Jakobe 2:19 - Bhibhiliya Nya Guage

¹⁹ Uwe u ngu khodwa ga Nungungulu moyo basi, gani? U ngu gira gwadi; ambari nayo maphuvbo nya guvivbe ma ngu khodwa, ma ndrendremela.

Jakobe 2:19 Iomraidhean Croise

Isaya 43:10

“Enu mu dzifakazi dzangu, a ngu ganela Pfhumu Nungungulu,” nyi gu hathide gasi u khala githumi gyangu; gasi u dziti, u khodwa ni gu pima gukhenu eni kheni kamwe, khu hwane gwangu mwalo mumbe Nungungulu a na manegago, khu mbeli gwangu, kha na manega mumbe.

Isaya 44:6

Pfhumu Nungungulu, Mufumeli wa va na Israyeli, ni Mudzegisi wawe, Nungungulu nya Tshivba Yatshavbo, a ngu ganela kharati, khuye: “Eni kheni nya guphele ni guhegisa, vbavbandze ga Eni, mwalo mumbe Nungungulu.

Isaya 44:8

Mu nga thavi, gambe mu nga vbeli tshivba; ina gukhugela gale kha nya mi embela mahungu yaya, kha nya mi tivisa, gani? Enu mu dzifakazi dzangu, womo mumbe Nungungulu vbavbandze ga Eni, gani? Gi mwalo gimbe Giwindri nyi gitigo.”

Isaya 45:6

gasi gukhugela Khugadambo kala Muhwadambo, vatshavbo va dziti gukhavo mwalo mumbe vbavbandze gwangu. Eni kheni Pfhumu Nungungulu, mwalo mumbe.

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Jona 4:4

Pfhumu Nungungulu a di mu embela, khuye: “Ina u na ni fanelo nya gugoroge kharato, gani?”

Jona 4:9

Khavbo avbo, Nungungulu a di embela Jona, khuye: “Ina wa gu pimisa gukhuwe u na ni fanelo nya gugoroge khu khungu yoyu, gani?” Uye a di hakha, khuye: Nyi ngu yela nyi manega ni giviti kala nyifa.

Zakariya 14:9

Pfhumu Nungungulu a na bani ari uye Pfhumu nya litigo latshavbo; litshigu lolo, Pfhumu Nungungulu a na bani ari moyo basi, ni lina laye li na bani liri ilo longa basi.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Marko 12:29

Jesu a di mu hakha, khuye: “Nayo nya guhegule khoyu: ‘Upwa Israyeli! Pfhumu, Nungungulu wathu, khuye enga basi a gu Pfhumu.

Marko 5:7

a khusedza lito a ganela khu tshivba, khuye: “Ginani nyi nga gu ghohela, uwe Jesu, Mwamana wa Nungungulu a guromo Ndzadzini? Nyi ngu gu lomba khu lina la Nungungulu gukheni u nga nyi tshanisi!”

Marko 7:9

A di engedza gambe, khuye: “Mu ngu kodza gwadi gu tshiphisa milayo ya Nungungulu, gasi mufela gu landrisa tumbunugo wanu.

Luka 4:34

“Ginani hi nga gu ghohela, Jesu wa Nazareta? Wa gu tela guta hi mbembisa, gani? Eni nyi ngu guti gwadi gukheni: Khuwe Gihathwa gya Nungungulu.”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Mithumo 16:17

A di phela gulandrisela Pawulo ni ethu, na gu huwelela, khuye: “Vathu vava sithumi sa Nungungulu a guromo vbatshani ngudzu, va gu mi tivisa ndzila nya guvbanyise.”

Mithumo 19:15

Aholu liphuvbo nya guvivbe li di hakha, khilo: “Jesu nyi ngu muti gwadi, Pawulo nuye nyi ngu muti. Ahati enu, khenu va mani?”

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Varoma 3:30

kholu womo Nungungulu moyo basi, a nga tshanganisago naye va nya gu hana wugwera khu gukhodwa, a tshanganisa gambe va nya mayigo khu gukhodwa.

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

1 Vakorinto 8:6

Gasi ethu ha guti gukhethu womo Nungungulu moyo basi, a gu Babe ni muvangi nya silo satshavbo; ethu ha gu vbanyela uye. Gambe yomo Pfhumu Mweyo basi, Jesu Kristo. Silo satshavbo si vangidwe khu tshivba yaye, ni ethu hi womo khu kotani gwaye.

Vagalatiya 3:20

Gambe mutshanganisi khandri wa muthu moyo basi, aholu, Nungungulu moyo basi.

Dhewuteronome 6:4

Upwa, Israyeli! Pfhumu Nungungulu wathu, khuye basi a gu Pfhumu.

1 Thimoti 2:5

kholu womo Nungungulu moyo basi, ni Mutshanganisi moyo a tshanganisago Nungungulu ni vathu, khu Jesu Kristo a gu muthu nuye,

Jakobe 2:8

Khu guralo, mwa gu landra nayo yoyu nya Wufumu, mu ngu gira gwadi, owu wu ganedwago khu Milowo nya Guage, khiyo: “Gola muthu kwanu nga edzi u dzi golago khidzo uwe wurumba wago,” avbovbo mu ngu girani gwadi.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.

Judha 1:6

Ni dzingilozi dzi ngamba kodza gu sayisa wurendra wawe, dzi hungidwe khu makhetshe nya gupindruge, phalani nya gidema, omu Nungungulu a dzi vegidego dzi virela Litshigu nya likhongolo nya gulamudwe.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.