Jeremiya 1:5 - Bhibhiliya Nya Guage

⁵ “Eni nyi gutide nusi gu wumbwi ndrani ga mayi wago;” nyi gu hathide nu si gu velegwi, nyi gu phasela gu khala muprofeti ga mayigo.

Jeremiya 1:5 Iomraidhean Croise

Dzindzimo 139:15

Uwe u nyi wone gikhati marambo yangu ma nga bani ma yingedwa, gikhati nyi nga bani nyi gu vbahwa mugusihalani, ndrani ga mayi wangu, avbo nyi nga bani nyi gu dandra guetani nya mafu.

Dzindzimo 139:16

Maho yago ma nyi wone, eni nyi si gu velegwi, ni matshigu nya guvbanye gwangu, ma lovidwe yatshavbo libhukuni gwago, ni limwedo basi nya ayo li si gu manegi.

Ekisodha 33:12

Mosi a di ganela ga Pfhumu Nungungulu, khuye: “Uwe wa gu nyi embela, khuwe: Dusa vathu vava; aholu khu nyi tivisi oyu u mu rumidego gasi gu nyi bangaladza. Ambari ulo u ganede khuwe eni nyi ngu guti khu lina, gambe u mane wuhigo mahoni gwangu.

Ekisodha 33:17

Pfhumu Nungungulu a di hakha, khuye: “Nyi na gira esi u nyi lombago; kholu uwe u manide wuhigo mahoni gwangu, gambe nyi ngu guti khu lina.”

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Isaya 49:5

Gasi olu, a ngu ganela Pfhumu Nungungulu, a nyi wumbidego nyi ngari ndrani ga mayi, gu khala githumi gyaye, gasi nyi mu bweledzela Jakobe, ni gu tshanganisa Israyeli a wuya gwaye, gasi eni nyi dhumiswe mbeli ga Pfhumu Nungungulu, Uye a gu tshivba yangu.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 1:4

Mahungu ya Pfhumu Nungungulu ma dita avbo gwangu ma ta nyi embela, khayo:

Jeremiya 20:15

A na vadwe muthu a bikedego babe wangu, mahungu nya gutsakise, khuye: “U velegedwe gyanana nya gikhwathana! A nengela ngudzu, khuye.”

Jeremiya 25:13

Nyi na tadzisa tigoni mule magana yangu yatshavbo nyi ma ganedego khu kotani nya litigo leli ni satshavbo si lovidwego libhukuni momu, iso si nga profetwago khu Jeremiya khu mahungu nya mayigo yaya.

Jeremiya 36:2

Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Jeremiya 50:34

Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

Luka 1:41

Elizabheta, na pwide gulosa ga Mariya, gyanana gi di ndragandraga khu gunengela ndrani gwaye. Khavbo avbo, Elizabheta, na tade khu Liphuvbo nya Guage,

Luka 1:76

Gasi uwe, gyananawe, u na ranwa pwani u muprofeti wa Nungungulu a khusegidego ngudzu, kholu u na thanga mbeli ga Pfhumu, gasi gu dongisela dzindzila dzaye.

Johane 10:36

Eni, Nungungulu a nyi hathide a nyi rumela mafuni. Khu ginani mu nyi wugelago khenu nyi na ni mapepetela kholu nyi nga ganela kheni nyi Mwamana wa Nungungulu?

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

Varoma 8:29

Kholu, vale Nungungulu a nga bani a va hathide khu gale, a va vegisede gu va tshanganisa gumogo ni Mwanaye, gasi Mwanaye a khale matiwula vbakari nya vandruye nya gutale,

1 Vakorinto 8:3

Aholu, muthu a gu haladza Nungungulu, Nungungulu nuye a na mu muti.

Vaefeso 1:22

Nungungulu vegide silo satshavbo vbavbatshi nya migondro ya Kristo, a mu emisa kha nga muthangeli nya silo satshavbo ni hungo nya Libandla.