Jakobe 1:25 - Bhibhiliya Nya Guage

²⁵ Aholu, muthu a khedzisago gwadi Nayo nya gululame wu hi ningago gutshulega a tiya ga uwo, a si tsakiswi basi khu gupwa, aholu, a landrisa esi Nayo wu rumago, a na kategiswa mithumoni yaye yatshavbo.

Jakobe 1:25 Iomraidhean Croise

Dzindzimo 106:3

Va kategide avo va landrisago milayo yaye, va girago esi si lulamidego gikhati gyatshavbo.

Dzindzimo 119:32

Nyi na dzi garadza khu gu landra ndzila nya milayo yago, kholu yi ngu tadza khu gunengela. He

Dzindzimo 119:45

Nyi na vbanya na nyi tshulegide, kholu nyi landriside sileletelo sago.

Mavingu 14:15

Muthu nyambana mapimo a gu dzumeledzela satshavbo, gasi muthu nya mapimo a gu khedza umo a gandrago.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Johane 13:17

Kha nga olu mu sitigo silo sesi, mu na bani mu kategile mwa gu si landrisa.

Johane 8:36

Khu kharato, mwa gu tshudwa khu gyanana, mu na bani mu tshulegide khu lisine.

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.

Mithumo 26:22

Aholu, Nungungulu a nyi vhikede kala litshigu la muhuno, nyi emidego avba, mbeli gwanu, nyi ninga wufakazi wangu ga enu mwatshavbo nya vadugwane ni vakhongolo. Esi nyi ganelago khiso si nga tiviswa khu vaprofeti ni Mosi pwani si na dugelela,

Varoma 11:22

Wona gwadi gukhuwe Nungungulu khwadi, aholu, a ngu garadza gambe. A ngu garadza ga vale va nga thega. Gwago uwe khwadi. Aholu gu vbwetega u vbanya khu edzi wu lombago khidzo wuwadi waye. Wa gumba gira kharato, u na kokedwa nuwe.

Varoma 2:13

Kholu muthu kha khali wa guluma mahoni ga Nungungulu khu guti Nayo basi. Aholu khu gu landrisa esi wu rumago Nayo.

Varoma 7:12

Nayo wu agide, ni sileletelo saye niso si agide, si lulamide, khyadi.

Varoma 8:15

Kholu, Liphuvbo mu hakhidego kha li mi giri dzikhumbi ni gu mi thela hwanga; aholu la gu mi gira sanana sa Nungungulu. Khilo li hi kutsago gu rana khethu: “Abbha! Baba wathu.”

Varoma 8:2

Kholu nayo nya Liphuvbo nya guvbanye li ningago guvbanya khu gu hi tshanganisa ni Jesu Kristo wu nyi tshude ga nayo nya gighoho ni ga tshivba nya gufe.

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

2 Vakorinto 13:5

Nga dzi wudzisani mapimoni gwanu, mu wona mwendro mu ngari nago gukhodwa. Nga dzi khedzani wurumba wanu kha mu dziti gukhenu Jesu Kristo, womo vbakari gwanu, gani? Mwendro mwa gu dzipwa mwa sa hakhwani khu Nungungulu!

Vagalatiya 2:4

Ambari va nga dugelela vambe vbakari gwathu, va nga hi pfhadza khavo vakhodwa; vathu vovo va bede tsawani gwathu khu gufela guta sola mavbanyelo nya gutshulege hi gu nawo khu ga Kristo, gasi va mane ndzila nya gu hi yise nyaluphye wugumbini.

Vagalatiya 5:1

Kristo a hi tshude gasi hi mane gutshulega nya lisine. Khu kharato, tiyani mugutshulegani gwanu, mu nga bweleli hwane mu khala gambe dzikhumbi.

Vagalatiya 6:2

Phasedzanani khu gyanu, mu na tadzisa kharato nayo wa Kristo.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

1 Thimoti 2:15

Aholu, nyamayi a na vbanyiswa khu gu velega sanana, ni guvbanya khu gukhodwa ni lihaladzo ni githawo ni gu dzi phara.

1 Thimoti 4:16

Dzi wonele uwe wurumba wago, ni esi u hevbudzago. Simama gu ema ga silo sesi. Khu kharato, u na mana guvbanyiswa uwe ni vale va gu yingisago.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

Jakobe 2:12

Enu ganelani, mu vbanye nga vathu va na gu lamudwago khu nayo wu ningago gutshulega.

1 Pedro 2:16

Vbanyani nga vathu nya gutshulege; mu dzega gutshulega mu gu gira gilo nya gusihe guvivba; aholu vbanyani nga sithumi sa Nungungulu.

1 Johane 2:24

Khu guralo, esi mu sipwidego gukhugela guhegulani, si na khale myonyoni gwanu. Aholu sa gu khala gwanu esi mu nga si pwago gukhugela guhegulani, a nenu mu na khala gumogo ni Mwamana ni Babe.

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.

1 Samuweli 12:14

Mwa gu ningani githawo Pfhumu Nungungulu, mu mu khozela, ni gu yingisa lito laye, mu si kanyisi sileletelo saye, mu landrela Pfhumu Nungungulu wanu, enu gumogo ni mufumeli a fumago vbakari gwanu, satshavbo si na mi dugela gwadi.