Jakobe 5:3 - Bhibhiliya Nya Guage

³ Ndralama ni parata yanu si pfhurede. Gupfhurela gogu gu na khala fakazi nya gu mi wugele kha nga nilo, gu hodza sivili sanu. Enu, mu wungedzede dzithomba ga matshigu yaya nya guhegise.

Jakobe 5:3 Iomraidhean Croise

Genesi 31:48

Laboni a di khuye: “Gigomo gegi nya siwindri, gukhugela muhuno, i fakazi ga ethu ha vavili.” Khu kotani nya isoso, a di gi rana khuye Galedi.

Genesi 31:52

Gigomo gegi ni gialakanyiso gegi, gi na khale fakazi nya vbingano; eni kha nyi na gi vbindra nyita iyo gwago, uwe nuwe khu na gi vbindra u ta eno gwangu khu gikungo nya gute gira guvivba.

Genesi 49:1

Khu hwane, Jakobe a di ranisa sanana saye a si embela, khuye: Tshanganani kholu nya gu vbweta gu mi tivisani esi si na gu dugelelago khu matshigu ma ngu gutago.

Joba 16:8

U nyi tshaniside nyi tshala khu sikongolo, wufakazi nya iso khu guwondra gwangu gu nyi thuledzago mbeli gwangu.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Jeremiya 19:9

“Nyi na va ninga va hodza nyama nya sanana sawe nya sikhwathana ni sagadzyana, moyo ni moyo a na hodza nyama ya muakelane waye khu kotani nya ndzala, khu gu randredwa khu valala vawe gasi va songwa.”

Mikeya 3:3

Mu ngu hodza nyama nya vathu vangu, mu va dusa lidowo lawe, mu va fanyeledzela marambo yawe, mu ma pilela kha nga khwatshi nyama mu vbwetago gu thela khalini mwendro bhotani.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

2 Thimoti 2:17

Magana ya ava va ganelago kharato ma gu dandra nga gilondra nya likhoro. Vbakari gwawe khu Himenewu ni Fileto.

Josuwa 24:27

Josuwa a di embela vathu vatshavbo, khuye: Wonani nya gukhenu giwindri gegi gi na hi girela wufakazi, kholu gi pwide magana yatshavbo Pfhumu Nungungulu a hi embedego; khu guralo, gi na khala fakazi vbakari gwanu ni ga vambe, gasi mu si lipheli Nungungulu wanu.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,

Gutuledwa 17:16

Likhumi dzikheho u dzi wonego ni girengo, si na wugela nyamayi nya gibhayi si mu gira gisiwana si mu diga wumbwiri, si hodza nyama yaye, si yi vbisa niloni.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”