Jakobe 3:15 - Bhibhiliya Nya Guage

¹⁵ Guti gogo kha guti khu ga Nungungulu, aholu, khwa mafuni momu, mavbanyelo nya liphuvbo nya guvivbe.

Jakobe 3:15 Iomraidhean Croise

2 Samuweli 13:3

Aholu, Amoni a diri ni pari, lina laye nya gupwani Jonadhabhi, mwamana wa Simaya, ndruye wa Dhavhidhe; Jonadhabhi yoyu a di gengede ngudzu.

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 16:23

Matshiguni yale, magana nya nga aya ma nga ganedwa khu Ayitofeli, gu di khwatshi, magana ya Nungungulu, a diri nayo wa Ayitofeli a nga bani a gu ninga ga Dhavhidhe ambari ga Abhisalamo.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Luka 16:8

Pfhumu yi di zundza muthangeli wule nyamba tumbega khu wugengeli waye. Khu lisine, vathangeli nya silo nya mafu va gengede guvbindra vathangeli nya silo sa Nungungulu umo nya wugwewo wawe ni vathu vakwawe.

Johane 3:17

Kholu Nungungulu kha rumela Mwanaye mafuni gasi guta mbembisa litigo, aholu guta li vbanyisa.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Mithumo 13:10

“Uwe u gyanana gya Sathane, u tadego khu malipha ni guvivba gwatshavbo, nala nya silo satshavbo nya gululame, u na hegisa lini gu tshunganisela dzindzila nya gululame dza Pfhumu?

Varoma 1:22

Va gu dzi randra vathu nya guti, aholu na vari sipumbu.

1 Vakorinto 1:27

Aholu, Nungungulu hathide esi vathu va si wonago kha nga wupumbu, afela gu kona va nya guti; Nungungulu hathide esi vathu va si wonago siri mwalo tshivba, afela gu tshisa vbavbatshi va nya dzitshivba.

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

1 Vakorinto 3:19

Kholu guti nya vathu va mafuni gu wonega nari wupumbu mahoni ga Nungungulu. Milowo nya Guage yari, khiyo: “Nungungulu a gu kona va nya guti, khu mano yawe.”

1 Vakorinto 3:3

kholu mu nga gu vbanya kha nga vathu va mafuni momu basi. Olu gu manegago wufu ni mayunga vbakari gwanu, ina kha gu yeyedzi gupwani mu nga gu vbanya nga vathu nya mafu, gani? Khandri mwa gu vbanya kha nga avo, gani?

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

2 Vatesalonika 2:9

Muwugeli a nata na tade khu tshivba ya Sathane, a na yeyedza tshivba nya yikhongolo khu siliwugiso ni sigiro nya malipha.

1 Thimoti 4:1

Aholu Liphuvbo nya Guage li ngu ganela lisine, li gukhilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

Judha 1:19

Khavo avo va girisago mihambano kholu va fumedwe khu gudogorela nya iso nya guvivbe nya nyama, va si fumwigo khu Liphuvbo.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 2:24

“Gasi ga enu ni vambe vathu va Tiyatira vale va si landreligo milayo yeyi, enu mu si gutigo ‘Gueta ga Sathane’ (kha nga edzi gu ganedwago khidzo) kha nyi na mi lemedza khu mimbe mirwalo.

Gutuledwa 9:11

Mbasa yatshavbo yi di gu thangedwa khu pfhumu mweyo a gu ngilozi ya phalani. Khu Gihebheru ya gu ranwa “Abhadhoni” khu Gigereki “Apollion” gu tshamusago gupwani “Mumbembisi.”