Jakobe 3:3 - Bhibhiliya Nya Guage

³ Ethu hi ngu thela matomu kanani nya dzikavalu gasi dzi hi yingela, hi kodza guruma givili gyaye gyatshavbo.

Jakobe 3:3 Iomraidhean Croise

2 Dzipfhumu 19:28

Khu kotani nya olu u gu ni likhulo ngudzu khu eni, kholu gu nyi wugela gwago, gu litide kala dzindzeveni gwangu khu guralo, nyi na gu thela khalo dzithonvuni gwago, ni matamo kanani gwago, nyi bwelo khavbo nyi gu bweledza khu ndzila u dzudego khiyo.”

Joba 41:13

Ya gu hefemula, ya gu khondrisa magala; khu kanani gwaye, gu duga malavbelavbe.

Dzindzimo 32:9

U nga giri kha nga kavalu mwendro buru, a gu sirengo nyambana mapimo, si kodzwago basi khu gu thedwa matomu ni khalo; nyambana iso, gima kha si hidzimeli vbafuvbi gwago.

Dzindzimo 39:1

Eni nyi di, kheni: Guvbanyani gwangu nyi na landra ndzila yangu, gasi nyi si ghohi khu lidimi langu; va nya guvivba va gu bani vari vbafuvbi gwangu, nyi na degula heni hwi.

Isaya 37:29

Khu kotani nya likhulo u gu nalo ni Eni, ni matshandza yago ma litide kala dzindzeveni Gwangu, wona nya gukhuwe nyi na gu pola thonvu nyi gu thela khalo, nyi gu thela matomu kanani nyi gu bweledza khu ndzila u dzudego khiyo.

Jakobe 1:26

Oyu a alakanyago gukhuye mukhodwa, aholu a si kodzi gu phara lidimi laye, wukhodwa waye khandri wa gilo, a gu pfhadza monyo waye wurumba.

Jakobe 3:4

Hongoleni hi khedze gambe mataro, ambari ma gu makhongolo ngudzu, ma vetwa khu dziphuvbo nya dzikhongolo, ma gu rumwa khu lemi, a gu gilwana gidugwanana, ma gu hongola umo mugimbidzisi a gu vbwetago.