Jakobe 1:6 - Bhibhiliya Nya Guage

⁶ Aholu a na lombe khu gukhodwa, nyamba kanakana, kholu, oyu a kanakanago a gu fanana ni mavimbi ya phwani ma legalegiswago khu phuvbo.

Jakobe 1:6 Iomraidhean Croise

Genesi 49:4

U khugegide kha nga libimbi, khu na nga khala muthangeli, kholu u ghohede lidawu la babe wago. U nyenyeziside wuzundzo nya lidawu langu.

Matewu 14:28

Pedro a di mu hakha, khuye: “Wa gu bani uri uwe, Pfhumu, nyi rane nyite iyoyo gwago khu vbatshani nya mati.”

Mithumo 10:20

Vbiredza gu tshiga u hongole navo nyamba kanakana, kholu kheni nyi nga va rumelago.”

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

Vahebheru 10:23

Hi na sayise gwadi gutumba nya gukhodwe hi nga sambanyago, kholu hi ngu tumba gukhethu Nungungulu a na tadzisa sisambanyo a giridego.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

Jakobe 1:7

Muthu nya guralo, a nga alakanyi gukhuye a na hakha gilogyo ga Pfhumu.

Jakobe 5:15

Nombelo wu girwago khu gukhodwa wu na vbanyisa mudwali. Pfhumu yi na mu ninga womi, yi mu tsetselela siwono saye esi a giridego.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.