu, U fumago silo satshavbo.

2 Dzikoronika 15:3

Israyeli khade gikhati nya gulaphe nari mwalo Nungungulu nya lisine, ni vaphasi nya mhamba nya gu mu hevbudze, gambe va diri mwalo Nayo.

Joba 9:6

Uye a gu vbevbera mafu a ma dusa malangani gwaye, a ndrendremedzisa ni madingo yakone.

Dzindzimo 10:16

Pfhumu Nungungulu, a ngu fuma kala gupindruga; va nya mayigo va na tutumiswa tigoni gwaye.

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 100:5

Kholu Pfhumu Nungungulu khwadi, lihaladzo laye li ngu simama kala gupindruga, gutumbega gwaye gu ngu simama ga mimela ni mimelana.

Dzindzimo 104:32

A gu khedza litigo ilo la gu ndrendremela; a gu kuha sigomo, iso sa gu tuviga wutshi.

Dzindzimo 114:7

Uwe litigo, ndrendremela mbeli ga Pfhumu, mbeli ga Nungungulu wa Jakobe,

Dzindzimo 145:13

Mufumo wago wu ngu simama kala gupindruga, Uwe u na fumela mimela ni mimelana yatshavbo, Pfhumu Nungungulu tumbegide gikhati gyatshavbo, a gu gira mithumo yaye yatshavbo khu lihaladzo.

Dzindzimo 146:6

a nga vanga ndzadzi, mafu ni linene, ni satshavbo si guromo umo, a tumbegidego gikhati gyatshavbo;

Dzindzimo 18:7

Litigo li di thuruga li ndrendremela, matshina nya sigomo ma di kutsungwa khu kotani nya likhulo laye.

Dzindzimo 29:10

Pfhumu Nungungulu khade vbatshani nya talo nya ndrambi, Pfhumu Nungungulu khade vbagikhalotunu nya wufumu kala gupindruga.

Dzindzimo 31:5

Mandzani gwago nyi ngu ningela hefemulo wangu; uwe khuwe u nyi dzegisago, Pfhumu, Nungungulu nya lisine.

Dzindzimo 42:2

Hefemulo wangu wu na ni lidora la Nungungulu, Nungungulu a vbanyago; lini nyi na guta nyi ta wonega mbeli nya khovbe ya Nungungulu?

Dzindzimo 68:11

Pfhumu a ningede lito, vanyamayi nya vangi va di huwelela, khavo:

Dzindzimo 68:8

litigo li di kutsungwa; ndzadzini gu di tulega guwa ndzadzi mbeli gwago, Gigomo gya Sinayi gi di ndrendremela mbeli gwago, uwe Nungungulu wa Israyeli.

Dzindzimo 74:12

Uwe Nungungulu, Mufumeli wangu gukhugela matshigu ya gale; khuye a hi vbanyisago omu tigoni.

Dzindzimo 76:7

Uwe wa gu goroga u ngu thisa, khu mani a tiyago gu ema mbeli gwago?

Dzindzimo 76:8

Khu ndzadzini yoyo u tiviside gulamula gwago, litigo li di tsekatseka, li degula,

Dzindzimo 77:18

Gudzuma nya mabara yago gu di pwala malangani gwatshavbo; gulasa gu di wenengedza litigo latshavbo, litigo li di kutsungwa li ndrendremela.

Dzindzimo 84:2

Hefemulo wangu wu ngu dogorela ngudzu gu ya bela umo, nyi ngu suva gu ya khala makhuvini nya Nyumba ya Pfhumu Nungungulu; nyi ngu emba khu gutsaka khu monyo wangu watshavbo ga Nungungulu a vbanyago!

Dzindzimo 9:8

Uye kamwe a ngu lamula litigo khu gululama, a lamula mayigo khu nayo.

Dzindzimo 90:11

Khu mani a yitigo tshivba nya likhulo lago? Khu mani a si thedwigo hwanga khu guvbenya gwago?

