Jakobe 2:20 - Bhibhiliya Nya Guage

²⁰ Gipumbuwe! U ngu dzina gu wona gukhuwe gukhodwa nyambana mithumo kha gu phasi gilo, gani?

Jakobe 2:20 Iomraidhean Croise

Mavingu 12:11

Uye a dzi limelago lithembwe a na hodza a khura, aholu uye a landrelago silo nyamba phasa gilo, mwalo mapimo.

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Varoma 1:21

Va di gu dziti gukhavo Nungungulu womo, aholu kha va mu thela kota ni gu mu rungudza kha nga edzi gu vbwetegago khidzo. Va di pfhala khu mipimiso yawe nyamba phasa gilo, ni gu myonyo yawe yi gola gu landrisela silo nya gidema.

Varoma 3:28

Khu guralo, hi ngu tivisa gukhethu muthu a gu sayedwa gululama khu gukhodwa, nasiri khu mithumo ya Nayo.

Varoma 9:20

Uwe muthu, khuwe mani, uwe nya gu ganedzisane ni Nungungulu? Ina khali nya libumba yi ngu dzi kodza gu wudzisa ga muwumbi waye, khiyo: “Khu ginani u nga nyi wumbago kharati?”

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vagalatiya 6:3

Kholu muthu a gu dzi alakanya gukhuye gilo, nasiri gilo, a ngu dzi pfhadza abune.

Vakolosi 2:8

Dzi woneleni, mu nga dzi digi mu gu sengwa khu vale va vbwetago gu mi ndrindra khu sihevbulo nya wugengeli nya mahala, nya gutiyiswe khu mikhuwo nya vathu, ni guti ga mafuni momu, aholu nyamba tiyiswa khu guti gwa Kristo.

1 Thimoti 1:6

Vambe va ndreyide ga esi silo, va landrela sihevbudzo nyamba phasa gilo.

Tito 1:10

Kholu vomo nya vangi, ngudzungudzu ava va tago khu nayoni nya Vajudha, va gu vawugeli, va pfhadza vakwawe khu maganelelo yawe nya wupumbu.

Jakobe 1:26

Oyu a alakanyago gukhuye mukhodwa, aholu a si kodzi gu phara lidimi laye, wukhodwa waye khandri wa gilo, a gu pfhadza monyo waye wurumba.

Jakobe 2:17

Khu guralo, gukhodwa gwamba wonegiswa khu mithumo, gukhodwa gogo gu fude.

Jakobe 2:26

Nga olu, givili gya gumbana hefemulo gi fago, kharato nugo gukhodwa, nyambana mithumo, gu fude.