Jakobe 5:16 - Bhibhiliya Nya Guage

¹⁶ Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.

Jakobe 5:16 Iomraidhean Croise

Genesi 19:29

Avbo Nungungulu a nga bani a gu khungumula madhoropa ya panini, a di alakanya Abrahama, a gu vbulugisa Loti gumbemba, madhoropa a nga bani a gu vbanya umo ma khungumudwa.

Genesi 20:17

Abrahama a di lombelela ga Nungungulu, Nungungulu a di hawulugisa Abhimeleki, mwangadzi waye ni sithumi saye nya vanyamayi, gasi va kodze gu velega sanana.

Genesi 20:7

Gasi olu bweledza nyamayi ga mwama waye kholu uye muprofeti a na gu lombelela gasi u vbanya, aholu wa gumba mu bweledza dziti nya gukhuwe khu lisine furi u nafa, uwe gumogo ni vathu vago vatshavbo.”

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

2 Samuweli 19:19

“Mune wangu u nga nyi ningi nandru, u nga alakanyi guvivba gwangu u gu vega monyoni gwago khu litshigu lile mufumeli ni mune wangu u nga dugago omu Jerusalema.

1 Dzipfhumu 13:6

Khavbo avbo, mufumeli a di embela muthu wa Nungungulu, khuye: “Lombelela mbeli ga Pfhumu Nungungulu wago, u lombelela khu eni, gasi libogo langu li tshulega.” Muthu wa Nungungulu a di mu lombelela ga Pfhumu Nungungulu, libogo la mufumeli li di hawuluga li khalega kha nga gale.

2 Dzikoronika 30:20

Pfhumu Nungungulu a di yingisa nombelo wa Ezekhiya, a tsetselela vathu.

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Dzindzimo 34:15

Maho ya Pfhumu Nungungulu ma gu khedzisela avo va lulamidego; dzindzeve dzaye dza gu yingisela gulila gwawe.

Ekisodha 17:11

Gikhati Mosi a nga bani a gu khusedza mawogo, Israyeli a di pala. Aholu gikhati a nga bani a gu reledza mawogo, Amaleki a di pala.

Ekisodha 9:33

Khavbo avbo, Mosi a di khuga mahoni ga Faro a duga vbavbandze nya lidhoropa. A di khusedza mandza ga Pfhumu Nungungulu; mabara ma di degula, ni ndzadzi nya maralala yi di khamuga, yi siwi gambe tigoni.

Mavingu 15:29

Pfhumu Nungungulu kha hidzimeli vbafuvbi ga va nya guvivbedwa khu monyo, aholu a na yingisa milombelo ya va nya gululama.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 28:9

Uye a dzi girago givbwiri a si vbweti gu yingisa nayo, nombelo waye nuwo, wu na nyenyeziswa.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;

Mitengo 11:2

Vathu va di lila ga Mosi, uye a di lombelela ga Pfhumu Nungungulu, wu tshimega nilo.

Matewu 21:22

Kholu satshavbo mu si lombago khu gukhodwa gwanu, umo nya nombelo, mu na ningwani.”

Matewu 3:6

vaya bhapatiswa khuye tsongoni wa Joridhani, na va gu dawulela sighoho sawe.

Marko 1:5

Va di mu yela vatshavbo va nga bani va gu vbanya tigoni ga Judheya ni dhoropani ga Jerusalema, gasi guya bhapatiswa khuye tsongoni ga Joridhani; na va gu dawulela sighoho sawe.

Luka 9:6

Khavbo avbo, va di phara dzindzila, va gu gimbila va hevbudza Mahungu nya Yadi khu ndranga ni ndranga ni gu hawulugisa vadwali malangani yatshavbo.

Johane 9:31

Hi ngu dziti nya gukhethu Nungungulu kha yingisi sighohi, aholu a gu yingisa vale va mu ningago githawo ni gu gira gugola gwaye.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Mithumo 19:18

Vatshavbo avo va nga khodwago ga Kristo va di ta va ta dzi sodzisa ni gu dawulela mithumo yawe.

Mithumo 8:24

Simoni a di hakha, khuye: “Nyi lombeleleni enu ga Pfhumu gasi si si nyi dugeleli esi mu ngarigu gu ganela.”

Varoma 3:10

Kha nga gu lovidwego gupwani: “Mwalo muthu a lulamidego. Mwalo ni moyo basi.

Varoma 5:19

Khu guyeyisa ga muthu moyo basi, vathu vatshavbo va khade sighohi, khu gu yingela ga muthu moyo basi, vatshavbo va khade va nya gululama.

Vakolosi 1:9

Khu Kharato, gukhugela litshigu hi pwidego mahungu yaya nya gutsakise, kha hi garali khu gu lombelela khu enu. Ha gu lomba gukhethu Nungungulu a mi tadzisele khu gu mi tulela guti guhaladza gwaye, a mi ninga gugengela ni gupima khu Liphuvbo Laye.

1 Vatesalonika 5:17

Mu nga garali khu gu gira milombelo.

1 Vatesalonika 5:23

Nungungulu nya gurule a na agise ni gu sayisa sivili sanu ni mihefemulo yanu kala a wuya Pfhumu yathu Jesu Kristo.

1 Vatesalonika 5:25

Vandruye, hi dundrugeni nethu omu nya milombelo yanu.

Vahebheru 11:4

Khu gukhodwa, Abheli ningede ga Nungungulu mhamba nya yadi nya guvbindre eyi ya Kayimi. Khu gukhodwa, zundzidwe khu Nungungulu kha nga muthu nya wadi, gu kala Nungungulu a hakha ningelo nya miphaso yaye. Khu gukhodwa gwaye, Abheli, ambari a fudego, a nga guganela.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

Vahebheru 12:13

Tulani dzindzila nya gululame, gasi a si khuyugi oyu a hasidego, aholu, a hawuluga.

Vahebheru 13:18

Simamani mu hi lombelela, kholu hi na ni lisine nya gukhethu mapimo yathu ma agide, kholu gikhati gyatshavbo ha gu dwanela gu gira esi nya sadi.

Josuwa 10:12

Litshigu Pfhumu Nungungulu a nga ningela Vaamori mandzani ga sanana sa Israyeli, Josuwa a di Embela Pfhumu Nungungulu vbakari ga vatshavbo va na Israyeli, khuye: “Uwe lidambo ema vbatshani ga Gibheyoni; ni uwe ngima, mikovani ya Ayijalomi.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

1 Johane 3:22

Ethu hi ngu hakha gwaye satshavbo esi hi lombago, kholu hi ngu yingisa milayo yaye, ni gu gira esi si mu tsakisago.

1 Samuweli 1:12

Ana a di wuyedzela dzinyondro nya dzingi gu lombelela mbeli ga Pfhumu Nungungulu; Eli a di khedzisela sigundru saye si nga bani si khuthakhutha.

1 Samuweli 12:17

Ina olu khandri gikhati nya guvbwere tirigu, gani? Olu nyi na lombelela ga Pfhumu Nungungulu, a resa mabara ni ndzadzi. Khavbo mu na gu dzitigo ni gu wona wugulu nya gighoho gyanu mbeli ga Pfhumu Nungungulu, kholu mu nga lombani mufumeli.

1 Samuweli 12:18

Khavbo avbo, Samuweli a di lombelela ga Pfhumu Nungungulu, ni Pfhumu Nungungulu litshigu lile a di resa ndzadzi ni mabara; avbo vathu vatshavbo va nga ninga githawo nya gikhongolo ga Pfhumu Nungungulu ni ga Samuweli