Jakobe 3:5 - Bhibhiliya Nya Guage

⁵ Khidzo gambe kharato, lidimi gipandre gidugwanana nya givili, aholu, li ngu dzi gugumugisa khu silo nya sikhongolo. Wonani, likhabi nya likhongolo ngudzu li ngu dzi kodza gu rothwa khu tshahe nya nilo!

Jakobe 3:5 Iomraidhean Croise

Joba 22:17

Avo va di gu embela Nungungulu, khavo: Khuga avbo gwathu. Ginani a yelago gu hi girela Uye nya Tshivba Yatshavbo?

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 17:10

Avo va gu bangisa myonyo yawe, va ganela matshandza khu magana yawe.

Dzindzimo 39:1

Eni nyi di, kheni: Guvbanyani gwangu nyi na landra ndzila yangu, gasi nyi si ghohi khu lidimi langu; va nya guvivba va gu bani vari vbafuvbi gwangu, nyi na degula heni hwi.

Ekisodha 15:9

Nala a di khuye: Nyi na va tutumisa, nyi na va mola nyi va phanga; hefemulo wangu wu na khura khu avo, nyi na homola litshari langu nyi va mbembisa; nyi na va songa khu mandza yangu.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Mavingu 12:18

Vomo va dusago magana nya gupaye kha nga litshari, aholu lidimi la va nya guti, la gu ninga womi.

Mavingu 15:2

Lidimi la va nya gugengela la gu mburisa guti, gasi magana ya va nya guvivbedwa khu monyo, ma gu gamba wupumbu.

Mavingu 18:21

Gufa ni guvbanya gomo tshivbani nya lidimi la muthu, uye a li thumisago a na havela mihandro yaye.

Mavingu 26:20

Gwa gu bani guri mwalo dzikhuni, nilo wa gu tshimega; kharato nugo, gwa gu bani guri mwalo muthu nya milembo, mayunga ma gu vbela.

Jeremiya 18:18

Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 29:3

U va embela, khuwe: Mune Pfhumu Nungungulu, a ngu ganela kharati, khuye: “Nyi na gu wugela uwe Faro, mufumeli wa Egipito, uwe ngona nya yikhongolo, u ladego vbakari nya mitsongo yago, na wu gu ganela, khuwe: Tsongo wa Nilo khwangu; kheni nyi wu giridego gasi wu khale wangu kamwe.”

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Jakobe 3:4

Hongoleni hi khedze gambe mataro, ambari ma gu makhongolo ngudzu, ma vetwa khu dziphuvbo nya dzikhongolo, ma gu rumwa khu lemi, a gu gilwana gidugwanana, ma gu hongola umo mugimbidzisi a gu vbwetago.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.

Judha 1:16

Vathu vovo va gu ngurangura gikhati gyatshavbo ni gu singedzela vakwawe, va gu landrisela gudogorela nya myonyo yawe, va dzi khusedza, va pfhadza vakwawe.