Jakobe 5:20 - Bhibhiliya Nya Guage

²⁰ Dzitini gukhenu: Oyu a wuyisago gighohi ndzilani nya gululame, a na vbanyisa hefemulo wa gighohi gyogyo, gambe a na gira gu tsetseledwa sighoho nya singi.

Jakobe 5:20 Iomraidhean Croise

Dzindzimo 32:1

Kategide wule a divaledwago sighoho saye, wule giwono gyaye gi futidwego.

Mavingu 10:12

Livengo la gu wusa mayunga, aholu lihaladzo la gu siha sighoho satshavbo.

Mavingu 10:2

Thomba nya gu yi mane khu wudambane, kha yi phasi gilo, aholu, gululama gu ngu vbulugisa muthu lufuni.

Mavingu 11:30

Handro wa muthu nya gululame, simbo wu ningago womi, muthu a dwanelago mihefemulo, muthu nya guti.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Mavingu 17:9

Uye a sihago gighoho a gu vbweta lihaladzo, gasi uye a gi hivelago a gu hambanisa wupari.

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Varoma 11:14

Khu kharato, a gu dzina saye, vambe ni vambe nya lifumbu langu, va na mi dogorela, va ta vbanyiswa.

1 Vakorinto 1:21

Kholu, vathu, khu guti gwawe, kha va dzi kodza gutugula Nungungulu mithumoni yi yeyedzago guti gwaye. Khu kharato, Nungungulu dzinide gu vbanyisa vale va khodwago khu mahungu nya wupumbu hi tivisago.

1 Vakorinto 9:22

Nya gu manega vbakari nya vathu nyamba tiya gukhodwani gwawe, nya gu khala neni nga muthu nya gumba tiya, nyi fela gu vbanyisa va nyamba tiya. Khu kharato, eni nya gu dzi gira satshavbo ni vatshavbo, khu gukheni mwendro nyi na mana guvbanyisa vambe ni vambe.

1 Thimoti 4:16

Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

Filemoni 1:19

Eni Pawulo, khu gyandza gyangu nyi ngu lova gukheni nyi na livba satshavbo. Kha nyi ganeli gukheni u na ni nandru gwangu, nandru wakone khuwe wurumba wago.

Jakobe 1:15

Gudogolela gwa gu bela monyoni nya muthu gu khura mimba gu velega gighoho, gighoho na gi giridwe gya gu vanga gufa.

Jakobe 1:21

Khu guralo, digani sihena satshavbo nya gunyenyeze, ni mavbanyelo yatshavbo nya guvivbe. Hakhani khu gurula Mahungu ya Nungungulu a yalago myonyoni gwanu, aya ma dzi kodzago gu mi vbanyisa.

Jakobe 5:15

Nombelo wu girwago khu gukhodwa wu na vbanyisa mudwali. Pfhumu yi na mu ninga womi, yi mu tsetselela siwono saye esi a giridego.

Jakobe 5:19

Vandriyangu, moyo wanu, a gu diga ndzila nya lisine, mumbe a na mu wuyise ndzilani.

1 Pedro 4:8

Aholu ga silo satshavbo, haladzanani khu gyanu nyamba pfhadzedzela, kholu, lihaladzo li ngu dzi kodza gu tsetselela sighoho nya singi.

Gutuledwa 20:6

Va kategide vale va na gu sayedwago tengoni nya guwuge gogu nya guhegule khu gufani! Kholu gufa nya wuvili kha gu na mana tshivba vbatshani gwawe, aholu va na khala vaphasi va Nungungulu ni va Kristo, va na fuma naye gipimo nya likhumi mazana (1.000) myaga.