Jakobe 3:13 - Bhibhiliya Nya Guage

¹³ Womo muthu, vbakari gwanu, a gu ni guti ni mapimo, gani? A na dzi yeyedze khu mavbanyelo yaye nya yadi, ni mithumo ya yadi, khu gu dzi nogisa ni guti.

Jakobe 3:13 Iomraidhean Croise

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 107:43

Oyu a gengedego a ngu thela kota khu silo sesi, a pimisa gwadi lihaladzo la Pfhumu Nungungulu.

Dzindzimo 122:8

Khu lihaladzo nyi lipwago khu valongo ni dzipari dzangu, nyi na, kheni: “Gurula gu na khale ni uwe!”

Dzindzimo 149:4

Kholu Pfhumu Nungungulu a ngu tsakiswa khu vathu vaye; va nya gusolega, a gu va ninga wuzundzo nya gupale.

Dzindzimo 25:9

A ngu gimbidzisa va nya gusolega khu nayo, a hevbudza va nya gurula ndzila yaye.

Dzindzimo 45:4

Khilela kavalu nya gupale, u ya dwanela lisine ni gululama; libogo lago la nyamudye li na gu hevbudze gu gira siliwugiso.

Muhevbudzi 8:1

Khu mani a fananago ni muthu nya guti, a wutigo tshamuselo nya mahungu? Muthu nya guti, khovbeni gwaye gu ngangamela, gu vbindrugedza ni makhalelo yaye.

Muhevbudzi 8:5

Uye a landrisago milayo, gima kha na wona guvivba; muthu nya guti, a ngu giti gikhati ni magirelo.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 60:6

Dzingameriya nyambana tengo, dzi na fenengedza litigo lago, ni marole nya dzingameriya dza Medhiyani ni Efa. Va nata vatshavbo khu Sabha, na va rwade ndralama ni libani, na va gu embelela wudhumo wa Pfhumu Nungungulu.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Jeremiya 9:12

Khu mani muthu nya gugengele a yelago gu siti silo sesi? Khu mani a layidwego khu Pfhumu Nungungulu, gasi a tshamusela khuye magana yaye? Khu ginani litigo li mbembidego ni gu dagarela kha nga giwula, avbo nya gu mwalo ni muthu a vbindrago khumo?

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Dhaniyeli 2:21

Uye a ngu vbindrugedza dzinango ni gikhati, uye a ngu dusa vafumeli ni gu tiyisa vafumeli, uye a ngu ninga guti va nya gugengela ni wugengeli ga va nya mapimo.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Mitengo 12:3

Aholu Mosi a diri muthu nya gurule ngudzu, guvbindra vathu vatshavbo va mafuni.

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Matewu 21:5

“Embelani nyamahegyane wa Siyoni. Khenu khedza Mufumeli wago, a gu telago khu gurula, na khilede giburwana, gyanana nya buru.”

Matewu 5:5

Va kategide va nya gurula, kholu va na hodza thomba nya litigo.

Matewu 7:24

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

1 Vakorinto 6:5

Nya gu mi embela esi gasi mu khale dzitshoni, kholu nyi ngu dziti gukheni vbakari gwanu vomo vagengeli va dzi kodzago gu lamula mahungu, va gu dwana va na ndruye ni ndruye.

2 Vakorinto 10:1

Eni, Pawulo, nya gu bani nyiri vbakari gwanu, nya gu dzi vbevbugisa, nya gu bani nyiri hwindzo, nya gu dzi lemedza. Nyi ngu mi lomba khu Kristo, oyu a nga dzi vega vbavbatshi ni gu dzi sodzisa.

2 Vakorinto 8:24

Khu guralo, yeyedzani ga mambe mabandla lihaladzo mu gu nalo khu avo, mu va sayisa gwadi. Ni gu dzi zundza gwathu khu enu, gu wonege nari gwa lisine.

Vagalatiya 5:23

gu dzi rudzisa, gu hunga monyo. Mwalo Nayo wu dzi kodzago gu wugela silo nya nga esi.

Vagalatiya 6:1

Vandriyangu, mwa gu wonani gukhenu moyo wanu ghohide, enu mu vbanyago khu Liphuvbo la Nungungulu mu kawukeni khu gwadi, mu gu mu khongotela kala a wuya ndzilani nya lisine. Mu dzi wonela gasi mu si lingwi nenu.

Vagalatiya 6:4

Muthu ni muthu a na phele khu gu wona mithumo yaye. Ya gu manega yiri yadi a na ni fanelo nya gu dzi zundze khu mithumo yaye nya yadi, aholu a nga dzi pimanisi khu mithumo ya vakwawe,

Vaefeso 4:2

Vbanyani gikhati gyatshavbo khu gu dzi sodzisa ni gurula, ni gutimisela. Mu yeyedzana, kharato, lihaladzo vbakari gwanu.

Vafilipi 1:27

Zamani gu vbanya khu mavbanyelo ma yelanago ni Mahungu nya Yadi ya Kristo. Gani nyi ngu dzi kodza guta iyo gwanu nyita mi wona, gani nyi ngu tandrega, nya gu vbweta basi nyipwe mahungu nya gupwani enu mu ngu simama gu tsarama khu monyo moyo, mu dwanela gu vhikela gukhodwa nya Mahungu nya Yadi.

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

Tito 3:2

Va laye va si ganeli guvivba khu muthu, aholu, va khale khu gurula ni wuwadi, vari ni mavbanyelo nya yadi ga vathu vatshavbo.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Jakobe 1:21

Khu guralo, digani sihena satshavbo nya gunyenyeze, ni mavbanyelo yatshavbo nya guvivbe. Hakhani khu gurula Mahungu ya Nungungulu a yalago myonyoni gwanu, aya ma dzi kodzago gu mi vbanyisa.

Jakobe 2:18

Aholu mumbe muthu a na, khuye: “Ina, uwe u na ni gukhodwa, eni nyi na ni mithumo, nga nyi yeyedza gukhodwa gwago nyambana mithumo, eni, khu mithumo yangu, nyi na gu yeyedza gukhodwa gwangu.”

Jakobe 3:1

Vandriyangu, mu nga dwaneli mwatshavbo gu khala vahevbudzi, kholu, kha nga mu dzitigo, ethu hi hevbudzago hi na mana gulamudwa nya gugaradze ngudzu guvbindra vambe.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

1 Pedro 1:15

Aholu, vbelelani guaga ga satshavbo esi mu girago, kha nga Uye a mi ranidego a agidego.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Pedro 3:4

Aholu, wumburi wanu wu na khale khu myonyoni gwanu, kholu, khuwo wumbiri nyamba vbela, wumburi nya liphuvbo nya gurule, nya ndruda, khiso si gu na ni lisima ga Nungungulu.