Jakobe 1:27 - Bhibhiliya Nya Guage

²⁷ Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Jakobe 1:27 Iomraidhean Croise

Dzindzimo 119:1

Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Dzindzimo 146:9

Pfhumu Nungungulu a ngu emela valuveli; a ngu tangadzisa dzikhulungu ni dzinoni, gambe a ngu segela dzindzila va nya guvivba.

Dzindzimo 68:5

Nungungulu a vbanyago nyumbani gwaye nya guage, khuye babe nya dzikhulungu ni muvhikeli nya dzinoni.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Matewu 12:32

Uye a valago Mwamana wa Muthu a na tsetseledwa; gasi uye a valago Liphuvbo nya Guage kha na tsetseledwa, ga gikhati gegi ambari ni ga igyo gi nga gutago.

Matewu 5:8

Va kategide va nya myonyo nya yadi, kholu va na wona Nungungulu.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Varoma 12:2

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Varoma 2:13

Kholu muthu kha khali wa guluma mahoni ga Nungungulu khu guti Nayo basi. Aholu khu gu landrisa esi wu rumago Nayo.

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vagalatiya 3:11

Gu wonegide gwadi gupwani mwalo muthu a manegago na lulamide mbeli ga Nungungulu khu kota nya Nayo, kholu gu lovidwe omu nya Milowo nya Guage pwani: “Oyu a lulamidego, a na vbanya khu gukhodwa.”

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vagalatiya 6:14

Gasi eni, kha nyi vbweti gu dzi zundza khu gimbe gilo; wangu wuzundzo nya gu wu mana basi vbagihambanotunu gya Pfhumu yathu Jesu Kristo. Khu kotani nya gihambano, litigo li fude ga eni, kha nga aneni nyi fudego ga litigo.

Vaefeso 2:2

Gikhati mu nga bani mu fumedwa khu mavbanyelo nya litigo leli, mu di landrisa milayo ya muthangeli nya dzitshivba nya guvivbe dzi si wonegigo, liphuvbo lolo li fumago olu ga vathu va wugelago Nungungulu.

Dhewuteronome 14:29

Khavbo avbo, a nata mulevhi (a gu mwalo gipandre ambari thomba vbakari gwago), muluveli, khulungu ni noni; va guromo dhoropani gwago, va na hodza va khura, gasi Pfhumu Nungungulu wago, a gu kategise ga yatshavbo mithumo ya mandza yago.

1 Thimoti 1:5

Aholu, fanelo nya gihevbudzo gyathu, khu gu wusa lihaladzo li dugago khu monyoni wu agidego, khu mapimoni nya yadi, ni gukhodwa nya lisine nyamba pfhadzedzela,

1 Thimoti 5:4

Aholu, va gu bani vari ni sanana mwendro vatugulu, va ngu yela gu girela githawo valongo vawe, ni gu va bweledzela wuhindzi va nga giredwa khu sikhosane sawe. Kholu, khiso si tsakisago mahoni ga Nungungulu.

Tito 2:12

Wuhigo wowo wa gu hi hevbudza gu diga mavbanyelo nyamba khodwa, ni gu navela silo nya mafu yaya, gasi hi vbanye tigoni momu khu gu dzi phara, ni gululama, ni gutumbega ga Nungungulu.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

Jakobe 3:9

Khu lidimi, hi ngu rungudza Nungungulu a gu Babe wathu, khu ilo gambe, hi ngu vala vathu va giridwego khu mufananiso wa Nungungulu.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.

2 Pedro 2:20

Khu guralo, vale va nga muti Pfhumu ni Muvbanyisi wathu Jesu Kristo, va gu vbuluga ga sihena nya guvivbe nya litigo, khu hwane va gu wuya va modwa gambe khu silo sesi, va guta nyenyeza ngudzu guvbindra guhegulani.

2 Pedro 3:14

Sigodwa sangu, nga olu mu lindrelago litshigu lolo, girani tshivba mu khale ga Nungungulu, nyambana gisolo, ambari gighoho mbeli gwaye.

1 Johane 5:18

Hi ngu dziti gukhethu sanana sa Nungungulu kha si nga gu simama gughoha kholu Mwamana wa Nungungulu a ngu si vhikela. Sathane kha dzi kodzi gu si kuha.