Jakobe 1:12 - Bhibhiliya Nya Guage

¹² Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

Jakobe 1:12 Iomraidhean Croise

Genesi 22:1

Hwane nya gugirege satshavbo sesi, Nungungulu a di linga Abrahama. A di mu rana, khuye: “Abrahama!” Abrahama a di hakha, khuye: “Nyi womo avba.”

Nehemiya 1:5

Nyi ganela, kheni: Nyi ngu lomba ga uwe Pfhumu Nungungulu wa ndzadzini, uwe u gu khongolo u thavisegago, uwe u sayisago pwanano ni gu girela wuhindzi vale va gu golago ni gu vegedza milayo yago!

Joba 2:10

Joba a di mu hakha, khuye: “Wa gu ganela kha nga nyamayi nya gipumbu. Ina hi yede gu hakha basi iso nya sadi khiyo ga Nungungulu, nyamba hakha iso nya guvivbe, gani?” Khu satshavbo soso, Joba gima kha dzi nyenyezisa khu gu ganela khu likana laye.

Joba 5:17

Wonani, idzo a kategago khidzo wule a dzumelago gu kawukwa khu Nungungulu; khu kharato u nga yeyisi tsayiso wa Nungungulu nya Tshivba Yatshavbo.

Dzindzimo 11:5

Pfhumu Nungungulu a ngu wona oyu nya gululame ni oyu nya guvivbe, a venga oyu a golago wughevenga.

Dzindzimo 119:67

Nyi pengide ngudzu nu si gu nyi tsayisi, olu nyi ngu vegisa magana yago.

Dzindzimo 119:71

Gutshaniseka gwangu gu nyi phaside, kholu nyi hevbude guti milayo yago.

Dzindzimo 119:75

Pfhumu Nungungulu, nyi ngu dziti gwadi gukheni gulamula gwago gu lulamide, khwa hosisa olu U nga nyi tsayisa.

Dzindzimo 5:11

Va na nengele vatshavbo va thavelago avbo gwago, va na kulungele kala gupindruga; uwe u ngu va vhikela, avo va nengela khu uwe, avo va golago lina lago.

Dzindzimo 94:12

Pfhumu Nungungulu, kategide muthu u mu layago, oyu u mu hevbudzago nayo wago.

Ekisodha 20:6

Aholu, nyi ngu girela wuhindzi, kala gitugulwana nya likhumi mazana (1.000) ga vale va nyi golago, va wuya va vegisa milayo yangu.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Isaya 64:4

Kholu gukhugela gikhati gya gale, gu si gu pwali silo nya nga esi, ambari khu dzindzeve, mwalo a si pwidego, mwendro khu maho gu wona Mumbe Nungungulu, vbavbandze ga uwe, u girelago nya singi vale va gu tumbago.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Luka 6:22

“Mu kategide mwa gu vengwa khu vathu, va mi tutumisa, vbakari gwawe va mi vala ni gu nyenya lina lanu khwatshi li di nyenyeza, khu kotani ya Mwamana wa Muthu.

Varoma 5:4

Gutimisela gu ninga gutiya musilingoni; gutiya gu ninga gitumbo.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

1 Vakorinto 2:9

Aholu, kha nga yi ganelago Milowo nya Guage, khiyo: “Pfhumu dongisede ga vale va mu golago silo nya gu gima mwalo a si wonidego, mwendro gu sipwa, gambe mwalo a nga si pimisa.” Khiso esi Nungungulu a si dongisedego ga avo va mu golago.

1 Vakorinto 8:3

Aholu, muthu a gu haladza Nungungulu, Nungungulu nuye a na mu muti.

1 Vakorinto 9:25

Vathu vatshavbo va girago mapalisana va gu dzi phara siloni satshavbo. Va gu gira satshavbo esi khu gufela gu koka givango nya simbo nyamba hwela gufa. Gasi ethu ha gu thumela gu koka givango gi vbanyago kala gupindruga.

