Jakobe 1:19 - Bhibhiliya Nya Guage

¹⁹ Sitini gwadi esi, vandriyangu nya sigodwa; muthu ni muthu a na vbiredze gupwa, a hwela gu ganela, a hwela gu goroga.

Jakobe 1:19 Iomraidhean Croise

Nehemiya 8:18

Khu litshigu ni litshigu, Ezira, a di hevbula Libhuku nya Nayo wa Nungungulu, gukhugela litshigu nya guphele, kala litshigu nya guhegise, va gira buzo yoyo kala livbandre na mavili matshigu; khu litshigu nya livbandre na mararu, va di tshangana va dhumisa Pfhumu Nungungulu, kha nga idzo gu nga lowago khidzo.

Nehemiya 9:17

Va di bomba gu gu yingisa, va si alakanyi gambe siliwugiso U giridego vbakari gwawe, va di bangisa mihungo yawe, khu guyeyisa gwawe, va di dzi hathela muthu gasi a va thangela gu bwelela wugumbitunu, aholu uwe, U Nungungulu U dzi emisedego gu tsetselela, na wuri ni wuhigo, nu tade khu wuhindzi, U hwelago gu goroga na wu tade khu wuhindzi, khu guralo, Uwe khwa va pfhuralela.

Nehemiya 9:3

Na va emide malangani gwawe, va hevbuledwa Libhuku nya Nayo wa Pfhumu Nungungulu wawe, gipandre nya wu na khu litshigu; gimbe gipandre nya wu na, va di dawulela sighoho sawe ni gu khozela Pfhumu Nungungulu wawe.

Joba 32:16

Ina nyi ngu yela gu va lirela, nyi si ganeli, olu avo va degulago va si ganeli, gani?

Mavingu 10:19

Muthu nya guganele ngudzu, kha vhiki gighoho, aholu uye a vegedzago likana laye, muthu nya mapimo.

Mavingu 13:3

Uye a si ganeligo ngudzu a gu sayisa womi waye, aholu uye nya mapongowongo, a gu dzi vangela lufu.

Mavingu 14:17

Muthu nya gihafane a gu gira silo nya guhandruge, gasi muthu nya mapimo nya guwegele khwa gu nyenywa khu vathu.

Mavingu 14:29

Muthu nya litimiselo a na ni mapimo, aholu uye nya gihafane a gu vbiredzela gu yeyedza wupumbu waye.

Mavingu 15:18

Muthu nya gihafane a gu wusa mayunga, gasi uye nya gutimisele a gu avbula mayunga.

Mavingu 15:2

Lidimi la va nya gugengela la gu mburisa guti, gasi magana ya va nya guvivbedwa khu monyo, ma gu gamba wupumbu.

Mavingu 16:32

Uye a hwelago gu goroga, a ngu vbindra ndrena, ni muthu a kodzago gutimisela a guvbindra uye a phangago lidhoropa.

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mavingu 17:27

Muthu nya gugengele kha ganeli nya muganele, ni muthu nya mapimo a gu dzi rudzisa.

Mavingu 18:13

Uye a vbiredzelago gu hakha na si gu yingisi, a gu yeyedza wupumbu ni gu dzi thela dzitshoni.

Mavingu 18:21

Gufa ni guvbanya gomo tshivbani nya lidimi la muthu, uye a li thumisago a na havela mihandro yaye.

Mavingu 19:11

Muthu nya mapimo kha vbiredzeli gu goroga, wuzundzo waye, khu gutsetselela sihoso.

Mavingu 19:19

Muthu nya gihafane fanede gulivba abune nandru waye, kholu wa gu mu phasa, a gu engedzela gu gira gigaha.

Mavingu 21:23

Uye a vegedzago likana ni lidimi laye, a gu sayisa womi waye sigaradzoni.

Mavingu 25:28

Muthu a gumba kodza gutimisela, a gu fanana ni lidhoropa likhokhola laye li khungumugidego.

Mavingu 29:20

U ngu mu wona muthu nya guvbiredzele gu ganela, gani? I tshukwana muthu nya gipumbu, guvbindra uyoyo.

Mitengo 22:27

Avbo buru yi nga wonago Ngilozi ya Pfhumu Nungungulu yi di thega vbavbatshi; Bhalahama a di goroga ngudzu, a yi veta khu ndronga.

