Jakobe 5:6 - Bhibhiliya Nya Guage

⁶ Enu mu ngu ninga nandru, mu songa vathu nyambana nandru, avo kha va dzi kodzi gu dzi vhikela gwanu.

Jakobe 5:6 Iomraidhean Croise

Isaya 5:23

Libango ga vale va dzumelago gu rengeledwa, gasi gutshula muthu a gu ni nandru, va bomba gu emela muthu nya gululame!

Isaya 53:7

Uye a di tshaniswa a pwiswa wuvi, aholu, a di dzi thesa vbavbatshi, nyamba tula likana; gu fanana ni nvuta yi yiswago gusongwatunu, ni nvuta yi degulago gikhati va yi gayago mawoya; uye nuye kha nga tula likana.

Matewu 21:38

Aholu valimi, na va wone mwamana waye, va di embeledzelana, khavo: ‘Khuye oyu a na gu tshalago ni thomba. Hongoleni hi mu songe, gasi hi na tshala nayo ethu.’

Matewu 27:20

Gasi vaphasi nya vakhongolo ni madhota va di kutsedzela gidzemo gu va lomba gu tshudwa Bharabhasi, a gu songwa Jesu.

Matewu 5:39

Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade.

Mithumo 22:14

Uye a di khuye: ‘Nungungulu wa vababe vathu a gu hathide gasi u fela guti gwadi guhaladza gwaye, u wona Wululamo waye ni gupwa lito li dugago khu kanani gwaye.

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.

Mithumo 8:32

Ndrima nya Milowo a nga bani a gu hevbula kheyi yi gu, khiyo: “Kha nga nvuta a di yiswa gusongwatunu, kha nga nvuta yi degulago mandzani ga oyu a yi gayago mawoya, kharato nuye kha nga tula likana laye.

Vahebheru 10:38

Muthu wangu a lulamidego a na vbanya khu gukhodwa; aholu, oyu a bwelelago hwane, eni kha nyi na tsakiswa khuye.”

Jakobe 2:6

Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?

Jakobe 4:2

Enu mwa gu vbweta silo nya singi, khu gumba si manani, mu ngu dzumela gu songa kala mu si mana. Mu ngu dogorela, aholu, khu gumba si mana esi mu si vbwetago, mu ngu dwana, mu vengana. Kha mu si mani esi mu si vbwetago, kholu kha mu lombi ga Nungungulu.

1 Pedro 4:18

Nga ulo yi ganelago Milowo nya Guage, khiyo: “Olu gu garadzago gu vbanyiswa ava nya vadi, ginani gi na gu dugelelago ga vale nyamba khodwa ni sighohi?”