Jakobe 1:17 - Bhibhiliya Nya Guage

¹⁷ Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Jakobe 1:17 Iomraidhean Croise

Genesi 41:16

Josefa a di phindrula ga Faro, khuye: “Khandri eni, aholu Nungungulu khuye a na ningago tshamuselo nya lisine ga Faro.”

1 Dzikoronika 22:12

Pfhumu Nungungulu a na gu ninge guti ni mapimo, gasi a gu vega gu fumela va na Israyeli, u kodza gu landrisa Nayo wa Pfhumu Nungungulu wago.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

Dzindzimo 102:27

Aholu uwe khuwe kamwe wa moyo, myaga yago yi mwalo mahegiso.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Dzindzimo 136:7

khuye a giridego lidambo ni ngima, kholu lihaladzo laye li ngu simama kala gupindruga;

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Dzindzimo 85:12

Uye Pfhumu Nungungulu a na hi ninga makategwa, litigo lathu li na ninga mihandro yaye.

Mavingu 2:6

Kholu Pfhumu Nungungulu khuye a ningago guti, guti ni gupimisa sa gu dugela khavbo Gwaye.

Isaya 28:26

Kholu Nungungulu waye a ngu mu hevbudza ni gu mu yeyedza esi a yelago gu gira.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Malakiya 3:6

Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 11:25

Khavbo avbo, Pfhumu Nungungulu a di tshiga vbalipfhitunu, a ta ganela ni Mosi; khu guralo a di vbungula Liphuvbo li nga bani liri avbo gwaye, a li thela ga vale nya livbandre na mavili magumi madhota; Gikhati Liphuvbo nya Guage li nga mbakago gwawe, avo va di profeta, aholu kha va nga engedza gambe gu profeta hwane nya litshigu lile.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Matewu 7:11

Nga wonani: Ambari enu nya gukhenu mu vivbedwe khu myonyo mu dzi kodzago gu ninga silo nya sadi sanana sanu, ahati Babe wanu a guromo Ndzadzini kha na nga ninga silo nya sadi vale va mu lombago, gani?

Luka 11:13

Nga wonani: Ambari enu nya gukhenu mu vivbedwe khu myonyo mu kodzago gu ninga silo nya sadi sanana sanu, ahati Babe wanu a guromo Ndzadzini a na gira kharini? A na ninga Liphuvbo nya Guage ga vale va mu lombago!”

Johane 1:9

Lito li diri wenengedzo nya lisine, wu ngatago mafuni gasi guta wenengedza muthu watshavbo.

Johane 3:27

Johane a di phindrula, khuye: “Mwalo a dzi kodzago gu hakha gilo a gu bani a sa ningwa khu Ndzadzini.

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

1 Vakorinto 4:7

Kholu, khu mani a nga gu ninga gu khala khongolo ga vakwanu? Iso u gu naso khandri u di ningwa, gani? Khu ginani u dzi gugumugisago gukhwatshi esi u gu naso khandri u di ningwa khu Nungungulu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 2:8

Kholu mu vbanyisidwe khu wuhindzi khu kotani nya gukhodwe gwanu. Guvbanyiswa khandri mwa gu gu mana khu tshivba yanu, kholu giningwa gya Nungungulu.

Dhewuteronome 4:19

Wa gu khusa maho u khedzisa ndzadzini wa gu wona lidambo, ngima ni dzinyeledzi, ni mabutho yatshavbo ya ndzadzini u nga tshuki u dzi nyenyezisa khu gu si khidzimela u si khozela ni gu si thumela. U thumela silo esi Pfhumu Nungungulu wago a si kabanisedego vathu nya mayigo yatshavbo ma guromo vbavbatshi nya mafu gasi si khala thomba yawe.

Vafilipi 1:29

Nungungulu a mi ningide wuhigo, nasiri basi owu nya gukhodweni ga Kristo, aholu, ni owu gambe nya gusaniseke khu kotani yaye.

1 Thimoti 6:16

Khuye basi a sifigo. Uye khade gungangamelani gu si vbohedwigo khu muthu. Mwalo a mu wonidego, gambe mwalo a dzi kodzago gu mu wona. Ga uye, wudhumo ni tshivba kala gupindruga! Amen.

Vahebheru 13:8

Jesu Kristo khuye wa moyo, wa vbanova, wa muhuno, ni wa gikhati gyatshavbo.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Jakobe 3:15

Guti gogo kha guti khu ga Nungungulu, aholu, khwa mafuni momu, mavbanyelo nya liphuvbo nya guvivbe.

Jakobe 3:17

Aholu guti gutago khu ga Nungungulu khu gule gu tengidego, nya gurule, nya gwadi, nya gutale khu wuhindzi. Wa gu ninga mihandro nya mithumo ya yadi. Guti gogu gu mwalo maalakanyo nya guvivbe, mwendro gu pfhadzedzela.

1 Johane 1:5

Mahungu hi ma pwidego ga Jesu Kristo, ayo hi ma tivisago gwanu nenu, khaya: Nungungulu Wenengedzo, ga Uye gu mwalo gidema.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.

1 Samuweli 15:29

Wudhumo wa Israyeli wu mwalo malipha ambari gu vbindrugedza, kholu khandri muthu nya gukhuwe a na dzi laya.”