Jakobe 3:14 - Bhibhiliya Nya Guage

¹⁴ Aholu, mwa gu khala lidiwo, likhulo ni wugundreli myonyoni gwanu, mu nga liphi gukhenu mu na ni guti.

Jakobe 3:14 Iomraidhean Croise

Genesi 37:11

Vandruye va Josefa va di mu girela lidiwo, aholu babe waye, a di vegedza silo monyoni gwaye.

Genesi 38:9

Aholu Onani a di dziti nya gukhuye sanana sakone kha si na mu lumba. Khu guralo, gikhati a tshanganago ni mwangadzi wa ndriyaye a di vbaladzela vbavbandze mbewu yaye, khu gufela gumba velegela sanana ndriyaye.

2 Dzipfhumu 10:16

A mu embela, khuye: “Hongole hatshavbo u na wona idzo eni nyi ningago khidzo githawo Pfhumu Nungungulu.” Va di mu bedza karetani gwaye.

2 Dzipfhumu 10:31

Aholu, Jewu kha nga khathala gilo khu gu gimbila khu nayo wa Pfhumu Nungungulu wa Israyeli, ambari gu hambana ni sighoho sa Jerobhowamo, a nga ghohisa Israyeli.

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Mavingu 14:30

Monyo nya gurule wa gu vbanyisa givili, aholu lidiwo, madwali nya guhinise sikongolo.

Mavingu 27:4

Likhulo li vivbide, ni gugoroga i talo nya mati, aholu khu mani a tiyelago lidiwo?

Isaya 11:13

Khu guralo, a na vbedza lidiwo la Efrayimi, valala va Judha, va na mbembiswa; Efrayimi kha na girela gambe lidiwo Judha, ambari Judha nuye, kha na tshanisa Efrayimi.

Habhakuka 1:3

Khu ginani u nyi yeyedza guvivba, ni gu nyi wonisa tshanisa? Kholu gumbembiswa ni gusasedwa somo mbeli gwangu; vomo gambe va wusago mayunga ni gu ganedzisana.

Matewu 27:18

A di gu dziti nya gukhuye va di mu ningela khu kotani nya lidiwo.

Johane 16:2

Vajudha va na mi tutumisani umo nya dzinyumba nya nombelo. Gi ngu vboha gikhati nya gu vatshavbo vale va na mi songago va na pimisa gukhavo va gu rungudza ni gu thumela Nungungulu.

Mithumo 13:45

Vajudha na va wone gutala nya vathu va di tala khu lidiwo, va gu ganedza ni gu poyila magana ya Pawulo.

Mithumo 26:9

Eni neni nyi di gu pimisa gukheni gu vbwetega gu dwana khu maphuvbo yatshavbo gasi gu fuvisa lina la Jesu, Munazarenu.

Mithumo 5:17

Khavbo avbo, khongolo nya vaphasi nya mhamba ni vatshavbo vale a hengelago navo, va lumbago tsawa nya vasadhusi, va di tala khu lidiwo,

Mithumo 7:9

Sitefane a di engedza, khuye: “Vakokwe vathu avo, va di girela lidiwo ndriyawe Josefe, va mu rengisa a vbagedwa a yiswa Egipito. Aholu Nungungulu a diri ni uye;

Varoma 1:29

Khu kharato, va fumedwe khu guwegela gwatshavbo, ni gunyenyeza gwatshavbo, ni wugundreli, ni guvivba, ni lidiwo, ni wufu, ni wughevenga, ni vhilinganya, ni malipha, ni wulala ni milembo.

Varoma 13:13

Hongoleni hi vbanye khu gululama nga vathu va vbanyago safani nya mihani; hi nga vbanyeni khu wukhondrobwa ni guleva; hi nga vbanyi wuphuphuluni ni mithumo nyamba yadi; hi nga vbanyeni khu gu dwana ni lidiwo.

Varoma 2:17

Uwe wari khuwe u Mujudha, u themba Nayo, u dzi gira matshandza khu guti Nungungulu.

