Jakobe 5:13 - Bhibhiliya Nya Guage

¹³ A gu bani a romo muthu vbakari gwanu, a sanisekago, a na lombelele. A gu bani a romo a tsakidego, a na embelele dzindzimo nya gubonge.

Jakobe 5:13 Iomraidhean Croise

1 Dzikoronika 16:9

Mu embeleleni khu dzindzimo ni sizimba, mu huwelela sigiro saye nya gusamadzise.

Joba 33:26

U na lombelela ga Nungungulu, Uye a na gu hakha; u wona khovbe ya Nungungulu u kulungela khu gutsaka, Uye a na mu bweledzela khu gululama gwaye.

Dzindzimo 105:2

Embelelani dzindzimo nya gu Mu dhumise, mu pwadze sigiro saye satshavbo a giridego nya guliwugise!

Dzindzimo 118:5

Vbakari nya sigaradzo, nyi di lombelela ga Pfhumu Nungungulu, Uye a di nyi yingisa a nyi vbanyisa.

Dzindzimo 18:6

Wuvini gwangu, nyi di rana Pfhumu Nungungulu, nyi di khusa lito nyi rana Nungungulu wangu; Uye khu nyumbani gwaye a di yingisa lito langu, huwa yangu yi di vboha dzindzeveni gwaye.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Dzindzimo 95:2

Hi na hidzimele mbeli gwaye na hi gu bonga na hi gu embelela dzindzimo nya gutsake.

Isaya 65:14

wonani nya gukhenu sithumi sangu si na embelela khu gutsaka nya myonyo yawe, aholu enu mu na keta khu guvbisega myonyoni gwanu, mu womba huwa khu guvbisega hefemuloni.

Dhaniyeli 5:4

Avbo va nga levago khu wadwa, va di phela gu rungudza vanungungulu vawe nya ndralama, nya parata, nya sugu, nya dzisimbi, nya misimbo ni siwindri.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Jona 2:2

A ganela, khuye: “Wuvini gwangu, nyi lide ga Pfhumu Nungungulu; uye a nyi ninga phindrulo; khu phalani nya vafi, nyi lide gasi gu mana giphaso, uwe u pwide huwa yangu.

Jona 2:7

Avbo hefemulo wangu wu nga bani wu tshimega, nyi di alakanya Pfhumu Nungungulu; nombelo wangu wu di gwela kala iyo gwago, nyumbani gwago nya gukatege.

Mikeya 4:5

Kholu mafumbu yatshavbo ma na gimbila, muthu ni muthu ni nungungulu waye, aholu ethu hi na landra lina la Pfhumu Nungungulu wathu, khavbo gu si vbeligo.

Matewu 26:30

Na va embidelede nombelo nya ndzimo, va di duga va gu hongola gigomoni nya Miolivha.

Luka 22:44

[Na gu tshaniseka ngudzu, a di simama gu lombelela, khu tshivba, na gu ruta lithonga nya nga madona nya makhongolo nya novba, ma gu thegela mafuni.]

Luka 23:42

A di engedza, khuye: “Jesu, nyi dundruge gikhati u na gu belago mufumoni wago.”

1 Vakorinto 14:15

Hi na rini olu? Gu vbwetega nyi lombelela khu hefemulo ni mapimo gambe. Gu vbwetega nyi embelela rungudzo ga Nungungulu khu hefemulo ni mapimo gambe.

1 Vakorinto 14:26

Egi nyi vbwetago gu mi embela vandruye, khegi: Na mu tshanganide, moyo a na thula ndzimo, mumbe a na hevbudza, mumbe a na ninga wufakazi, mumbe a gira nombelo khu lidimi nyamba tidwa, mumbe a ninga tshamuselo. Girani satshavbo sesi khu gufela guphasana gudandra gukhodwani.

Vaefeso 5:19

Tiyiselanani khu dzindzimo, ni sizimba, mu gu embelela ni gurungudza Pfhumu khu monyo wanu watshavbo.

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

Jakobe 5:10

Vandriyangu, alakanyani vaprofeti va nga ganela khu lina la Pfhumu. Va gireni giwonelo nya gutimisele gikhati nya sisaniso.

Gutuledwa 14:3

Va di gu embelela ndzimo nya yiphya mbeli nya gikhalo nya wufumu, mahoni nya sivangwa sa sina nya guvbanye ni manganagana. Mwalo mumbe a kodzago gu yi hevbula ndzimo yile, vbavbandze nya vale nya lizana ni magumana na mana magumi mazana (144.000) nya vathu va nga dzegiswago vbakari nya litigo.

Gutuledwa 7:10

Va di gu huwelela khu tshivba, khavo: “Guvbanyisa ga gu lumba Nungungulu wathu, a khadego vbagikhalotunu nya wufumu, gambe gwa gu lumba Nvutana.”