Jakobe 4:3 - Bhibhiliya Nya Guage

³ Mwa gu lomba, kha mu ningwi, kholu, kha mu kodzi gu lomba. Enu mwa gu lombani silo nya gutsakise sivili sanu.

Jakobe 4:3 Iomraidhean Croise

1 Dzipfhumu 3:11

Khu guralo, Nungungulu a di mu embela, khuye: “Kha nga u lombidego silo nya nga esi, u ngamba lomba gu ghanya, ni guvbanya matshigu nya gutale, ambari gukhuwe valala vago vafe, aholu u lombide mapimo nya gu kodze guti esi nya gululame u fela gu fumela vathu khu nayo ni lisine,

Joba 35:12

Va gu keta, aholu Uye kha va phindruli, khu kotani nya matshandza ya va nya guvivbedwa khu monyo.

Dzindzimo 18:41

Avo va gu lila, aholu mwalo nya gute va vbanyisa; va gu lila ga Pfhumu Nungungulu, aholu uye kha va hakhi.

Mavingu 1:28

Khu guralo, mu na nyi rana, aholu kha nyi na mi hakha, mu na nyi vbweta, aholu kha mu na nyi mana.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:13

Uye a si yingisigo huwa nya gisiwana gya gulila, uye nuye kha na yingiswa litshigu a na gu lombago giphaso.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 11:14

Khu guralo, uwe Jeremiya u nga lombeleli khu vathu vava, ambari gu khusa lito u lila khu avo ni gu va girela nombelo; kholu gikhati va na gu lilago avbo gwangu gima kha nyi na va yingisa, khu kotani nya sighoho sawe.

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

Matewu 20:22

Jesu a di mu phindrula, khuye: “Nigyo mu lombago kha mu giti. Ina enu mu ngu dzi kodza gu sela gikombe nya gusaniseke nyi vbwetago gu sela, gani?” Va di khavo: “Ina, hi ngu dzi kodza.”

Marko 10:38

Aholu Jesu a di va phindrula, khuye: “Negi mu lombago kha mu giti! Ina mu ngu dzi kodzani enu gu sela gikombe nyi na gu selago, ni gu hakha gibhapatiso eni nyi na gu hakhago, gani?”

Luka 11:10

Kholu watshavbo muthu a lombago a ngu ningwa; uye a vbwetago a ngu si mana, ni uye a khokhothago a ngu tuledwa.

Luka 15:13

Na ma vbindride matshigwana, mwama nya nandra a di donga lipfhumba, a gu dzega silo saye satshavbo, a pepetega ni mayigo, aya phalalegisa thomba yaye yatshavbo ni mibhedzwa.

Luka 15:30

Olu gi nga vboha gyanana gegi gyago gi nga phalalegisa thomba yago ni mibhedzwa, u gi songede gimombyana nya gunone.’

Jakobe 4:1

Ma guta khu hayi mayunga ni guhambana vbakari gwanu? Ma guta khu gunavela nya guvivbe gu dwanago gikhati gyatshavbo sivbangoni gwanu.

1 Johane 3:22

Ethu hi ngu hakha gwaye satshavbo esi hi lombago, kholu hi ngu yingisa milayo yaye, ni gu gira esi si mu tsakisago.

1 Johane 5:14

Ethu hi na ni gutiya mbeli ga Nungungulu, kholu, ha gu lomba gilo maningano ni gudzina gwaye, hi na ni lisine nya gukhethu a ngu hipwa.