Varoma 2:8

Aholu, a na tsayisa khu tshivba ava va mu wugelago, va si dzumeligo lisine, va gu landra ndzila nya guvivbe.

1 Vakorinto 13:4

Lihaladzo li na ni gutimisela ni wuwadi. Lihaladzo li mwalo lidiwo, li mwalo matshandza ni gu dzi gugumugisa.

1 Vakorinto 3:3

kholu mu nga gu vbanya kha nga vathu va mafuni momu basi. Olu gu manegago wufu ni mayunga vbakari gwanu, ina kha gu yeyedzi gupwani mu nga gu vbanya nga vathu nya mafu, gani? Khandri mwa gu vbanya kha nga avo, gani?

1 Vakorinto 5:2

Ambari ulo mu tade khu matshandza, wulanga nya gugaradzegeni khu silo soso, mu tutumisa muthu a girago ndzilo nya nga iyoyo.

1 Vakorinto 5:6

Gu dzi zundza gwanu khandri gwa gilo. Ina mwa gu hangwa khu gukhenu melana wudugwana wu ngu gugumugisa wuguvbi watshavbo, gani?

2 Vakorinto 12:20

Nyi na ni hwanga guta iyo gwanu, nyita mi mana na mu vbindrugedzide mavbanyelo yale nyi ma golago, enu nenu mu nyi wona na nyi vbindrugedzide mavbanyelo. Nyi na ni hwanga nya gukheni nyi nata mi mana na mu bede mayungani, lidiwo, mazondra, gunyenyana, gu dwana, gusingedzana, milembo, ni gumba pwanana.

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Vagalatiya 5:20

gukhozela vanungungulu nya malipha, guphasela sithombe, sikwembu ni wutumbe, livengo, gudwanisana, wufu, likhulo, dzihanyi, guwandra, guwugelana khu mitsawa;

Vagalatiya 5:21

lidiwo, wughevenga, wubewudzi, limidzo, wubhemba ni silo nya nga esi; nyi ngu mi laya, kha nga nyi talago gu mi embela khu gale, kheni: Oyu a girago silo nya nga esi, gima kha na nga hodza thomba nya Mufumo wa Nungungulu.

Vagalatiya 5:26

Hi nga khali vathu nya matshandza, hi wugelana ni gu girelana lidiwo.

Vagalatiya 6:13

Kholu ambari ava va nya gu hana wugwera, kha va wu landri nayo. Aholu, va guvbweta khavo mu hane wugwera vafela basi gu dzi gugumugisa khu gu vega gifungo milini gwanu.

Vafilipi 1:15

Nyi ngu dziti gukheni vomo va tivisago Kristo khu mapimo nya mapalisana ni lidiwo gwangu, aholu vambe va gu mu tivisa khu monyo nya gululame.

Vafilipi 2:3

Mu nga girini gilo khu monyo nya gudwanele gu dzi khusedza mwendro khu matshandza nya mahala, aholu, girani khu gu dzi sodzisa, mu dzi gira va nyalidede ga vathu vatshavbo.

1 Thimoti 2:4

Uye a gu vbweta gukhuye vathu vatshavbo va vbanye ni guti lisine,

1 Thimoti 6:4

uyoyo muthu nya matshandza, gambe khati gilo. Muthu nya gudwale, khwa gu wusa maregera ni guphikizana, lidiwo, milembo, guvalana, gusingedzelana guvivba,

Tito 3:3

Kholu, gale ethu nethu hi diri mwalo mapimo, hi di si yingeli, hi diri sipumbu, hi diri dzikhumbi nya gunavele silo satshavbo nya guvivbe; hi diri vathu nya guvivbe ni wufu. Hi di gu vengwa khu vatshavbo, a nethu hi di gu vengana.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

Jakobe 3:16

Kholu avba gu manegago lidiwo ni wugundreli, gu na manega pfilupfilu ni silo satshavbo nya guvivbe.

Jakobe 5:19

Vandriyangu, moyo wanu, a gu diga ndzila nya lisine, mumbe a na mu wuyise ndzilani.