Jeremiya 1:15 - Bhibhiliya Nya Guage

¹⁵ Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 1:15 Iomraidhean Croise

Isaya 22:7

Mikovani nya gunone ya Judha, gu tade khu dzikareta ni vakhileli nya dzikavalu, va fode vbafuvbi ni dzinyangwa nya lidhoropa.

Jeremiya 10:22

Yingisani! Gupwala ligwaha nya likhongolo litago khu Wuronga, gasi guta sasela madhoropa ya Judha ma khala giwula, ma vbindrugedza ma khala mavbala nya migehe.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 13:20

Khusani maho mu wone avo vatago khu phuvbo ga Wuronga; womo hayi tshambi u nga bani u ningidwe, dzomo hayi dzinvuta nya wudhumo wago?

Jeremiya 25:28

Va gu bomba gu sela khu mandzani gwago gikombe nyi va rumedego, u na va embela, khuwe: Pfhumu Nungungulu nya Tshivba Yatshavbo a ngu ganela kharati, khuye: Mu na gi sela khu gikolokolo!”

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 34:1

Pfhumu Nungungulu a di resa magana yaya ga Jeremiya, gikhati Nebhokadhonosori, mufumeli wa Bhabhiloni, a nga bani a guta ni masotshwa yaye yatshavbo gumogo ni mifumo yastshavbo ni mafumbu ya mafuni ma nga bani ma fumedwa khuye, ma ta dhumela Jerusalema gumogo ni madhoropa yaye yatshavbo, a ganela, khuye:

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 39:3

Vathangeli vatshavbo nya nyimbi ya mufumeli wa Bhabhiloni, va di bela va ya ema Vbamwanyatunu wa Vbakari, a diri ava: Nerigali-Sarezeri, Sangari-Nebho, Sarisekimi, Rabhi-Sarisi, Nerigali-Sarezeri, Rabhi-Magi ni dzimbe dzindruna dza mufumeli wa Bhabhiloni.

Jeremiya 4:16

Huwelelani esi ga mayigo, mu tivisani ga Jerusalema, khenu: “Libutho ya valala va nguta khu mayigoni ya hwindzo na va gu laledza khu lito nya gukhugege guta sasela madhoropa ya Judha.”

Jeremiya 4:6

Ghwimbani ngavbya mu thonona Siyoni, thavani khu guvbiredza mu vbweta wulanga nya gusihale avbo! Kholu eni nyi ngu resa libango khu Wuronga, a gu gusasedwa nya gukhongolo ngudzu.”

Jeremiya 43:10

U va embela, khuwe: Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Wonani, nyi na ranisa githumi gyangu Nabhukodhonosori, mufumeli wa Bhabhiloni, nyi nata emisa gikhalo nya wufumu waye vbatshani nya siwindri sesi si kembedwego avba, uye a na ghwimba tshatsha waye nya wufumu vbatshani nya siwindri sesi.

Jeremiya 44:6

Kotani nya isoso, nyi di guhula likhulo ni khorodza yangu si ta vbisa madhoropa ya Judha gumogo ni dzindzila dza Jerusalema; muhuno ma khade marumbi ni giwula nyambana muthu kha nga mu si wonago.”

Jeremiya 46:24

nyamahegyane wa Egipito, a na thega dzitshoni, a na ningedwa mandzani ga litigo la Wuronga.”

Jeremiya 5:15

Pfhumu Nungungulu a ngu ganela, khuye: Wonani nya gukhenu nyi na mi resela litigo la hwindzo, ga linyumba la na Israyeli li ta mi sasela; vathu vakone va na ni tshivba nari gale na varomo na va gu ganela lidimi u si litigo ambari gu li ganela.

Jeremiya 6:22

Pfhumu Nungungulu a ngu ganela kharati, khuye: “Wonani vathu vatago khu litigo la Wuronga, litigo nya likhongolo li na dugela mahegiso nya mafu.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 5:11

Va pfinyide vanyamayi va Siyoni, ni vanyamahegyane va Judha.

Ezekiyeli 32:30

Vathangeli vatshavbo va Wuronga ni vavbanyi va Sidhoni, vomo navo vbale, va reledego gumogo ni vale va songidwego, na va tade khu dzitshoni nya dzihanyi va dzi giridego khu tshivba va nga bani vari nayo; va ngu lala gumogo ni va nyamba hana wugwera, ni vale va songidwego khu matshari, va di rwala dzitshoni dzawe gumogo ni vale va relelago phalani nya vafi.

Joyele 2:20

Wule a tago khu Wuronga nyi na mu gira a hongola hwindzo nanu, nyi na mu dzudzuga ga litigo nya gihala nyamba buga gilo; vale va guromo mbeli nyi na va yisa ga yiphwa ya Khugadambo; avo va tshadego hwane, nyi va yisa ga yiphwa ya Pfoladambo; sirumbi sawe si na tala si hina, gununga gakone gu phalalega ni malanga yatshavbo; kholu va mu ghohede ngudzu.

Zakariya 6:6

Kareta yi ndrindrwago khu dzikavalu nya gusivbale, ya gu hongola phuvbo ga litigo la Wuronga; iyo yi ndrindrwago khu dzikavalu nya guage, ya gulandra khu hwane; iyo yi ndrindrwago khu dzikavalu nya maratarata, ya gu hongola phuvbo ga litigo la Marandzi.”