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Marko 12:37

Olu Dhavhidhe abune a mu ranago Pfhumu, gu ngu kodzega kharini Kristo gu khala gambe gyanana gyaye?” Gidzemo gyatshavbo gi di mu yingisa khu gutsaka.

Marko 2:2

Gi di tshangana gidzemo nya gingi ngudzu, gi nga tadzago ndranga yatshavbo kala vbanyangwatunu. Uye a di va hevbudza Mahungu ya Nungungulu.

Luka 15:1

A di yedwa khu vahengisi vatshavbo nya mikhupo ni sighohi, gasi guya mu pwa.

Luka 19:48

ambari ulo kha va nga dziti va na gira kharini, kholu vathu vatshavbo va di gu mu yingisa khu gunengela.

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 10:33

Nyi di dzegela gu gu ranisa. Nyi ngu bonga olu u dzudego. Olu hi tshanganide avba hatshavbo mahoni ga Nungungulu, hi dzi dongisede gu yingisa satshavbo esi u rumedwego khu Pfhumu.”

Mithumo 13:48

Va nya mayigo, na va pwide magana yaya, va di nengela, va gu rungudza mahungu ya Pfhumu; vatshavbo va nga bani va emisedwe gu hakha guvbanya nya gupindruge, va di khodwa.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.

Vaefeso 4:26

Mwa gu mana gigaradzo monyoni, dzi woneleni, mu nga digi gugaradzega gwanu gu khala gighoho. Likhulo lanu li nga hweli kala mu gu pfoledwa khu lidambo mu ngari nalo.

Vaefeso 4:31

Fuvisani vbakari gwanu dzitshikwi, likhulo, gigaha, ligwaha ni milembo, gumogo ni guvivba gwatshavbo.

Vakolosi 3:15

Myonyoni gwanu gu na fume gurula gwa Kristo, mu ranedwago ugo mu gu wumba givili gimwegyo. Khalani vathu va kodzago gubonga.

Vakolosi 3:8

Olu gu vbwetega mu tshulega ga satshavbo soso, mu nyenya dzizanga, ni likhulo, ni ndrwadza, ni milembo, ni magana nya gunyenyeze ya kanani gwanu.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

Jakobe 1:16

Mu nga dzi pfhadzi, vandriyangu nya sigodwa,

Jakobe 1:2

Vandriyangu, ni gevbini gilingo mu gi manago, tsakani, mu nengela.

Jakobe 1:26

Oyu a alakanyago gukhuye mukhodwa, aholu a si kodzi gu phara lidimi laye, wukhodwa waye khandri wa gilo, a gu pfhadza monyo waye wurumba.

Jakobe 2:1

Vandriyangu, enu mu khodwego ga Pfhumu yathu Jesu Kristo, Pfhumu nya wudhumo, mu nga giri gihathela vathu, mu khedza makhalelo.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

Jakobe 3:10

Khu kanani ga gumogo, hi ngu dusa magana nya gurungudze ni magana nya guvale. Vandriyangu, kha gu vbwetegi kharato.

Jakobe 4:11

Vandriyangu, mu nga ganelelani guvivba khu gyanu. Oyu a ganelago guvivba khu ndriyaye mwendro gu mu lamula, a ngu ganela guvivba khu nayo, a wu lamula. Uwe wa gu lamula nayo, gu yeyedza gupwani khuri muthu u landrisago nayo, aholu u muthu u lamulago nayo.

Jakobe 5:12

Aholu, ga satshavbo, enu vandriyangu, mu nga sambanyi khu ndzadzini, ambari khu mafu, ambari khu gimbe gilo. Ganelani basi, khenu: “Ina,” a gu bani ari ina; khenu “Ahihi,” a gu bani ari ahihi, gasi mu si ningwi nandru.

Jakobe 5:19

Vandriyangu, moyo wanu, a gu diga ndzila nya lisine, mumbe a na mu wuyise ndzilani.

1 Johane 2:21

Nyi ngu mi lovelani, nasiri khu gukheni kha mu litini lisine, aholu khu kotani mu litigo, ni olu mu dzitigo nya gukhenu malipha gima kha ma dugi khu lisineni.