Dzindzimo 90:2

Khu gale, sigomo na si ngari mwalo, na wu si gu vangi litigo ni mafu, uwe u Nungungulu kala gupindruga!

Dzindzimo 93:2

Wufumu waye wu tiyide gukhugela gale; kholu uwe u womo kala gupindruga.

Dzindzimo 97:4

Gulasa gwaye gwa gu wenengedza mafuni; litigo li gu wona li ndrendremela.

Isaya 37:17

Uwe Pfhumu Nungungulu, demba ndzeve upwa; tula maho u wona; yingisa magana yatshavbo ya Senakeribhi, ayo a rumedego guta vala khayo Nungungulu a vbanyago.

Isaya 37:4

Mwendro saye Pfhumu Nungungulu wago, a ma pwide magana ya Rabhisaki, a rumedwego khu mune waye, mufumeli wa Asiriya, guta vala Nungungulu a vbanyago, a gu dzina saye Pfhumu Nungungulu wago, a na mu tsayisa khu magana a ma pwidego; khu guralo, olu lombelela ga Nungungulu wago khu mitshaledwa ya vathu vaye.

Isaya 40:15

Wonani nya gukhenu mayigo ga uye, ma gu fanana ni lidodoto nya mati li dotago khalini, ni gu fanana ni kudzudzwane wu thegedego mugikaloni, ni sidwa a gu si wona na si gu fanana ni kudzudzwane wu vbuvbago.

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 65:16

Ni wevbini a lombago gikategiso omu mafuni, a na kategiswa khu Nungungulu nya lisine, ni wevbini a na gu sambanyago mafuni, a na sambanya khu Nungungulu nya lisine; kholu gugaradzega gwaye gwa gale gu na divaledwa; gu sihidwe mbeli gwangu.

Jeremiya 23:36

Aholu mu nga ganeli gambe khu rwalo wa Pfhumu Nungungulu; kholu muthu ni muthu a na lemedwa khu magana yaye; kholu mu hambanisago ndzila nya magana ya Nungungulu a vbanyago, ya Pfhumu Nungungulu nya Tshivba Yatshavbo, Nungungulu wathu.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 4:24

Nyi di khedza sigomo, si di tsekatseka, ni sigomwana si di gu lengalenga.

Jeremiya 50:46

Mafu ma na ndrendremela khu ligwaha nya gu wandrwe Bhabhiloni, dzihuwa dzawe dzi na pwala khala ga mambe mayigo.”

Jeremiya 51:29

Mafu ma na tsekatseka khu gu vbisega, kholu makungo ya Pfhumu Nungungulu, momo vbafuvbi ni gu gira iso a sambanyidego gu gira ga litigo la Bhabhiloni, gu li gira marumbi nyamba khadwa gambe khu muthu.

Dhaniyeli 4:3

Nyi di vega nayo nya guranise vagengeli vatshavbo va Bhabhiloni, gasi guta nyi ninga tshamuselo nya ndroro nyi nga lorago.

Dhaniyeli 4:34

Gasi olu, eni Nabhukodhonosori, nyi ngu rungudza, nyi khusedza ni gu dhumisa Mufumeli nya dzindzadzi. Kholu mithumo yaye yatshavbo khya lisine, ni dzindzila dzaye dzi lulamide. Uye a na ni tshivba nya guthese vbavbatshi avo va dzi khusedzago.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Dhaniyeli 6:27

Uye ngu vbulugisa ni gu vbanyisa; a ngu gira siwoniso ni siliwugiso ndzadzini ni mafuni. Uye a vbulugiside Dhaniyeli tshivbani nya dzinghala.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Mikeya 1:4

Sigomo si na nyiviliga vbavbatshi nya migondro yaye, ni mikova yi na tulega nga mafura vbavbatshi nya nilo, kha nga mati ma gogago releloni ma khala nondrwa.

