Jakobe 1:3 - Bhibhiliya Nya Guage

³ Kholu mu ngu dzitini nya gukhenu, gukhodwa gwanu gwa gu pala silingo gu ngu ninga gutimisela.

Jakobe 1:3 Iomraidhean Croise

Luka 21:19

Khu gu timisela gwanu, mu na vbanyisa mihefemulo yanu.

Varoma 15:4

Kholu satshavbo si guromo omu nya Milowo nya Guage si lovedwe gu khala gihevbudzo gwathu, gasi hi mane gutumba khu kotani nya gutimisele hi gu manago umo nya Milowo nya Guage.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 8:25

Aholu, ha gu tumba silo nyamba si wona, hi na si lindrela khu gutimisela.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

2 Vakorinto 4:17

Kholu gusaniseka gwathu nya guvbevbuge nya gikhatinyana gwa gu hi dongisela guya bela wudhumoni nya wukhongolo nyamba vbela, wudhumo wu vbindrago gusaniseka gwatshavbo.

Vakolosi 1:11

Ha gu lomba ga Nungungulu a mi tiyisa khu tshivba yaye nya yikhongolo, mu kodze gutsarama siloni satshavbo khu gutimisela ni gutsaka.

2 Vatesalonika 1:4

Khu guralo ethu hi ngu dzi khusedza khu enu vbakari nya mabandla ya Nungungulu, khu kotani nya gutimisele ni gukhodwa gwanu mu gu yeyedzago vbakari nya sigaradzo, ni gusaniseka mu gu rwadego;

2 Vatesalonika 3:5

Pfhumu yi na khusedze myonyo yanu lihaladzoni ga Nungungulu, gasi mu virela Kristo khu gutumba.

Vahebheru 10:36

Timiselani gasi mu gira guhaladza ga Nungungulu, mu mane guya hakha esi a mi tumbisago.

Vahebheru 12:1

Khu guralo, ethu hi randredwe khu dzifakazi nya vathu nya vangi ngudzu. Hongoleni hi dige satshavbo esi si hi segelago ndzila, hi diga ni gighoho gi hi namarelago khu tshivba, hi tutuma nyamba vbela tshivba, hi landra pfhuka wu nga tshadego mbeli gwathu.

Vahebheru 6:12

Kha hi vbweti gukhethu mu khale migara, aholu khalani vale va khodwego, muri ni gutimisela, gasi mu fela gu hakha esi mu tumbisidwego khu Nungungulu.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

2 Pedro 1:6

guti mu gu wonegisa khu gu dzi phara; gu dzi phara mu gu pata ni gutimisela; gutimisela mu gu tadzisa khu githawo ga Nungungulu;