Jakobe 1:21 - Bhibhiliya Nya Guage

²¹ Khu guralo, digani sihena satshavbo nya gunyenyeze, ni mavbanyelo yatshavbo nya guvivbe. Hakhani khu gurula Mahungu ya Nungungulu a yalago myonyoni gwanu, aya ma dzi kodzago gu mi vbanyisa.

Jakobe 1:21 Iomraidhean Croise

Dzindzimo 25:9

A ngu gimbidzisa va nya gusolega khu nayo, a hevbudza va nya gurula ndzila yaye.

Isaya 2:20

Khu litshigu lolo, vathu va na dzudzugela ga magondzo ni makoha sifananiso nya vanungungulu nya parata ni ndralama, iso va nga si girago gasi gu si khozela.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Matewu 5:5

Va kategide va nya gurula, kholu va na hodza thomba nya litigo.

Johane 6:63

Liphuvbo khilo li ningago guvbanya, gasi givili kha gi phasi gilo. Magana nyi mi embedego Liphuvbo ni guvbanya.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Mithumo 10:33

Nyi di dzegela gu gu ranisa. Nyi ngu bonga olu u dzudego. Olu hi tshanganide avba hatshavbo mahoni ga Nungungulu, hi dzi dongisede gu yingisa satshavbo esi u rumedwego khu Pfhumu.”

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 11:17

Mambe matamo makokeledwe. Aholu, uwe u na bani uri kha nga ngure nya likhabi, u tshomegidwe matamoni momo, u tshanganiswa kharato ni mikhamba, gasi u lisedzedwa mahwe nya ngure nya mbewu nya yadi.

Varoma 6:17

Khu guralo, a na bongwe Nungungulu! Kholu enu gale mu nga bani muri dzikhumbi nya gighoho, olu mu ngu landrisa khu myonyo yanu yatshavbo ndzila nya sihevbudzo mu hakhidego.

1 Vakorinto 15:2

Khayo aya mahungu ma na mi vbanyisago mwa gu ma sayisa gwadi nga edzi nyi mi tivisidego khidzo; mwa gu bani mwa sa khodwa mahala.

2 Vakorinto 7:1

Na hiri ni situmbiso sesi, sigodwa sangu, hongoleni hi dzi handze guvivba gwatshavbo nya givili ni liphuvbo, hi gira thumo wathu nya guagiswe ni githawo ga Nungungulu.

Vaefeso 1:13

Khu ga Kristo, enu nenu, mu pwide mahungu nya lisine, Ivhangeli nya guvbanyiswe gwanu, mu yi hakhidego khu gukhodwa, mu tiyisidwe khu gifungo nya Liphuvbo nya Guage hi nga bani hi tumbisidwe.

Vaefeso 4:22

Khu kharato, digani tumbunugo nya mavbanyelo yanu ya gale nya gutale khu gudogolela nya gunyenyeze, gu yisago gumbembani.

Vaefeso 4:25

Khu kharato, nyenyani malipha; muthu ni muthu a na ganele lisine ga muthu kwawe, kholu ethu hatshavbo hi sivbango nya givili gimwegyo.

Vaefeso 5:4

Khidzosaye gambe ni magana nya guvivbe, nya guhandruge ni gunyenyeza kholu kha si yeli. Wulanga nya isoso, thumisani magana nya gubonge Nungungulu.

1 Vatesalonika 1:5

Khu guralo, ethu hi dita mi tivisa Mahungu nya Yadi nasiri khu gu ganela basi, aholu khu tshivba nya Liphuvbo nya Guage, ni gu tiyiswa nya gungi. Mu ngu dziti edzi hi nga dzi vegisago khidzo vbakari gwanu, khu lihaladzo lanu.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

Tito 2:11

Kholu, Nungungulu a hi tulede guti wuhigo waye, afela gu vbanyisa vathu vatshavbo.

Vahebheru 12:1

Khu guralo, ethu hi randredwe khu dzifakazi nya vathu nya vangi ngudzu. Hongoleni hi dige satshavbo esi si hi segelago ndzila, hi diga ni gighoho gi hi namarelago khu tshivba, hi tutuma nyamba vbela tshivba, hi landra pfhuka wu nga tshadego mbeli gwathu.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.

Vahebheru 4:2

Kholu, ethu hi hakhide Mahungu nya Yadi nga edzi va nga ma hakhago khidzo avo. Avo va ma pwide Mahungu, aholu, kha ma va phasa gilo, kholu, va di mapwa va si ma hakhi khu gukhodwa.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.

Jakobe 5:20

Dzitini gukhenu: Oyu a wuyisago gighohi ndzilani nya gululame, a na vbanyisa hefemulo wa gighohi gyogyo, gambe a na gira gu tsetseledwa sighoho nya singi.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

1 Pedro 1:9

Enu mu na ni gunengela gogo kholu mu hakhago mihandro nya gukhodwe gwanu, a gu guvbanyiswa nya mihefemulo yanu.

1 Pedro 2:1

Khavbo avbo, digani satshavbo nya guvivbe, malipha, gusengedzela, lidiwo ni milembo yatshavbo.

1 Pedro 2:11

Dzipari dzangu nya sigodwa, dundrugani gukhenu mu valuveli, mu vawuyi ga litigo leli. Khu guralo, nyi ngu mi lomba mu dige gunavela nya wuthu gu dwanago ni hefemulo.