Jakobe 2:21 - Bhibhiliya Nya Guage

²¹ Ina babe wathu Abrahama kha sayedwa muthu nya gululame khu mithumo, gikhati a nga dzumela gu ningela mhamba khu mwanaye Isaki vbagiluvelotunu, gani?

Jakobe 2:21 Iomraidhean Croise

Dzindzimo 143:2

U nga nyi thethisi eni githumi gyago, kholu, mwalo muthu a vbanyago nari mwalo nandru mbeli gwago.

Isaya 51:2

wonani babe wanu Abrahama ni Sara, a gu uye a mi velegidego; kholu khuye basi nyi mu ranidego bwelo khavbo nyi mu kategisa ni gu andrisa livelego laye.

Matewu 12:37

Kholu muthu watshavbo a na lamudwa khu magana yaye; nandru nuwo a na wu mana khu magana yaye.”

Matewu 3:9

Mu nga dzi pembi sanu, khenu: ‘Hi na ni babe Abrahama!’ Kholu, nyi ngu mi embelani gukheni, Nungungulu a ngu dzi kodza gu tumbulugisa sanana sa Abrahama khu musiwindrini momu.

Luka 1:73

ni gu alakanya gisambanyo a nga girago ga babe wathu Abrahama,

Luka 16:24

Khavbo avbo, a di khuye: Baba Abrahama, nyi pwele wusiwana u nyi rumela Lazaro ni simatyana khu nyala ata nyi dzidzidza lidimi, kholu nyi ngu dagarela vbakari nya nilo yoyu.

Luka 16:30

Gasi gitetema gi di, khigyo: “Ahihi, baba Abrahama, nari pwani mufi moyo a nguya va tivisa, na va gu vbindrugedza mavbanyelo.”

Johane 8:39

Va di mu phindrula, khavo; “Babe wathu khu Abrahama!” Aholu, Jesu, khuye: “Nari pwani mu sanana sa Abrahama na mu gu landra mithumo ya Abrahama.

Johane 8:53

Ina uwe u khongolo guvbindra babe wathu Abrahama, a ngafago? Ni vaprofeti va fudego navo? Gasi wa gu dzi gira mani uwe?”

Mithumo 7:2

Sitefane a di mu hakha, khuye: “Vandriyangu ni vababe vangu, yingisani! Nungungulu nya wudhumo a dzi wonegiside ga babe wathu Abrahama na ngo gu vbanya Mesopotamiya, na si gu ruri aya khala Harani,

Varoma 3:20

Khu guralo, muthu lulamide mbeli gwa Nungungulu khu kotani nya gulandrise mithumo yi rumwago khu Nayo; kholu Nayo wa gu tulela muthu gu dziti gukhuye gighohi.

Varoma 4:1

Hi na khethu ginani khu babe wathu Abrahama, a gu nyapandre wathu khu tumbunugo? Ginani gi nga mu dugelelago?

Varoma 4:12

Uye gambe khuye babe wa vale va hanago wugwera, vale va si hegeligo basi gu hana wugwera, aholu va landrago gambe gihevbudzo nya gukhodwe gwa Abrahama na si gu hani wugwera.

Varoma 4:16

Khu kharato, thomba ha gu yi mana khu gukhodwa. Kharati, gitumbiso gi na ni giphaso ga satshavbo sanana sa Abrahama, nasiri basi ga vale va landrisago Nayo, aholu, ga vatshavbo va khodwago ga Nungungulu nga edzi Abrahama a nga khodwago khidzo. Khidzo kharati a gu babe wa ethu hatshavbo khu gukhodwa.

Vahebheru 11:17

Khu gukhodwa, Abrahama, gikhati a nga lingwa, a di vbweta gu songa gyanana gyaye Isaki kha nga mhamba. Nungungulu a di tumbiside gu mu ninga sanana nya singi, ambari ulo, a di dongide gu songa gyanana gyaye gya gimwegyo a gira khigyo phaso nya mhamba.

Jakobe 2:18

Aholu mumbe muthu a na, khuye: “Ina, uwe u na ni gukhodwa, eni nyi na ni mithumo, nga nyi yeyedza gukhodwa gwago nyambana mithumo, eni, khu mithumo yangu, nyi na gu yeyedza gukhodwa gwangu.”

Jakobe 2:24

Kharati khavbo mu wonago nya gukhenu muthu a gu sayedwa gululama khu Nungungulu khu kotani nya mithumo yaye, nasiri khu gukhodwa basi.

Josuwa 24:3

Khu guralo, nyi di dzega babe wanu Abrahama tshatugo nya tsongo wa Joridhani, nyi mu yisa vbakari nya litigo latshavbo la Khanani, nyi mu andrisela gambe livelego laye, khu gu mu ninga Isaki.