Jakobe 1:8 - Bhibhiliya Nya Guage

⁸ Uyoyo muthu nya myonyo mivili, a ngu legalegiswa dzindzilani dzaye dzatshavbo.

Jakobe 1:8 Iomraidhean Croise

1 Dzipfhumu 18:21

Eliya a di hidzimela a ema mbeli ga vathu vatshavbo, khuye: “Kala lini mu na ndzodolago khu mipimiso mivili? Pfhumu a gu bani ari uye, mu landreleni; aholu, a gu bani nari Bhahali, landrelani uye.” Aholu, vathu kha va nga mu hakha.

2 Dzipfhumu 17:33

Khu magirelo yoyo va di khozela Pfhumu Nungungulu gumogo ni gu khozela vanungungulu vawe mayelano ni tumbunugo nya mayigo va nga bani va dugela umo.

2 Dzipfhumu 17:41

Khu guralo, mayigo yale, ma di thava Pfhumu Nungungulu, bwelo khavbo ma khozela sifananiso nya guvatwe; ni sanana sawe; ni vatugulu vawe gambe va di gira kha nga vababe vawe, va nga gu gira isoso kala na muhuno.

Dzindzimo 119:113

Nyi ngu vengana ni wukanganyisi aholu nyi gola nayo wago.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Hoseya 10:2

Myonyo yawe khya wudambane; khu guralo, va na rwala nandru wawe; Pfhumu Nungungulu a na kokelela sihuru sawe nya miphaso, a pandrelela sithombe sakone.

Matewu 6:22

“Kandriya nya givili khu maho. Maho yago ma gu bani ma wona gwadi, givili gyago gyatshavbo gi na wenengedzwa.

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Jakobe 1:7

Muthu nya guralo, a nga alakanyi gukhuye a na hakha gilogyo ga Pfhumu.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

2 Pedro 3:16

Khiso esi a nga si ganelago malangalilani gwaye, gikhati a nga mi lovelani khu mahungu yaya. Malangalilani gwaye somo silo nya gugaradze gu si pima, va nya mbati ni va nya gukhodwa vbadugwana va sindrwago khiso gu si tshamusela, nga edzi va girago ga simbe sipandre nya Milowo nya Guage. Khu guralo, va gu dzi mbembisa vabune.