Jakobe 4:9 - Bhibhiliya Nya Guage

⁹ Garadzegani, mu womba dzihuwa, mu lile. Vbindrugedzani mahego yanu khu gulila, ni gutsaka gwanu, khu guswihala.

Jakobe 4:9 Iomraidhean Croise

Nehemiya 8:9

Avbo va nga yingisa magana yaya nya milayo, vathu vatshavbo va di lila. Aholu Nehemiya, a nga bani nari mwamangulu, Ezira nari muphasi nya mhamba bwelo khavbo nari mulovi, gumogo ni va na Levhi va nga bani na va gu hevbudza vathu, va di embela gidzemo, khavo: “Litshigu leli li agisedwe Pfhumu Nungungulu wanu, mu nga tshaniseki ambari gulila.”

Joba 30:31

Gitendre gyangu gi vbindrugedzide gi khala ndzimo nya gililo, ni sengele wangu wu khala lito la avo va lilago.

Dzindzimo 119:136

Marongo ma gu goga kha nga tsongo khu mahoni gwangu, kholu vathu kha va sayisi milayo yago. Tsadh

Dzindzimo 119:67

Nyi pengide ngudzu nu si gu nyi tsayisi, olu nyi ngu vegisa magana yago.

Dzindzimo 119:71

Gutshaniseka gwangu gu nyi phaside, kholu nyi hevbude guti milayo yago.

Mavingu 14:13

Muthu a ngu kodza guhega na guvbisega monyoni; aholu mahegiso nya gutsake, guta mhango.

Muhevbudzi 2:2

Nyi di, kheni: Mahego guhandruga; ni gutsaka kha gu phasi gilo.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Gililo 5:15

Myonyoni gwathu gu mwalo gambe gutsaka; guhana gwathu gu vbindrugedzide gu khala gililo.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Ezekiyeli 7:16

Vatshavbo va na vbulugago gufa va na tutumela sigomoni na va gu lila kha nga sipomba si guromo kovani, moyo ni moyo a lila khu kota nya sighoho saye.

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Matewu 5:4

Va kategide vale va lilago, kholu va na tangadziswa.

Luka 16:25

Abrahama a di hakha, khuye: Mwanangu, dundruga nya gukhuwe u hakhide thomba yago u nga gu vbanya, gasi Lazaro a di mana basi sisaniseko. Olu uye a ngu tangadziswa, gasi uwe u ngu saniseka.

Luka 6:21

Mu kategide enu, mu gu ni ndzala olu; kholu mu na khuriswa. Mu kategide enu, mu lilago olu; kholu mu na hegela.

Luka 6:25

Libango lanu enu mu khuridego olu; kholu mu na khala ni ndzala. Libango lanu enu mu hegelago olu, kholu mu na womba dzihuwa ni gu lila.