Jakobe 5:5 - Bhibhiliya Nya Guage

⁵ Enu mu vbanyide mafuni momu khu manonwa ni gu dzi londrola. Khu guralo, mu enide nga dzimombe dziyago gusongwani.

Jakobe 5:5 Iomraidhean Croise

Dzindzimo 17:14

Khu mandza yago, Pfhumu Nungungulu, nyi vbanyise vbakari nya vathu nya mafu, avo va hakhide tshatshazelo wawe va nga gu vbanya mafuni momu. Aholu, vale va gu tumbago va khurise khu thomba yago, thomba yi enelago gu khurisa sanana sawe yi bwelo khavbo yi tshalela situgulwana sawe.

Dzindzimo 73:7

Maho yawe ma simbide khu mafura; myonyoni gwawe gu tade khu maalakanyo nya guvivbe.

Mavingu 17:1

I tshukhwana gu hodza ligogo mugurulani, guvbindra gu hodza dzinyama nya gunone avbo gu tadego khu mayunga.

Mavingu 7:14

“Nyi sambanyide gu gira miphaselo nya gubonge, muhuno nyi tadziside gifungo gyangu.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 3:16

Pfhumu Nungungulu a ngu engedza a ganela, khuye: Kha nga olu vanyamahegyane va Siyoni va dzi gugumugisago, va gimbila na va khusedzide dzithamo, maho yawe na ma tade khu wukanganyisi, va gu gimbila gukhwatshi va di hungwa, na va gu dzumisa masindra ya mawundruni gwawe.

Isaya 47:8

Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Jeremiya 12:3

Aholu uwe, Pfhumu Nungungulu U ngu nyiti, U ngu nyi wona, gambe U ngu khedzisisa monyo wangu idzo wu gu golago khidzo; va nya guvivba va ndrindrele phuvbo gufanane ni nvuta yi yiswago gusongwatunu! Va dongisele litshigu nya gusongetedwe.

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Ezekiyeli 16:49

Owu khu nandru wa ndriyago Sodhoma, uye gumogo ni sanana saye nya gutale khu matshandza ni wutetema, kholu va diri ni guhodza nya gutale ni sifuyo nya singi; kha va thela kota khu gu phasa sisiwana ni va nya guhamuga.

Ezekiyeli 39:17

Khu guralo, uwe, mwamana wa muthu, Mune Pfhumu Nungungulu, a ngu ganela kharati, khuye: Rana sinyoni nya mafumbo yatshavbo gumogo ni sirengo satshavbo sa khabini, khuwe: Tombanani muta, tshanganani khu maphuvbo yatshavbo mu ta gira phaso, owu nyi na wu ningelago khu enu, a gu phaso nya wukhongolo sigomoni sa Israyeli; mu na hodzani nyama ni gu selani novba.

Amosi 6:1

Libango ga avo va vbanyago Siyoni na va khadzisegide, va dzipwago na va tiyide gigomoni gya Samariya, vathu nya guthavisege vbakari nya mayigo nya guhegule, mayigo ma tumbwago khu va na Israyeli!

Luka 16:19

A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

Luka 16:25

Abrahama a di hakha, khuye: Mwanangu, dundruga nya gukhuwe u hakhide thomba yago u nga gu vbanya, gasi Lazaro a di mana basi sisaniseko. Olu uye a ngu tangadziswa, gasi uwe u ngu saniseka.

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

1 Thimoti 5:6

Aholu, oyu a dzi ningedzelago gutsakisa givili, ambari na gu vbanya, fude.

2 Thimoti 3:4

Va nya malipha, va nya mapimo nya guvivbe, va nya gugola gu dzi tsakisa khu silo nya mafu guvbindra Nungungulu.

2 Pedro 2:13

Va na livba khu sisaniso guvivba va nga girelago vakwawe. Avo va ngu tsakiswa khu dzitshoni ni gikhunguvanyiso, va gu hagana gikhati nya mihani khu mahaganelo yawe nya wukanganyisi, gikhati va hengelago nanu mibuzoni.

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’

1 Samuweli 25:36

Avbo Abhigayili a nga bwelelago ga Nabhali, a diya mu mana na gu gira buzo nya nga wa mufumeli, na tsakide ngudzu monyoni gwaye, kholu a di levide ngudzu, Abhigayili kha nga mu embela gilo kala gugya.

1 Samuweli 25:6

Mu embela gitetema gile, khenu: Gurula gu na khale ni uwe, ni ndrangani gwago gu na gumanege gurula, ni satshavbo iso u gu naso si na mane gurula!