Dhewuteronome 13:3

u nga yingisi magana ya muprofeti yoyo mwendro mulori yoyo; kholu Pfhumu Nungungulu wanu, a gu mi linga gasi gu wona gukhuye mu ngu haladza Pfhumu Nungungulu wanu, khu monyo wanu watshavbo ni hefemulo wanu watshavbo.

Dhewuteronome 7:9

Khala nu gu dziti nya gukhuwe Pfhumu Nungungulu wago, Nungungulu nya gutumbege, a vegedzago gidzumeledzwano ni gu girela wuhindzi kala gitugulwana nya likhumi mazana (1.000), ga vale va mu golago ni gu landrisa milayo yaye;

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

2 Thimoti 2:15

Khala nu dzi dongisede u manega mbeli gwa Nungungulu nga githumi nyambana dzitshoni, nga idzo a dzinago khidzo uye. Khu kharato, ganela mahungu nya lisine, nya gululame.

2 Thimoti 4:8

Olu gu tshade basi gu hakha tshatshazelo wangu owu Pfhumu a na gu nyi ningago khu litshigu lakone. Uye khuye Mulamuli nya lisine. A na nyi ninga tshatshazelo, nasiri eni basi, aholu ni vale vatshavbo va nga lindrela khu lihaladzo gu wuya gwaye.

Vahebheru 10:32

Alakanyani esi si nga dugelela gale, matshigu yale mu nga hakhago wenengedzo wa Nungungulu; mu wonide tshanisa nya yikhongolo, aholu, gima kha mwa padwa litungani.

Vahebheru 11:17

Khu gukhodwa, Abrahama, gikhati a nga lingwa, a di vbweta gu songa gyanana gyaye Isaki kha nga mhamba. Nungungulu a di tumbiside gu mu ninga sanana nya singi, ambari ulo, a di dongide gu songa gyanana gyaye gya gimwegyo a gira khigyo phaso nya mhamba.

Vahebheru 12:5

Ina olu mu divaledwe khu magana nya gu mi tiyisele mu embedwego khu Nungungulu gukhwatshi mu sanana saye, gani? Kholu, a mi embede, khuye: “Mwanangu, u nga kanyisi gulaya ga Pfhumu; u nga vbeli tshivba wa gu kawukwa khuye,

Vahebheru 6:15

Abrahama a di timisela, a si mana kharati esi Nungungulu a nga mu tumbisago.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

Jakobe 5:11

Ha gu wona gukhethu avo va tsakide kholu va nga timisela sigaradzo. Enu mu pwidego na gu ganedwa khu gutimisela ga Joba, mu ngu dzitini edzi Nungungulu a nga mu kategisa khidzo. Kholu Pfhumu tade khu wuwadi ni wuhindzi.

1 Pedro 3:14

Aholu mu na bani mu kategide mwa gu mana sisaniso khu kotani nya gugire iso nya sadi. Mu nga thavi muthu, gambe mu nga thurugi.

1 Pedro 4:13

Aholu, nengelani khu gu hengela gusaniseka ni Kristo gasi mu tale khu gutsaka gikhati wudhumo waye wu na wonegiswago.

1 Pedro 4:14

Enu mu kategide mwa gu vadwa khu kotani nya lina la Kristo, kholu, gu yeyedza gupwani Liphuvbo nya wudhumo a gu Liphuvbo la Nungungulu lomo avbo gwanu.

1 Pedro 5:10

Nungungulu nya wuhigo watshavbo a mi ranidego khu ga Kristo Jesu, guta belani wudhumoni gwaye nyamba vbela, khu hwane nya gu na mu sanisekide vbadugwana, a na mi kategisani, a mi tiyisela, a mi ninga tshivba ni gutiya nya lisine.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

1 Johane 4:19

Gasi ethu, hi ngu haladza Nungungulu, kholu Uye khuye a nga phela khuye gu hi haladza.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.