Nahume 1:5

Sigomo sa gu ndrendremela mbeli gwaye, sigomwana si nyiviliga; mafu ma tsekatseka mbeli gwaye, li ndrendremela litigo ni vatshavbo va vbanyago umo.

Nahume 1:6

Khu mani a na gu emago mbeli nya likhulo laye? Khu mani a tiyelago guvbisa nya likhulo laye? Likhulo laye li vbalagide nga nilo, khungumulede siwindri mbeli gwaye.

Habhakuka 3:10

Sigomo si di gu wona, si ndrendremela, mati ma di goga ma relela khu gigaha gu pwala lito laye guetani; a khusedza mavimbi yaye.

Habhakuka 3:6

Uye a gu ema, mafu ma gu tsekatseka; a gu khedza, a gu ndrendremidzisa mayigo. Sigomo sa gale si di khungumudwa; sigomwana sa gale si di khungumugela. Dzindzila dzaye khya gupindruga.

Malakiya 3:2

Khu mani a na li tiyelago litshigu nya gute gwaye? Khu mani a na gu ema mbeli gwaye a tiya, a gu dzi wonegisa? Kholu uye a nata nga nilo nya tengele wa mupfhuli, ni sabawu ya muhandzi.

Matewu 16:16

Simoni Pedro a di khusa lito a gu phindrula, khuye: “Uwe khuwe Kristo, Mwamana wa Nungungulu a vbanyago.”

Matewu 26:63

Aholu Jesu a di hodza gikhukhu a degula. Khavbo avbo, Muphasi nya Khongolo a di mu embela, khuye: “Nyi ngu gu ruma khu lina la Nungungulu a vbanyago: Nga nyi embela: Ina kamwe uwe khuwe Kristo, Mwamana wa Nungungulu, gani?”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.

Dhewuteronome 32:4

Uye Giwindri nya gutiye, thumo waye wu vbelede, kholu dzindzila dzaye dzatshavbo dzi lulamide! Nungungulu tumbegide, avbo gwaye gu mwalo gukanganyisa; Uye khwa lisine ni gululama.

Dhewuteronome 5:26

Kholu khu wevbini muthu a nga yingisa lito la Pfhumu Nungungulu a vbanyago na li gu ganela khu vbakari nya nilo, kha nga idzo ethu hi nga mu yingisago khidzo a simama gu vbanya?

1 Vatesalonika 1:9

Khu guralo, vatshavbo va gu ganela khu mahakhelo mu nga hi hakhani khayo ni gu digani vanungungulu nya malipha, mu thumela Nungungulu nya guvbanye, nya lisine.

1 Thimoti 1:17

Khu guralo, ga uye Pfhumu nya gupindruge, rungudzo ni gidhumo si na vegwe gwaye Nungungulu nyamba fa nyamba wonwa khu maho khu gupindruga ni gupindruga Amen.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

Vahebheru 10:31

Gu ngu thisa ngudzu gu thegela mandzani ga Nungungulu a vbanyago.

Josuwa 3:10

A engedza gambe, khuye: “Kharato mu na dzitini nya gukhenu Nungungulu a vbanyago womo vbakari gwanu, Uye gima kha na diga gu bhobha mbeli gwanu Vakhanani, Vahiti, Vahevhi, Vaperezi, Vagerezi, Vaamori, ni Vajebhuzi.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Gutuledwa 20:11

Nyi di wona gambe gikhalo nya gikhongolo nya wufumu nya guage ni wule a nga bani a khade ga igyo. Mahoni gwaye ndzadzi ni mafu si di mwalalega nyamba wonega gambe.

Valamuli 5:4

Uwe Pfhumu Nungungulu, avbo u na khugago khu Seyiri, avbo u nga gimbilago gukhugela mahangeni ga Edhomi, mafu ma di tsekatseka; khu ndzadzini gu dota mati, mapfhi ma wisa ndzadzi.

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.