Jakobe 3:1 - Bhibhiliya Nya Guage

¹ Vandriyangu, mu nga dwaneli mwatshavbo gu khala vahevbudzi, kholu, kha nga mu dzitigo, ethu hi hevbudzago hi na mana gulamudwa nya gugaradze ngudzu guvbindra vambe.

Jakobe 3:1 Iomraidhean Croise

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Malakiya 2:12

Muthu watshavbo a girago isoso, Pfhumu Nungungulu a na fuvisa vatshavbo avo va mu phasago ni gu mu emela, gumogo ni wule a ningelago siningwa nya miningelo ga Pfhumu Nungungulu nya Tshivba Yatshavbo.

Matewu 10:24

“Mupizane kha vbindri muhevbudzi waye, ni githumi kha gi vbindri mune waye.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:14

Libango gwanu, enu vapfhadzi, vahevbudzi nya Nayo ni Vafarisi, mu phangago sifurugadzi mudzindrangani dzawe, na mu gu pfhadza gu gira milombelo nya gulaphe ngudzu. Khu kharato gulamudwa gwanu gu na bani guri gwa gulemela.

Matewu 9:11

Vafarisi na va wonide esi, va di embela vapizane vaye, khavo: “Khu ginani muhevbudzi wanu a hodzago ni vakhuphisi ni sighohi?”

Luka 16:2

Mune ndranga a di rana muthangeli a mu wudzisa, khuye: ‘Nyi ngupwa vathu nya vangi na va gu regera khuwe. Gasi mahungu muni? Nyi yeyedze mithumo u giridego, kholu nya guvbweta gu gu dusa thumoni.’

Luka 6:37

“Mu nga lamuli, gasi mu si lamudwi nenu. Mu nga ningi nandru muthu, gasi mu si ningwi nenu. Tsetselelani, mu na tsetseledwa nenu.

Johane 3:10

Jesu a di phindrula, khuye: “Uwe u gu Muhevbudzi tigoni ga Israyeli, khu mati mahungu yaya, gani?

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

1 Vakorinto 12:28

Nungungulu vegide muthu ni muthu wulanga waye ndrani nya libandla: Guphela khu Vapostoli, gu handzamedza vaprofeti; nya wuraru khu vahevbudzi; gu bela va nya gu gira siliwugiso ni gu hawulugisa madwali, ni va nya gu sayisa sisiwana, ni vathangeli, ni va nya gu ganela malimi nya guhambanelane.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

1 Thimoti 1:7

Va gu dzi gira vahevbudzi nya Nayo na va si siti esi va ganelago, ambari gu si pima ni tiyiso wakone.

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

2 Thimoti 1:11

Khayo nyi nga emisedwa ayo gu khala muganeli ni mupostoli ni muhevbudzi.

Vahebheru 13:17

Yingelani vathangeli vanu, mu landrisa sileletelo sawe. Kholu avo khavo va khedziselago gikhati gyatshavbo mihefemulo yanu, va na wudziswa khu Nungungulu khu kotani nya isoso. Mwa gu va yingelani, avo va na thuma na va tsakide, kholu, va gu thuma na va gu garadzega kha si na phasa gilo gwanu.

Jakobe 1:16

Mu nga dzi pfhadzi, vandriyangu nya sigodwa,

Jakobe 1:19

Sitini gwadi esi, vandriyangu nya sigodwa; muthu ni muthu a na vbiredze gupwa, a hwela gu ganela, a hwela gu goroga.

Jakobe 3:10

Khu kanani ga gumogo, hi ngu dusa magana nya gurungudze ni magana nya guvale. Vandriyangu, kha gu vbwetegi kharato.

1 Pedro 5:3

Mu nga dzi girini vamune, mu khozisa vathu mu ningidwego, aholu khalani giwonelo nya tshambi.