Jakobe 2:25 - Bhibhiliya Nya Guage

²⁵ Khiso si nga girega ga nyamayi nya gibhayi, Rahabhi. Uye a di sayedwa muthu nya gululame khu Nungungulu khu kotani nya mithumo yaye, kholu a di hakha vasoli va na Israyeli a gu va phasa gu duga khu yimbe ndzila.

Jakobe 2:25 Iomraidhean Croise

Matewu 1:5

Salimoni a velega, ni Rahabhi, Bhowazi, Bhowazi a velega, ni Rute, Obhedhi; Obhedhi a velega Jese;

Matewu 21:31

Khu wevbini nya ava va vavili a nga girago guhaladza ga babe wule?” Va di hakha, khavo: “Khuye nya guphele.” Jesu a di va embela, khuye: “Khu lisine nyi ngu mi embelani, kheni: Vakhuphisi ni maphuphulu va na mi thangela Mufumoni wa Ndzadzini.

Mithumo 17:7

Jasoni a va hakha gaya gwaye. Avo vatshavbo va gu ganedza milayo ya Sezari, va tivisa gukhavo Jesu khu mumbe mufumeli.”

Vahebheru 11:31

Khu gukhodwa, Rahabhi, nyamayi nya gibhayi, kha songwa gumogo ni vale va ngamba yingela Nungungulu, kholu uye a di hakha vasoli khu gurula.

Jakobe 2:18

Aholu mumbe muthu a na, khuye: “Ina, uwe u na ni gukhodwa, eni nyi na ni mithumo, nga nyi yeyedza gukhodwa gwago nyambana mithumo, eni, khu mithumo yangu, nyi na gu yeyedza gukhodwa gwangu.”

Jakobe 2:22

Mu ngu wonani nya gukhenu gukhodwa gwaye gu di longoloka gumogo ni mithumo. Khu mithumo, gukhodwa gwaye gu di tadzisega.

Jakobe 2:24

Kharati khavbo mu wonago nya gukhenu muthu a gu sayedwa gululama khu Nungungulu khu kotani nya mithumo yaye, nasiri khu gukhodwa basi.

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

Josuwa 2:15

Khavbo avbo, uye a di va tshigisa khu ngodzi khu vbagihogotunu, kholu nyumba yaye yi di vbahidwe vbandzaritunu nya libhiyo nya lidhoropa.

Josuwa 2:16

Uye a di va embela, khuye: “Thavani muya gigomoni gasi mu si manwi khavo va mi lundrago. Sihalani iyoyo mu vbedza matshigu mararu, kala avo va bwelela va wuya; khu hwane mu na phara ndzila yanu.”

Josuwa 2:4

Aholu, nyamayi wule a di siha vama vale, a hakha, khuye: “Lisine, va di dzude vama nya gukari ndrangani gwangu; aholu eni nyi di si guti va guta khu hayi.

Josuwa 2:6

Khavbo avbo, uye a di va litisa khu vbagikolitunu nya nyumba yaye, aya va siha vbadzinyandratunu nya wughama a nga bani a wu anegede vbatshani nya langwe yaye.

Josuwa 6:17

Lidhoropa, gumogo ni satshavbo si guromo umo, si emisedwe gu khungumudwa hiso bhi; gu na vbuluga basi Rahabhi nya gibhayi gumogo ni vatshavbo va na gu bani vari nyumbani gwaye, kholu uye sihide vaholeleli hi nga bani hi va rumede.