Jakobe 5:11 - Bhibhiliya Nya Guage

¹¹ Ha gu wona gukhethu avo va tsakide kholu va nga timisela sigaradzo. Enu mu pwidego na gu ganedwa khu gutimisela ga Joba, mu ngu dzitini edzi Nungungulu a nga mu kategisa khidzo. Kholu Pfhumu tade khu wuwadi ni wuhindzi.

Jakobe 5:11 Iomraidhean Croise

1 Dzikoronika 21:13

Khavbo avbo, Dhavhidhe a di embela Gadhi, khuye: “Nyi tade khu wuvi nya wukhongolo ngudzu. Nyi na thegele eni mandzani ga Pfhumu Nungungulu, kholu wuhindzi waye wukhongolo ngudzu, aholu nyi si thegeli mandzani ga vathu.”

2 Dzikoronika 30:9

Kholu mwa gu vbindrugedzani mu wuya ga Pfhumu Nungungulu, vandriyanu ni sanana sanu, va na tsetseledwa khavo va va modego, va va wuyisa ga litigo leli; kholu Pfhumu Nungungulu wanu, tade khu gisiro ni wuhindzi. Gima kha na thendregedza a mi sihela khovbe yaye, mwa gu vbindrugedzani mu wuya gwaye.

Nehemiya 9:17

Va di bomba gu gu yingisa, va si alakanyi gambe siliwugiso U giridego vbakari gwawe, va di bangisa mihungo yawe, khu guyeyisa gwawe, va di dzi hathela muthu gasi a va thangela gu bwelela wugumbitunu, aholu uwe, U Nungungulu U dzi emisedego gu tsetselela, na wuri ni wuhigo, nu tade khu wuhindzi, U hwelago gu goroga na wu tade khu wuhindzi, khu guralo, Uwe khwa va pfhuralela.

Nehemiya 9:31

Ambari khu kharato, khu kotani nya wuhindzi wago nya wungi, kha wa va diga va mbembisa muphelo, ambari gu va pfhurarela, kholu Uwe, U Nungungulu U gu ni wuhindzi ni gu pwela wusiwana.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:2

A diri ni livbandre na sivili sanana nya sikhwathana, ni siraru nya sagadzyana.

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Dzindzimo 103:13

Kha nga babe a tsetselelago sanana saye, kharato nugo Pfhumu Nungungulu a ngu tsetselela vale va mu ningago githawo.

Dzindzimo 103:8

Pfhumu Nungungulu a na ni wuhigo ni wuwadi a ngu timisela na tade khu lihaladzo.

Dzindzimo 116:5

Pfhumu Nungungulu a na ni gisiro ni gululama; Nungungulu wathu a na ni wuhindzi.

Dzindzimo 119:132

Nyi khedze u nyi pwela wusiwana, kha nga idzo u girago ga vale va golago lina lago.

Dzindzimo 145:8

Pfhumu Nungungulu khwadi, tade khu wuhindzi, a ngu timisela, a na ni wuhindzi nya wukhongolo.

Dzindzimo 37:37

Khedzisa muthu a vbeledego u wona muthu nya gululame; kholu muthu nya gurule a na mana vatugulu.

Dzindzimo 51:1

Nyi pwele wusiwana, Nungungulu, khu lihaladzo lago; futa sighoho sangu, khu wuhindzi wago nya wukhongolo.

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Dzindzimo 94:12

Pfhumu Nungungulu, kategide muthu u mu layago, oyu u mu hevbudzago nayo wago.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Muhevbudzi 7:8

Mahegiso nya gilo i tshukwana guvbindra maphelelo yaye. I tshukwana gu timisela, guvbindra dzihanyi.

Isaya 63:7

Nyi na ganela khu wuwadi wa Pfhumu Nungungulu, ni mithumo ya yingi, nya rungudzo, gukhedza khu satshavbo Pfhumu Nungungulu a hi ningidego, ni wuwadi waye nya wukhongolo a girago khu nyumba ya Israyeli, owu a va giredego ni ligolo laye latshavbo a va ningidego khu lihaladzo, gukhedza khu talo nya wuwadi waye.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Gililo 3:22

Ethu kha ha mbembiswa khu wuhigo wa Pfhumu Nungungulu; kholu lihaladzo laye li mwalo mahegiso.

Dhaniyeli 9:9

Pfhumu Nungungulu wathu, a na ni wuhindzi ni gu tsetselela, ambari hi mu ghohedego,

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Mitengo 14:18

Eni Pfhumu Nungungulu nyi ngu hwela gu goroga, Nyi na ni wuhindzi ni gu divalela; nyi tsetselelago milandru ni sighoho; gambe kha nyi digi gu tsayisa avo va ghohidego, nyi ngu tsayisa sanana khu sighoho sa vavelegi, kala gitugulwana nya wuraru nigyo nya wu na.

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Luka 1:50

Wuhindzi waye wu ngu thaphela mimela ni mimela ya vale va mu ningago githawo.

Luka 11:10

Kholu watshavbo muthu a lombago a ngu ningwa; uye a vbwetago a ngu si mana, ni uye a khokhothago a ngu tuledwa.

Luka 6:36

Girelani wuhindzi vakwanu kha nga Babe wanu a gu ni wuhindzi.

Varoma 2:4

Khu ginani u yeyisago wuhindzi nya wukhongolo wa Nungungulu, ni gurula ni gutimisela gwaye? Wa gumba dziti nya gukhuwe wuhindzi wa Nungungulu wu ngu gu gurumedza gu vbindrugedza mavbanyelo yago, gani?

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

Vaefeso 2:4

Aholu, Nungungulu tade khu wuwadi nya wukhongolo, khu lihaladzo laye nya likhongolo a hi godego khilo.

Vahebheru 10:39

Khu guralo, ethu kha hiri vathu nya gubwelele hwane hi ya gumbembani. Aholu, hi vale va khodwago gasi gu vbanyisa mihefemulo yawe.

Vahebheru 3:14

Khu lisine, ethu hi ngu hengela ni Kristo, gambe hi na simama gu hengela naye, ha gu tiya kala mahegiso ni gutumba hi nga bani hiri nago guhegulani.

Vahebheru 3:6

Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

Jakobe 1:2

Vandriyangu, ni gevbini gilingo mu gi manago, tsakani, mu nengela.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

1 Pedro 3:14

Aholu mu na bani mu kategide mwa gu mana sisaniso khu kotani nya gugire iso nya sadi. Mu nga thavi muthu, gambe mu nga thurugi.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.