Jakobe 1:10 - Bhibhiliya Nya Guage

¹⁰ Gitetema nigyo gi na nengele gya gu tshiswa vbavbatshi, kholu gi na mwalalega kha nga genge nya mwasi.

Jakobe 1:10 Iomraidhean Croise

Joba 14:2

A gu rumbuga gu fanana ni genge, bwelo khavbo a wu na, a mwalalega gu fanana ni mwedzi, a si wonegi gambe;

Dzindzimo 102:11

Matshigu yangu ma gu mwalalega gu fanana ni mutsa nya silambo, ma gu wu na ma banga gu fanana ni mwasi.

Dzindzimo 103:15

Matshigu nya guvbanye nya muthu ma gu fanana ni mwasi; wa gu dandra, wu rumbuga nga senge sa khabini.

Dzindzimo 37:2

Kholu, va gu fanana ni mwasi, va na dandra nyamba hwela, kha nga mwasi nya gunyuge, va na wu na.

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Isaya 40:6

Gupwala lito li gu, khilo: “Huwelela;” mumbe, khuye: “Nyi na huwelela ginani?” Va embele khuwe vathu vatshavbo va gu fanana ni mwasi, ni wumburi wawe watshavbo wa gu fanana ni senge nya likhabi.

Isaya 40:7

Mwasi gu banga, senge si thega, avbo liphuvbo la Pfhumu Nungungulu li furugedzago vbatshani gwawe. Lisine kamwe, vathu va ngu fanana ni mwasi.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Matewu 6:30

Ambari nya gukhenu mwasi, nya gu muhuno womo thembweni, mindru wu rinywa niloni, wu ambagiswago kharati khu Nungungulu, ahati enu, vathu nya gukhodwe vbadugwana?

1 Vakorinto 7:31

ni ava va thumisago dzithomba nya mafu, nga khwatshi kha va dzi thumisi. Kholu makhalelo nya mafu yaya ma ngu vbindra.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

Jakobe 4:14

Enu kha mu dziti gukhenu mu na wuga kharini mindru! Kholu womi wu khade kha nga hunguva yi dugago khu guvbiredza, yi vbindra nyamba hwela.

1 Pedro 1:24

Kha nga yi ganelago Milowo nya Guage: “Vathu vatshavbo va khade kha nga mwasi wa thembweni, ni gungangamela gwawe gu khala nga genge nya mwasi; mwasi wa gu banga, senge sa gu thega.

1 Johane 2:17

Mafu ma ngu vbindra, gumogo ni satshavbo sile si godwago khu vathu, aholu, oyu a girago guhaladza ga Nungungulu, a na vbanya kala gupindruga.