Jakobe 4:5 - Bhibhiliya Nya Guage

⁵ Mwa gu alakanya gukhenu Milowo nya Guage ya gu ganela mahala, yi gu, khiyo: “Ina Liphuvbo li vbanyago milini gwathu, Nungungulu a di li gira khu wufu, gani?”

Jakobe 4:5 Iomraidhean Croise

Genesi 26:14

A di fuma mitshambi nya dzinvuta ni dzimombe ni sithumi nya gutale ngudzu. Vafilisitiya va di girela lidiwo Isaki.

Genesi 30:1

Avbo Rakeli a nga wonago gukhuye kha ningi sanana Jakobe, a di khalela wufu ndriyaye, a embela Jakobe, khuye: “Nyi ninge sanana; kholu wa gu bomba nyi nafa.”

Genesi 37:11

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Genesi 38:9

Aholu Onani a di dziti nya gukhuye sanana sakone kha si na mu lumba. Khu guralo, gikhati a tshanganago ni mwangadzi wa ndriyaye a di vbaladzela vbavbandze mbewu yaye, khu gufela gumba velegela sanana ndriyaye.

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Dzindzimo 106:16

Vari mitshatshani va di girela lidiwo Mosi, ni Aroni, gihathwa nya gukatege gya Pfhumu Nungungulu.

Dzindzimo 37:1

U nga garadzegi khu kotani nya vathu nya guvivbedwe khu myonyo, gambe u nga gireli lidiwo vale va girago guvivba.

Mavingu 21:10

Muthu nya guvivbedwe khu monyo a gu alakanyela guvivba; ambari ni muakelane waye khapwi khuye gisiro.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Isaya 11:13

Khu guralo, a na vbedza lidiwo la Efrayimi, valala va Judha, va na mbembiswa; Efrayimi kha na girela gambe lidiwo Judha, ambari Judha nuye, kha na tshanisa Efrayimi.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Johane 10:35

Milowo nya Guage kha yi fuvi. Nungungulu a gu rana khuye vanungungulu vathu vale va hakhago mahungu yaye.

Johane 19:37

Ni yimbe Milowo yi gu, khiyo: Va na mu khedzisa wule va nga mu payago.

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”

Mithumo 7:9

Sitefane a di engedza, khuye: “Vakokwe vathu avo, va di girela lidiwo ndriyawe Josefe, va mu rengisa a vbagedwa a yiswa Egipito. Aholu Nungungulu a diri ni uye;

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

Varoma 9:17

Kholu omu Milowo nya Guage, Nungungulu a ngu ganela a embela Faro, khuye: “Eni nyi gu khusedzide gasi nyi yeyedze khavbo gwago tshivba yangu, ni gu lina langu li tidwa tigoni gwatshavbo.”

1 Vakorinto 6:19

Ina kha mu dzitini gukhenu sivili sanu nyumba nya Liphuvbo nya Guage, li vbanyago gwanu; Liphuvbo mu ningidwego khu Nungungulu, gani? Enu kha mu dzi lumbi enu vamune,

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Vagalatiya 3:8

Milowo nya Guage yi tugude gale gukhiyo Nungungulu a na ninga gululama vale va si gu Vajudha, khu kota nya gukhodwe. Gu di tiviswa ga Abrahama Mahungu Yadi yaya nya gupwani: “Ma na kategiswa khavbo gwago mayigo yatshavbo ya mafuni.”

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.