Jeremiya 1:16 - Bhibhiliya Nya Guage

¹⁶ Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 1:16 Iomraidhean Croise

2 Dzipfhumu 22:17

Kholu va nyi pfhurarede, va vbisela libani vambe vanungungulu, va nyi gorosa khu mithumo yatshavbo nya mandza yawe, khu guralo, likhulo langu, li di vila khu wulanga wowu, gima kha li na tshimega.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 28:2

aholu a di landrisa dzindzila dza vafumeli va Israyeli. A di gira ni sifananiso nya Vabhahali khu simbi.

2 Dzikoronika 34:25

Kha nga olu avo va nyi digidego, vaya vbisela libani vambe vanungungulu nya malipha, va wusa likhulo langu khu mithumo yatshavbo ya mandzani gwawe; khu guralo, likhulo langu li khondride ga wulanga wowu, gambe gima kha li na tshimega.

2 Dzikoronika 7:19

Aholu mwa gu ndreya, mu hambana ni milayo ni sileletelo esi nyi mi ningidego, mu ya thumela vambe vanungungulu ni gu va khozela,

Isaya 2:8

Litigo lawe gambe, li tade khu sihuru nya sifananiso, va gu khozela thumo nya mandza yawe, iso va si giridego kamwe khu dzinyala dzawe.

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Isaya 44:15

Gasi muthu a kodza gu mana dzikhuni nya gu vase khidzo nilo ni gu phula khidzo guhodza; gimbe gipandre nya mapulango a vata khigyo gifananiso nya nungungulu a gi khidzimela a gi khozela.

Isaya 65:3

Vathu vava va nyi vbisisago monyo gikhati gyatshavbo, khu gu gira miphaselo marembweni ni gu vbisa libani vbatshani nya giluvelo nya sitini;

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 10:3

Kholu sihena nya tumbunugo sa va nya mayigo kha si phasi gilo; kholu va gu koka simbo wa khabini, Wu vatwa khu meseri khu mbato.

Jeremiya 11:12

Khu guralo, madhoropa ya Judha ni vavbanyi va Jerusalema, va na lila ga vanungungulu va nga va vbiselago libani; aholu, kha va na vbanyiswa khavo khu litshigu nya libango.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 16:11

U na va hakha kharati, khuwe: Pfhumu Nungungulu a ngu ganela kharati, khuye: Khu kotani ya vababe vanu va nyi digidego va landrela vambe vanungungulu nyamba phasa gilo, va va khozela ni gu va thumela, va noga mbeli gwawe, va hambaniside nayo wangu va nyi pfhurarela.

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 2:28

Gasi vomo hayi vanungungulu u dzi giredego? Va gu bani vari ni tshivba nga va diga va eme, hi wona mwendro va ngu kodza gu gu vbanyisa matshigu u pwago wuvi; kholu vanungungulu vago uwe Judha vangi, kha nga madhoropa yago.

Jeremiya 4:12

Phuvbo yeyi nyi na yi resago yi na bani yiri ni tshivba ngudzu, gasi guta va lamula khiyo.

Jeremiya 4:28

Khu guralo, mafuni gu na lidwa, ni ndzadzini gu na sivbala; kholu khiso nyi fungidego, kha nyi dzi layi ambari gu bwelela hwane.

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Jeremiya 5:9

Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 51:17

Vatshavbo va si wonago va gu liwuga! Vale va vatago sifananiso va khala dzitshoni; kholu nungungulu nya sifananiso khandri wa lisine, gambe va mwalo hefemulo.

Jeremiya 7:17

Ina khu si woni iso va gimbilago va gira madhoropani ya na Judha ni dzindzilani ga Jerusalema, gani?

Jeremiya 7:18

Sanana sa gu funya dzikhuni, vavelegi va vasa nilo, vanyamayi va suga wuguvbi gasi gu gira sibaba nya gulumbe nungungulu nya nyamayi a ranwago pwani Pfhumugadzi ya Ndzadzini. Gu diga nya isoso, va guya ningela miningelo nya wadwa ga vambe vanungungulu, va fela gu nyi gorosa va nyi wusela likhulo.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 16:18

U dzegide gambe guambala gwago nya mavalavala, u fenengedza khugo sithombe soso, u dzega mafura ni libani nyi nga gu ningago, u si girela miningelo.

Ezekiyeli 24:14

Eni Pfhumu Nungungulu nyi ganede. Olu gi vbohide gikhati nya gu nyi thuma. Kha nyi na bwelela hwane. Uwe u na lamudwa gukhedza khu mavbanyelo yago ni mithumo yago.” A ngu ganela Mune Pfhumu Nungungulu.

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 8:6

Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Joyele 2:11

Pfhumu Nungungulu a ngu khusedza lito laye mbeli nya mabutho yaye; kholu masotshwa yaye mangi ni tshivba ngudzu kholu a na ni tshivba uye a yingisago milayo yaye; kholu litshigu la Pfhumu Nungungulu likhongolo ni guthisa ngudzu, khu mani a na gu li tiyelago?

Mithumo 7:41

Khu matshigu yoyo va di wumba githombe nya mombe va gu phasela dzimhamba gifananiso, va nengela khu mithumo ya mandza yawe.

Dhewuteronome 28:20

Pfhumu Nungungulu a na resa libango vbatshani gwago, pfilupfilu, gutshaniseka ni gu luzekedwa khu mithumo yatshavbo ya mandzani gwago, kala u mbembiswa khu guvbiredza, khu kotani nya mithumo yago nya guvivbe u yi giridego khu guhambana ni eni.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Josuwa 24:20

Mwa gu digani Pfhumu Nungungulu mu khozela vambe vanungungulu nya malipha, Uye a na vbindrugedza a mi girela guvivba, a mi mbembisa, hwane nya gu bani na mu girede silo nya sadi.”

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.