Jakobe 4:10 - Bhibhiliya Nya Guage

¹⁰ Dzi sodziseni mbeli ga Pfhumu, uye a na mi khusedza.

Jakobe 4:10 Iomraidhean Croise

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Joba 22:29

Wa gu hembuludwa, uwe u na khuwe: Nyi khusedze! Kholu Nungungulu a gu vbanyisa avo va dzi nogisago.

Joba 5:11

a ngu khusedza avo va dzi nogisago, ni gu wuyisa avo va lilago, wulangani nya gukhadzisege.

Dzindzimo 113:7

A ngu phasa gisiwana gu duga wumbwani, a khusa vbatatuni nya nguma, oyu a hamugago,

Dzindzimo 147:6

Pfhumu Nungungulu a ngu khusedza va nya gusolega, a gu tshisa vbavbatshi va nya myonyo nya guvivbe.

Dzindzimo 27:6

Olu nyi na khusedza hungo wangu vbatshani ya valala va nyi randredego, nyi na bela nyumbani gwago nyi ningela miphaso nya mhamba nya gubonge. Nyi na embelela nyi womba dzingoma, nyi rungudza Pfhumu Nungungulu.

Dzindzimo 28:9

Vbanyisa vathu vago, kategisa thomba yago; va havise, u va hetedza kala gupindruga.

Dzindzimo 30:1

Eni nyi ngu gu khusedza, Pfhumu Nungungulu, kholu u nyi vbanyiside, khwa diga valala vangu va ghiya hwamboni gwangu.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Ezekiyeli 21:26

Mune Pfhumu Nungungulu a ngu ganela kharati, khuye: Tshula dzingandzu dzago ni gihugu nya wufumu; kholu olu khandridzosaye ni gale; gu na khusedzwa va nya gusolega, gutshiswa vbavbatshi va nya matshandza.

Matewu 23:12

Uye a dzi khusedzago a na sodziswa; gasi uye a dzi sodzisago a na khusedzwa.

Luka 1:52

Tshiside vafumeli musikhaloni gwawe nya wufumu a gu khusedza va nya gusolega;

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Luka 18:14

Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”

1 Pedro 5:6

Khu guralo, dzi nogiseni vbavbatshi nya mandza nya tshivba ya Nungungulu, gasi a mi khusedze khu gikhati gi enedego.

1 Samuweli 2:7

Pfhumu Nungungulu a ngu vanga wusiwana ni gu gira gitetema, a ngu thesa vbavbatshi ni gu khusedza.

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.