Jakobe 1:14 - Bhibhiliya Nya Guage

¹⁴ Aholu muthu ni muthu a gu lingwa khu gudogolela nya monyo waye, wu mu ndrindrago, wu mu senga.

Jakobe 1:14 Iomraidhean Croise

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

2 Samuweli 11:4

Dhavhidhe a di rumela vathu guya mu rana; uye a dita a ta lala naye; kholu a di dzi agiside manyalani nya migima yaye, khu hwane a di bwelela nyumbani gwaye.

Joba 31:27

mwendro monyo wangu na wu dzumede gu sengwa khu gisihaledza, nyi khusedza mandza nyi si bhejari, nyi si ninga githawo.

Joba 31:9

Monyo wangu wa gu bani wu dogorede ngadza vane; ni gu bani nyi holelede nyumbani ga muakelane wangu,

Mavingu 4:23

Guvbindra silo satshavbo, vegedza monyo wago, kholu khumo gu guromo guvbanya gwago.

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Hoseya 13:9

Uwe Israyeli, u mbembisidwe, kholu u nga nyi wugelago, u bwelo khavbo u wugela muphasedzeli wago.

Matewu 15:18

Gasi gyatshavbo igyo gi dugago khu kanani gya guta khu monyoni; egi khigyo gi nyenyezisago muthu.

Matewu 15:20

Esi khiso si nyenyezisago muthu. Gasi gu hodza nyamba hamba mandza, isoso kha si nyenyezisi muthu.”

Matewu 4:1

Khavbo avbo, a di dzegwa khu Liphuvbo, li mu yisa giwulani, gasi aya lingwa khu Sathane.

Matewu 5:28

Gasi eni nyi ngu mi embelani, kheni: Watshavbo uye a khedzago nyamayi, khu gu mu dogorela, bhayide naye monyoni gwaye.

Varoma 7:11

Kholu, gighoho, na gi tuledwe ndzila khu Nayo, gi di nyi senga, gi nyi songa.

Varoma 7:13

Guyeyedza gupwani esi si gu sadi si vbindrugedzide si nyi vangela gufa, gani? Ahihi, khandridzo. Aholu gighoho, gasi gu dzi yeyedza gukhigyo gighoho kamwe, gi di ambala esi nya sadi gi nyi resela gufa. Khu magirelo yoyo, khu kota nya Nayo gu wonegisidwe gwadi guthisa nya guvivbe gwatshavbo nya gighoho.

Vaefeso 4:22

Khu kharato, digani tumbunugo nya mavbanyelo yanu ya gale nya gutale khu gudogolela nya gunyenyeze, gu yisago gumbembani.

Vahebheru 3:13

Aholu, tiyiselanani khu gyanu, gikhati gyatshavbo, na mu nga gu vbanya ga litshigu li ranwago pwani “Muhuno” li thudwago khu Milowo nya Guage. Girani esi, gasi ni moyo wanu a si sengwi khu gighoho a banga hungo.

Jakobe 1:13

Muthu a gu lingwa a nga ganeli, khuye: “Khu Nungungulu a nyi lingago.” Nungungulu kha dzi kodzi gu lingwa khu guvivba, gambe kha lingi muthu.

Jakobe 1:15

Gudogolela gwa gu bela monyoni nya muthu gu khura mimba gu velega gighoho, gighoho na gi giridwe gya gu vanga gufa.