Jakobe 5:1 - Bhibhiliya Nya Guage

¹ Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.

Jakobe 5:1 Iomraidhean Croise

Dzindzimo 17:14

Khu mandza yago, Pfhumu Nungungulu, nyi vbanyise vbakari nya vathu nya mafu, avo va hakhide tshatshazelo wawe va nga gu vbanya mafuni momu. Aholu, vale va gu tumbago va khurise khu thomba yago, thomba yi enelago gu khurisa sanana sawe yi bwelo khavbo yi tshalela situgulwana sawe.

Mavingu 11:28

Uye a tumbago thomba yaye a na theswa khiyo, aholu avo valulamidego va na nyuga kha nga simbo wu thelago nyenvu.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 15:3

Va di ambala myendra nya silendra va duga dzindzilani; ni vbatshani nya dzinyumba dzawe, ni mitendrelani gwawe vaya lila ni gu tsikwila,

Jeremiya 4:8

Khu guralo, ambalani silendra mu lila ni gu womba dzihuwa; kholu nilo nya likhulo la Pfhumu Nungungulu kha wa ndreya mbeli gwathu.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Ezekiyeli 19:2

mu ganela, khenu: “Khu mani mayime wago? Nghala nya ngadzi yi lade vbakari nya dzinghala nya vamatune, yi mamisa singhalana saye na si yi randrede.

Ezekiyeli 30:2

Mwamana wa muthu, profeta u ganela, khuwe: Mune Pfhumu Nungungulu, a ngu ganela kharati, khuye: Wombani huwa mu ganela, khenu: Yowe Libango! Ga litshigu lile!

Joyele 1:11

Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Joyele 1:5

Wugani mu lila, enu sidhakwa; wombani huwa mwatshavbo vaseli nya vbinyu, lilani khu kotani nya wadwa nya dosi nya diuvha, wu dusidwego maganani gwanu.

Mikeya 6:12

Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Jakobe 1:11

Kholu, nga olu lidambo li dzurago khu tshivba, wu banga mwasi khu lihani, gu thega genge, wu vbela wumburi watshavbo, kharalo nugo, gi na wu na gitetema umo nya wugwewo waye.

Jakobe 2:6

Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?

Jakobe 4:13

Olu, upwani, enu mu ganelago, khenu: “Muhuno, mwendro mindru hi na hongola dhoropani nya gukari hi ya khala mwaga, hi gira wugwewo wathu, hi mana nya singi.”

Jakobe 4:9

Garadzegani, mu womba dzihuwa, mu lile. Vbindrugedzani mahego yanu khu gulila, ni gutsaka gwanu, khu guswihala.